MAI KHAO شاطىء الرومانسية ~ حتى لو وسط البحر يبني لي بيوت~ 2024.

هاي Ladies

رحلتي هالصيف كانت غير ومميزة جدا وكله بفضل التخطيط الممتاز وجد استمتعت بها وأفكر أعيد التجربة!

حبيتكم تشاركوني هالتقرير ان شالله يعيبكم وان شفت تفاعلكم بضيف صور أكثر

الرحلة كانت لجزيرة ع الكرة الارضية>>>هههه حلوة صح

المكان على احدى الشواطئ الرائعة ف العالم اللي اطل على بحر اندمان واسمه MAI KHAO

وهذي بعض الصور التقطتها من السيارة قريب منطقة الفندق

الفندق ممتاز للريلاكسيشن وهو بعيد عن وسط المدينة نوعا ما من حيث المطاعم والاسواق بس من تدخلونه مااطن انكم تبون تطلعون من كثر الروعة

نبتدي بمدخل الفندق

وهذا الرسبشن في الهواء الطلق روووعة

المدخل عبارة عن ارضية كلها ماي وتمشون ع الاطراف فقط~

وهذا اللوبي ~ وبعد ف الهواء الطلق.. صدق شمس بس الجو معتدل وحلو

وهني وصلنا غرفتنا اقصد الـSALA pool villa

طبعا ريلي بعده موب مستوعب انه عرس وخلص قايل لهم HONE MOONERS

وهذي زاوية ثانية~

وأحلى الشي المنظر لي اطل عليه الغرفة ~~ترومون تفتحون كل الـDOORs وخص الصبح صدق شعور غييير

وهنا كانو حاطين لنا كاندل والعطر اللي عليها روووعة وكاتبيلنا تهنئة

وعلى طرف هذا الـDESK

الميني بار والدريسنج روم والسيفتي بوكس كلهم ورى الشبرية منظمينهم بطريقة كيوت ومب مسوية زحمة بالغرفة

وأحلى شي بفنادق هالمنطقة انهم يرحبون فيكم بطريقة كلاس
اول ما دخلنا عطونا هالاساور مصنوعين من الياسمين وقدمولنا جاي بالنزجبيل والليمون روووعة بس تراه جاي باااارد

بليز بدون تعليق ع الموبايلات ..هههه انا وريلي نودي بالسفر تلفونات قوم بو عبود عشان لو ضاع مب من خسارة لووووول…لا بس الصدق ان تلفوناتنا بلاك بيري وعليهن لوك فاستخدمنا هذول
اتريا الردود السنعة عشان اراويكم باقي اللحظات فهالفندق الرائع~~