اشحالكم بنات ؟
الحمد الله ما عندي مشاكل . . بس شوي راسي دااير و مب قادرة افكر
السالفة
انـي قدمت لوظيفة في ADNEC و تكون part time لانـي اداوم في الجامعة و هم يبونا نشتغل عندهم بس اسبوع واحد !!!
من تاريخ 17 لين 24 و من الساعة 8 لين 6 المغرب >< و طبعا بيدفعولنا ع حسب الساعات الي اشتغلناهن ^^
يوم استفسرنا عن الدوام قالولنا لازم اداومون من 8 لين 6 المغرب و في بريك بس ممنوع تطلعون من المبنى !!! يعنى ما شي جامعة !!! قالوا بنعطيكم اعفاء عادي ما اداوموون !! أستااانسنا وناااسه حق اسبوع ما شي جامعة
كل شي اوكي لين الحين قدمت الاوراق و جيه و اترياهم يتصلون فيني عشان المقابلة.
الحين يلست افكر . . بيني و بين نفسي !! انا ابى اشتغل عشان اخذ خبرة بس !!! و في الاسبوع الي بغيبه عن الجامعة منو ان شاء الله بيشرحلي كل الي فاتني !! لا تقولون البنات >< انا لازم الـــ teacher تشرحلي عشان اكون مرتاحة !!!
فعاد شوورووا علي شرايكم ؟؟
اخلي سالفة الشغل للصيف و يمكن احصل ع اماكن احسن . . و لا ادوام و اغيب عن الجامعة الا هو اسبوع و الدراسه لاحقه عليها
ع فكرة في اول اسبوع من السمستر الثاني بيبدى الشغل
يعنى بداوم بس يومين في الجامعة
^^
^^
أنا أقول أختي استخيري
وصراحـة مب وايد ضروري هالدوام مال اسبوع
مب هو الي بيزيدج خبرة غير ان شكلـه مختلط ^^!
أهم شي دراستج وتفوقج 
بس درآستـج اولـى حبيبتي ,,
والشغـل لاحقـه عليـه ف الصيـف ,,
ترآ انا شرآتج بعد كنت ادور بارت تـآيم وللحين مالقيت ,, والصيف الماضي دآومت وحصلت مكأفأه و3 شهايد خبررره من نفس المكـآن ^^ لان بعضهن كانن امتيـآز والحمدلله
ف الصيف انسبلـج بتكونين متفرغـه للدوام وبتعطين اكثـر اما الحين ف بالج بيكون متشتت مابين الدراسه والشغل وبتقعدين تحـآتين ,,
وغير هذا الدوام وااااايد طويل الصراحه !! ومتعـب ,, آلله يعينج ياعمريه
الله يسهل امورج ويجدملج اللي فيـه الخيـر لج ,,
آختج ف آلله
يعني لو منج مستحيل اغيب اسبوع بكبره من الجامعه وفيه حضور ودراسه ولابات عسب خبره !! وانتي تقدرين تتدربين وتاخذين خبره ف الصيف ولا بعد التخرج
ولاحقة ع الخبره
لانه بتضيع عليج دروس وبتتراكم عليج وبكون ضغط عندج
ريحي عمرج وخلي الشغل للصيف