~[ السـَـلآم عليكـُـم ورحمـَـة الله وبركـَـآته ]..
/ / /
، ؛ ، مررحبا الغاليآات
شلوونكم؟ شخبااركم؟ شحاالكم؟
عسآكم بخييير
واليووم ياية لكم بستآيل مناكير يدييد سويته أمس..
بالصور بس الخطوات ماصورتهم على أظافري ><" لأن وقت اللي سويته ميموري الكآم ماكانت عندي
بس صورت لكم المنآكير والنتيجة النهآئية وإن شاء الله يكون كل شي مفهووم
أول شي.. صورة للمناكير.. طبعا لازم يكون فيه وردي
مناكير واحد عادي "فورلايف" والثلاثة الباجين خاصين بالرسم..
أول شي المفروض أحط بيس كووت.. بس اللي استعمله انكسر >< وماشريت يديد للحين
فعلى طول حطيت اللون اللي هو فور لايف.. بس يفضل تحطون بيس خاصة لو كان اللون غامق..
هاللون الي استخدمته وهو بيبي بينك على لحمي.. يجنن
طبعا خليت طبقة وحدة وخليتها تجف 5 دقايق.. عقب اماكن الضربات الخفيفة زدت طبقة وبعد نطرتها 5 دقايق
بعد خذيت المناكير السلفر.. فيه قلتر وهذا شاريته من زمااان من الصيدلية كان مع طقم فرنش وما شاء الله للحين ماجف.. شوفوا الفرشاة مخصصة للرسم
بالفرشاة أرسم خط مائل من اليمين واليسار "يشكلون مثلث" تقريبا من منتصف الظفر.. عقب ارسم مرة ثانية علشان يصير المثلث عريش.. بحيث يتم من طرف الظفر يعني يكون الظفر بيبي بينك وفي الوسط مثلث سلفر وعقبه يبين البيبي بينك لنهاية الظفر
،،
عقبها آخذ هالمناكير شريته من فورايفر 21 مخصوص للرسم.. روووعة الصراحة وبسرعة يجف.. بروح اخذ لي الوان غير.. شوفوا فرشاته ضعيفة واايد ينرسم بها خطوط ضعيفة وعريضة
بهالفرشاة ارسم مثلث من عقب السلفر واغطي نهاية الظفر "بيكون مثل طريقة الفرينش مانيكير بس مثلث مب قوس"
،،
أنتظر 5 – 10 دقآيق علشان يجفون
عقب آخذ هالمناكير مال دايسو بعد مخصص للرسم بس فرشاته قصيرة وعريضة نوعا ما
وأرسم نقطتين بالجهة الداخلية من المثلث السلفر
طريقة النقطة أول شي انظف الفرشاة من الزائد بتمريرها على طرف العلبة
عقب اقربها من الظفر بشكل عمودي واضغط ضغطة خفيفة وترااارااا صارت نقطة حلووة
أحط نقطتين فووق بعض بشكل عمودي
وأخيـــرا خليهم يجفوون و يفضل أحط طبقة توب كووت شفافة علشان تبين اللمعة..
بس انا كنت مستعيلة وماحطيت
وأخيـــرا
النتيجة النهآئية
.
.
.
/ /
ما شآء الله بليز
إن شاء الله يعجبكم ^.^
وإذا عجبكم بحطلكم ستايل ثاني مسويته قبل هذا بس ماحطيته هني.. ^^"
وأنتظروا جديدي دآيما ، ؛ ،
/ / /
{ يحفـَـظكـُـم الله ويرعـَـآكـُـم
،، 
،، مـــعَ الســّــلآمــة }
انا ما اقدر اضبطه مع اني شارية من فستفل العده كلها
يسلموووو