اول مرة اشارك في قسم الطبخ مبارك عليكم الشهر
اليوم على الفطور كانت تجربة شفت طريقتها باحد المنتديات وطبقتها وطلعت واو لذيذة وخفيفة تنفع للفطور وللفالة والسحور
والخطوات بالصور
1-العجينه بعد فردها وطبعا بعد ما تخمرت وطريقة العجينه من النت ما التزم بطريقة معينه نفس المقادير بس ها المرة اضفت كاس روب
2- سويتها بالشواية مالت السندويشات العادية مب بالفرن دهنتها بشوي زيت بالفرشاة وهاي النتيجة
3- الحشوة كانت دجاج مفروم متبل بالملح وفلفل اسود يحمس بالزبد وتضيفين اللي تحبينه معاها انا اضفت مشروم وفلفل بارد وثوم مهروس
4-لا تخلطين الحشوة باي نوع من المايونيز او غيرة الخلطة سويها بروحها افضل حسب الرغبة
انا كانت خلطتي لبنه مع مايونيز وشوي سماق
5- افتحي الخبز من النص واحشيه بالخلطة وبالدجاج واضفت له طماطم وخس وهاي النتيجة
وكانت الكمية كبيرة سويت بباقي الخبز بيتزا حشيت نفس الخبز بخلطة طماطم اسويها للبيتزا واضفت المشروم والزيتون والفلفل الاخضر والجبن جبن البيتزا الموزريلا وممكن ادخلينها الميكروف دقيقة او اقل يذوب الجبن بس ما صورته
هني عيالي الصغارالله يحفظهم يحوسون بالمطبخ يحبون يلعبون بالعجين وسووا بروحوهم بيتزا بطريقتهم الخاصة
اتمنى الوصفة عجبتكم وانتظر احلى دعوة
المشاركة الأصلية كتبت بواسطة امل المستقبل 
