اشحالكم حبوباااات …..^_^
بناااات باجي عن عرسي شهر .. وانا وريلي فترة الملجه واااااااااايد اضاربنا
وعلاقتنا صار فيها فتوووور … والحين الحمد لله اتصالحنا بس ابا اسألكم
كيف اقدر اكسب ريلي أكثر؟؟ خلااص ابغيه ينسى اللي قبل وهو يقول ما بنسى
إلا يوم اشوفج متغيره وتستوين اوكي تسمعين الكلااااام ….
وعلشان يبرد الحررره اللي فداخله يباله شهرين او ثلاث حسب كلامه
مع انه يوم يكلمني احس انه نسى كل شي بس هو دلووووووووووع يباني حقه وبس
وقتي كله له يوم يبااني يلقااااااني ما انشغل عنه وانا مضغوطه الحين قربت الامتحانات
وسوااالف الجامعه اللي ما تخلص …
على فكره اغلاطي عفويه عااااااديه جدا بس من زود ما تتكرر كره عمره هذا اللي ذابحنه
ما اعرف شسوي ومن غير انه العرس قريب وتعرفون الريال يبدى يحاااتي المصاريف وهالسوالف
يستوي عنده توتر من العرس ما يرتاح لين ما يخلص العرس…
انا شو بيدي خبرووووني ؟؟؟؟ ابتعد عنه وإلا شووووو؟؟
واصلا يقولج اول سنه من الزواج هذي كلها بداية اكتشااف
هو شو يحب وانتي شو تحبين يعني على مدى سنه وبعد ماراح تفهمون بعض اميه بالميه
يعني وحده ووحده وبتتأقلمون ان شاء الله
كلنا مرينا بهالمرحله .. بس حاولي حبيبتي لا تحاولين تعاندينه وايد
وكل مايشد انتي ارخي والعكس عسب تفهمون بعض اكثر واوضاعكم تكون هاديه ,,
وموووفقه ياقلبي
الي اقدر انصحج فيه.. طنشي ولا تذكرينه بموضوع الخلاف وكل ما يتكلم عنه حاولي تغيرين الموضوع ترمسين بشي يحبه ويسليه او قولي له كلام حلو..
وعقب العرس تلقائيا كل شي بيتغير صدقيني.. الحين جي يقول بس عقب ما يعيش وياج ويكون بقربج العلاقة الي بينكم بكبرها بتكون غير وحميمية اكثر..
حاولي تبتعدين عن الأشيا الي ما يحبها عشان يحس بتغييرج.. وحطي في بالج هاي فترة توتر من جي كلام الي يعقه او يقوله مب حاس فيه.. عطيه كل اهتمامج حتى لو بالمسجات وانتي مشغولة .. حتى لو تكلمينه خمس دقايق على فترات متقطعة.. هدايا بسيطة بين فترة وفترة.. حتى لو وردة .. وعقب العرس الإهتمام تلقائي منج بيزيد
وربي يألف قلوبكم ويخليكم لبعض
ربي يسخركم لبعض أختي
بنظري عطي الأمور وقتهــأ ,, لا تضغطين عسب ما ينفجــر 
خلي بينكم مجال فسحـة ,, هو يرتاح فيها وانتي ترتاحين ^^
وإذا عالغلطات العادية ترى الكمال لله
المهم الإنسان يعتذر
ويحاول يصلح لدينه أولا ولنفسه قبل غيره
أهم شي اذا اتصل كوني نعم المستمعـة ,,
وخليه يسكر الخط وهو مذكرج بذكرى حلوة
وربي يسخركم لبعض ويتمم زواجكم على خير
وهي فترة وبتعدي ^_^
انتي حاولي ما تضايقينه يعني ما تذكرينه بسالفه جديمه صارت
يمكن احين ريلج يعاني من ضغوطات العرس
و ان شالله خير
انتي كوني ريلاكس وحاولي اتهدينه
ومثل ما قالو رمسيه عن السوالف اللي يحبه
وربي يوفقج حبيبتي
لكن اول سنة زواج دوم ضرابة وعصبية .. تحملي ياختي والله يصبرج