|
.
|
Super Nanny
اغلبنا يعرف [ جو فروست .. Jo Frost ] الي عرفناها ب [ سوبر ناني] ,,
قبل فتره شريت كتابها ,, لقيته بالصدفه و خذته ,, قلت بخاطري خل اتعلم كيف اعامل البزران واجرب بعيال خواتي واخواني قبل مايجون عيالي واجيب فيهم العيد ,, واسلي نفسي
اول مابديت اقراه طفشت ,, حسيت مالي خلق و لان ماعندي عيال ماقدرت اتحمس معه " كيف العذر ؟ " ,, بس شوي شوي حسيته ولله حلو ,, اساليبها مع الطفل تعجبني ,,وفيه اغلاط واجد اسويها بعيال اختي واخواني ,,
ف قلت ابتكلم و بلخص لكم شوي من الاشياء الي حسيت اني استفدت منها مع انها اشياء بسيطه و تذكير و معلومات صغيره ,, بحاول ما أكون ممله لان هالموضوع مهب كلن يندمج او يحبه "
.
.
للطفل قواعد اساسيه للتعامل معاه ,, عشان تعطين وتاخذين معه لازم تفهمين هالعشر نقاط ,, هي تقريبا اهم شي ,,
1- المدح والمكافأه
على قولة جو الله يطول بعمرها ,, ان الاهتمام بالطفل هو اثمن شي بالنسبه له ,, اذا سوا الطفل شي صح ,, و اثنيتي عليه و عطيتيه مكافأه او طلعتي معاه يحفز الطفل للامام و يدعم سلوكه ,, جربيها مع عيال اختك واخوانك وعطينا النتايج < لاحد يتقمص الدور بزياده
.
.
2- التماسك
لما تحطين ل الطفل قواعد ,, اياك و اياك انك تكسرينها او تغيرينها لأي سبب كان ,, مثلا اذا عندك بنت اخت حنّانه ,, و تحن على شي انتي حالفه ماتعطينها ,, مهب عشان تفتكين تكسرين كلامك ,, لان بكذا بيعرف الطفل ان هاذي طريقه يكسب فيها الي يبي منك ,, و بياخذ ان كلامك موب جدي و قواعدك زي وجهك < مشكله الحماس
.
.
3- الروتين
دخلي النظام والترتيب ببيتك ,, يعني مثلا ,, يكون وقت نومهم محدد ,, وقت الترويشه محدد ,, وقت الاكل ,, بكذا حتى انتي ترتاحين يصير فيه وقت لنفسك ,, مهب كل يومك يروح ورا ملاحقهم مايسوى عليك ,, الروتين دايم يكون هيكل للحياه ومهب ضروري يكون جامد ,,
.
.
4- الحدود
الاطفال دايم يحتاجون شخص يذكرهم بوجود حدود معينه لتصرفاتهم والاشياء الي تقبلونها والاشياء الي ماتقبلونها ,, يعني جا طفلك و ركب على سريرك بجزمته ,, تقومين تقولين له بكل هدوء و حنيّه : يا ابن الأيه الولد الحلو مايركب على السرير بجزمته ,, بكذا انتي حطيتي له حد على هالشي الي ماتقبلتيه ,, واذا عاده تذكرينه مره ثانيه ومايمنع تكون المره الثانيه مصاحب لها كف < هاذي من عندي
.
.
5- التاديب
طبعا الطفل ماراح يطبق الحدود الي حطيتيها له بدون مايجيه تأديب ,, يعني تكونين انتي مسيطره ,, لكن بشكل عادل و حازم ,, وهالشي مايكون الا اذا استخدمتي نبرة صوت صارمه عشان توصلين لهم المعلومه ان هالشي ان سويتوه بتتصفقون ,, طبعا مهب تصفقينهم صدق لان العقاب البدني تقول الاخت سوبر ناني انه مهب اسلوب ولا يخدم البزر بأي حال
.
.
6- التحذير
التحذير نوعين ,, نوع يعلم الطفل بالحدث الي بيصير بعد شوي ,, زي مثلا تقولين له ,, " ترا باقي 5 دقايق واروشك " ,, او " وقت الغدا بعد 10 دقايق " يعني تكونين فيها تحدثينهم عن شي بيجي باسلوب تحذيري ,,
وفيه نوع ثاني الي هو التحذير من عواقب فعل سيء ,, يعني تعطينه فرصه يتراجع عن خطأ او يصحح فعلته بدون ماتحتاجين لمحاولة تأديب جديده ,,
.
.
7- التفسيرات
طفل عمره ماتعدى الخمس سنين مايقدر يعرف طريقه التصرف الصح ,,!
لازم انتي تعلمينه ,, يعني تقولين له بالي تبينه يسويه ,, بدون ماتعطينه اسباب ولا تعقدين الموضوع عليه ,,
ولو حصل و أدبتيه " صفقتيه بلغتنا " ,, اشرحي له ليه انتي سويتي له كذا بشكل يتناسب مع عمره ,, و حاولي تتأكدين انه فهمك و عرف ليش انتي عاقبتيه عشان تجيب نتيجه صح
.
.
8- ضبط النفس
حاولي تكونين هاديه و حافظي على هدوئك قد ماتقدرين ,, لا تعطين الطفل وجه ولا تنهارين وهو يصارخ و يصيح ,, خليه على حطته واسفهيه ,, لا تقعدين تراددين و تصارخين عليه ,,
لان انتي الكبيره وانتي المسؤوله ,, والا النتيفه ذا مايستاهل انه يقهرك
.
.
9- المسؤوليه
مفهوم الطفوله يتخلص في [ النمو ] ,, يعني عطي طفلك المجال انه يعيش هالمرحله بكل ماتحمل هالكلمه من معنى ,, خليه يقوم بانجازاته الصغيره ,, لانها تزيد ثقته بنفسه و يستشعر بالتدريج ملامح الحياه الحقيقه ,, و غير عن كذا تعلمه المهارات الاجتماعيه ,, خليه يشترك في تفاصيل الحياه العائليه اليوميه ,, بس مهب توكلينه مهام ماتناسب عمره لانه بعدها بيفشل ويتحطم ,,
.
.
10- الاسترخاء
نوعية الوقت الي تقضينه مع عايلتك شي مهم لكم كلكم كعائله ,, الكبير و الصغير ,, خلي طفلك يروح لفراشه وهو مستانس واقري له قصه قبل ماينام و عطيه بوسه صوغننه و احضنيه ,, وتاكدي من ان لكل فرد من العائله الحق انه يحظي بوقت مميز و باهتمام خاص فيه
.
.
الحين بعد ما عرفتي النقاط الاساسيه لازم تعرفين ان هالقواعد ماتصلح تسوينها مع شخص مهب ولدك او اخوك ,, لان كل النقاط العشره ذي لازم تبدا من بيت الطفل وعائلته ,, غلط اجي انا اعلمهم بالويكند كذا و يرجعون لبيتهم ويمارسون حياتهم العاديه ,, بيتشتتون و يمكن يحبوني و يكرهون اهلهم < كيف الثقه
.
.
من الاشياء الي جربناها من كتاب سوبر ناني ,,
|
.
.
|- حركة السبوره و النجوم نفعت مره مع بنت اختي واختي ,, صارو اذا سوو شي غلط نشيل عنهم نجمه وتشوفونهم تتأدبو عشان ترجّع لهم النجمه ويتاسفون ,, صحيح انهم بزران
|- فعلا اذا كان البزر يصيح و متنرفز وصرختي عليه يزيد صياحه و يناحسك ,, اسفهيه و حبذا تخلينه بغرفه لحاله وشوفي كيف يطفش ويرجع يقعد و هو ماكل تراب
|- حركة ال [ نوتي سبوت ..naughty spot ] متعبه جدا " دايم تسويها سوبر ناني بالبرنامج , الي تحطين البزر بمكان تعاقبينه فيه مايتحرك تصير زي موقع تأديب له كل ماسوى شي غلط تحطينه عليه ولايتحرك, طبعا اقص يدي اذا احد فهم شرحي " ,, جربتها مع ولد اختي مره يوم ضربني * عمره 5 سنين * ,, مابقى شي جمبه ما حذفه علي ,, ريموت – مخدات – كنب " قويه " و و و ,, مهب متعود ويبيله مده اعلمها عليه و ما اقدر اعلمه عليها واختي ماتسويها معه ,,
,, وبما اني ما احب انهي الموضوع فالله لايهينكم تخيلو اني كتبت نهايه ,, والا اقولكم ورا ماتكبون عفشكم وكيف تعاملكم مع البزران
معا لجيل مافيه اعاقات وامراض نفسيه < ؟؟؟؟
|
.
|
انا وايد استفدت منها..
والحمدلله ماشيه عالكتاب
وللآمام اكثر يا رب
يالغالين