ممكن تساعدوني وتعطوني وصفات لشوربات مختلفه وسهله
بكون شاكره لكم 
إقتباس:
الرسالة الأصلية كتبت بواسطة ro0o0osa 
السلام عليكم ورحمه الله وبركاته
هذي شوربه وااااااااايد احبها
اخترعتها يوم كنت بالسكن كل اللي يشربها مني كان يحبها
المهم
المقادير
علبه ذره حب حلوه
مكعب ماجي ( انا استعملت مال خضره هذا اللي كان متوفر عندي)
جيسه شوربه ماجي بالدجاج والشعيريه ( او نوع اللي تفضلينه)
1 قشطه
5 ماي قياس قوطي القشطه
3 ملاعق كبيره حليب بودره
فلفل اسود ,,, ملح اذا لزم
الطريقه
اخلطي ماي والحليب البودره والقشطه و الماجي و ذره شوي ويا بعض
صبيه بخلاط العصير عشان ماتم كتل القشطه وعشان شوي الذره اللي حطينها يصير ناعم
نصبه ونحطه بالنار وعقب نحطه ع النار ليييييييين يغلي
حطي جيسه الشوربه مع التحريك
وعقب نحط الفلفل اسود
واذا ماشي طعم ملح زيدي بس يكفي الماجي في ناس تحب ملح زياده
اتريي لين تستوي الشعيريه
وبالهناء
تراها مغذيه وصحيه
هذا صحني
المشاركة الأصلية كتبت بواسطة thariya 
هالشوربة وايد احبها اتذكرني بمطعم صدف وحاتم
مقاديرهااااا
بالكمية اللي تحبينها
تحمسين
(( كمون,,حبوب خردل,,بصل مكعبات وكركم))
ضيفي عليه
(( مكعبات طماط..خضار مشكلة مجمدة))
البهارات(( مدراس بوعلبة خضرا,,فلفل اسود,,دارسين,, ماجي))
عصير ليموووون,,معجون طماط شوية بس ..
والحينه صبي عليه شعيرية& شوفااااااان وماااااااااااي
واتركيهم ليما ينضى,,تاخذ كلها على بعضها نص ساعة
المشاركة الأصلية كتبت بواسطة romanah 
ارز (( حسب الكميه )) كم عدد افراد البيت
سمن
روبيان ناشف
ملح
فلفل اسود
كركم
بصل
ماء
المشاركة الأصلية كتبت بواسطة هيام2 من بضعه ايام الجو كان عندنا مطرة وبرد ورياح كان فظيع رحت مسويه شوية شوره عدس يستهلوا فمكم
المقادير
فيكى تزيدى وفيكى تنقصى
كوبين عدس أصفر اى نصف كيلو
2 فص ثوم وبصله متوسطة و3 جزرات
ملح ومعلقه كمون
نصف كوب شعرية
معلقه سمن بلدى يروم عظامكم
عيش ابيض
الطريقه
تغسلى العدس وتصفيه
وتقشرى البصله وتقطعيها وتقشرى الثوم وتقشرى الجزر وتقطعيه وتضفيهم على العدس مع كميه كافيه من المويه وترفعيهم على النار لين مايستوى
ومن وقت لااخر تقلبية واذا أحتاج مويه ضيفى له
كده خلاص استوى
اتركية لتهدء حرارته واخفقية فى الخلاط وصفيه فى المصفاه مع اضافه الكمون عند الخفق
هاتى الحلة وضعى معلقه السمن وحمرى الشعريه الى ان تصبح ذهبية اللون
صبى عليها شوربة العدس واتركيها على نار هادئه حتى تستوى الشعرية 
هاتى العيش وافتحية نصفين وحمصيه تحت شواية الفرن ( الجريل )
هاتى بصله وقطعيها شرائح رفيعة وضيفى اليها قليل من الخل
وصبى العدس وكلى وادعيلى
المشاركة الأصلية كتبت بواسطة غموض ان شاء الله لي يذوقها مرة يطلبها كل مرة ولي تجربها تدعي لي بالتوفيج وللوالده بالصحه
المقادير :
1بصل مقطعه مربعات صغيرة
1بطاط مقطعه مربعات صغيرة
2 كوسة مقطعه مربعات صغيرة
كزبرة مفرومة
اصابع السلطعون
كوب طحين
علبة من كريمة الطبخ
قباقيب ينظف ( نكسر الارجل والصدر الى نصفين )
كيس يحتوي على (ربيان صغار + نغر + محار ) شي فالكارفور والجمعيات يبيعون هالاشيا كلها ف كيس مجمد للي حابة
ربع زبده
ملون الطعام الاصفر
الطريـــــــــــقة :
نضع القباقيب + الربيان والنغر في قدر ونضيف قليل من البصل والفلفل الاسود للرائحه.
نتركه 5 دقائق ع النار .
ثم نضيف 2 ملعقة من الزبدة ونتركه قليلا مع التقليب .
في قدر اخر نضع البصل ونقلب الى ان يذبل ثم البطاط والكوسة ونضيف عليه 2 ملعقة من الزبدة او 3 ثم نضيف فلفل اسود و 1 ماجي وقليل من الكركم نصف ملعقة من البهار .
ثم نضيف كوب من الطحين ونقلب ونضع لتر من الماء الحار على الخلطة ونحرك بسرعه لكي لا يتكتل الطحين مع الخلطة .
نضيف م من الملح ثم القباقيب والنغر والربيان ونحرك ثم نتركه 5 دقائق ثم نضيف الكريمة فوقه
ونستمر بالتحريك .
ثم نقطع اصابع السلطعون قطع دائرية ونضع البقدونس والكزبرة ثم نضيف اللون الاصفر الى الشوربة حسب الرغبة وننتضر 3 دقائق لتصبح الشوربة كثيفة
وبالعااااااااااافية
المشاركة الأصلية كتبت بواسطة ahaat_2015 بردانه تعالي تدفي مع شربتي خخخ
مرحبا خواتي اليوم يبت لكم طريقة عمل الشوربة "شوفان "
وهذي الشربة المعتمده لي
وتصلح حق اليهال وااايد زينه لهم خاصه في هذا الجو البارد
المقادير:
شوفان 7 خواشيق
ملح ربع خاشوقة
مكعب ماجي
فلفل اسود مطحون
2 بيض
حليب بودرة 2 خاشوقة ك
4 كواب ماي
المقادير على حسب انتي ما تبين اذا تبينها وااايد ولا شوي لاني انا ما اقايس اسوي على طول وتطلع مضبوطة خخخخ خقاقه انا سويتها خفيفة
الطريقة
تيب شوفان "على حسب انتي ما تبينها تكون غليظة او خفيفه "
وحليب تقريبا خاشوقتين تكفي كبار وتحطين ملح على حسب ما تبين وتيبي ماي وتحطينه وتمي تحركينها هذا قبل ما تحطينها على النار وبعد ما ختلط كل المكونات مع بعض تحطينها في النار وحط مكعب الماجي "الماجي فيه ملح لا تحطين ملح وايد شوي بس " وتمي حركي عسبت ما يتعقد الحليب او الشوفان وتمي حركي شوفي كيف صارت
وبعدين اكسري البيض في مله صغيره وحركيهم وبعد ما تفور الشربة صبي البيض فيها وتمي حركي
شوفي كيف صار البيض بعد ما صبيتيها
[
شوفي البيض طبعا صورة وكان الشربة تفور
بعدها حطي الفلفل وخليها دقيقتين تفور وبعدين صكري عليها
شوفو كيف صارت
وهاذي ملتي مال الشربة
طبعا انا ما حطيت فلفل لانه بعطي الصغارية منها بس اللي انا بشربها رشيت شوي فلفل وحركتها بخاشوقه وشربتها اهااااا لذيذه
وبالعافية على قلوبكم
ودعواتكم لي ولعيالي بالصحة والعافية
وتريوني