اشحالكم عساكم ابخير
تقاريري السابقة
قولوا ما شاء الله 😛
التقرير الأول إلى London
https://forum.uaewomen.net/showthread.php?t=530902
التقرير الثاني إلى Spain
https://forum.uaewomen.net/showthread.php?t=533048
التقرير الثالث إلى Paris
https://forum.uaewomen.net/showthread.php?t=536607
التقرير الرابع إلى Hyderabad
https://forum.uaewomen.net/showthread.php?t=553206
– – –
والحين نبدأ بسم الله
التقرير الخامس إلى Australia
من بعد ما كنا في Hyderabad .. على طيران الامارات سافرنا إلى Melbourn في Australia
وكان العدد .. 5 كبار و3 صغار ..
وما كانت الرحلة مباشره .. لكن كان في Stop في ثلاث دول .. اول شي دبي والثانية سنغافورة والثالثة كولومبو وكلهم مختلفات شي منه ساعة وشي من 3 ساعات وشي منه مجرد في الطيارة بس ما نزلنا
ووصلنا إلى Melbourn وبسيارة طيران الامارات خذتنا على الفندق اللي حجزنا فيه مسبقاً وهو هذا ..
طبعا سامحوني الصورة شوي مائلة .. بس انا مافيني الحين اعدلها بالفوتوشوب .. وادري انكم بتتقبلونها مني جي 
وهي مب صورة فنيه عشان جي ما احب اعور راسي عليها وايد
الفندق 4.5 نجوم .. ومكانه في Melbourn على Kilda Street ومن المطار اقل من ساعة تقريبا ..
ونفس الفندق موجود بعد في Sydney و Brisbane
واللي تحب تعرف عن الاسعار .. طريقة سهله جداً تدخل قوقل واتحط اسم الفندق وتدخل على موقعه واتحط تواريخ وكل البيانات واتشوف الاسعار ..
المهم وصلنا الفندق احيد عالمغرب .. رقدنا وثاني يوم الصبح انطلقنا مشياّ على الأقدام جي مال ساعة تقريبا وكان الصبح مشمس مع الجو بااااااااااااااااااارد جداً وتعرفون كيف شتا استراليا .. ومبين الشتا عالأشجار
وفي طريقنا كان واحد يتفنن بدخان طيارته ويستعرض .. وجان نلقط هالصورة
وMelbourn على عكس لندن وباريس اللي كلها مترو .. تتميز بالـTram وللي ما يعرفونه .. هي عربة مصغرة تشبه القطار لكن تمشي عالكهربا وعالشارع ومالها سكة
هني في صور مخربه عليهم حبال الكهربا الخاصه بالـTram
حنطور 
لازم يركبونه
وهني فتحتلنا الباب وركبناه
وخليني اوقف هني .. وبرجعلكم ان شاء الله مع الصور اللي التقطتها من الحنطور
وننتظرالبقيه
روعه
ثانكس ع التقارير
وعساج ع القوه
نترياج حبيبتي بس عاد لا تدلعين واتخلينا على اعصابنا
والله باين من البدايه ان الرحله كانت وايد روووووعه
و لازم أسجل حضوري ^_^
نتريا التكمله ع ناااااااااااااار فديتج
واااي على أٍستراااليااا.. ومدنها…
مازلنا متااابعين… (( ولاتبطين))…