الوسم: الخير

بسم الله الرحمن الرحيم ..
اربيعتي انسانه خلوقه وطيبه ومتربيه وخذومه اي شي يطلبونه منها تسويه مثلا اهلها فوق راسها تخذمهم ليل نهار ادرس اخوانها واذا يبون اي شي حق المدارس تسويلهم , تيود عيال اخوانها وتربيهم وخواتها المعرسين ما مقصره فيهم تخذمهم واي شي يبونه تعينهم فيه يعني بالمختصر انسانه خذومه لابعد الحدود وما تقصر .. صلاتها ما تودرها والقران اربيعها والاستغفار ما يخوز من على السانها وتحاول اتصلي قيام الليل ساعات بس ما تدوام عليها وتدعي والادعيه عندها نفس الكنز حافظتنه فقلبها يعني بالمختصر انسانه قريبه من ربها والحمد الله ..

اهلها …. وكيف رد الجميل ..
ما بقولكم يقسون عليها لا بس مقصرين فيها واااايد يعني ابسط الاشيا ما تحصلها يعني البيزات ما تشوفها الا بالمذله وهي طبعها ما تحب تطلب من حد حتى لو اهلها خاطرها تذخل مركز تحفيط قران بس تقول منو بيعطيها بيزات عسب تسجل خاطرها تعيش نفس البنات بس ماتقدر حارمينها من وايد شغلات حتى عرس اربيعاتها او حد من اهلها ممنوع ومول ما يظهرونها من البيت يعني كله يالسه فالبيت
حليلها قدمت ف كل مكان بس الله مارزقها بشغل عسب تنفع عمرها يعني في شغلات حتى ما اقدر اقولها عندهم فالبيت كل حد لاهي فعمره يعني بيون حد يخذمهم بس هم لا ومحد نشاد عنها ..

المهم بقولكم شو صار هالبنت من سنه تقريبا حبت شخص عن طريق النت تمت تقريبا 8 شهور تكلمه بس بالمسن واخر شي قالها انه بيخطبها وعرف عنها كل شي وسال عن اهلها وقال ناس ماعليهم شي بس هو يتريا لين ما يجهز عنده البيت هي قالتله الحين اخطبني وسالفت البيت بعدين بتصير بس هو موب راضي ف هي شوسوت سارت وقطعت علاقتها فيه وقالتله انا ماقدر اكمل وياك بهاي الطريقه
فقطعته تقريبا 5 شهور ماتعرف عنه شي انزين من اسبوع تقريبا شو صار سارت واتصلت فيه والحين كملت 3 ايام تقريبا تكلمه تقول اكون مستانسه يوم ارمسه واول ما تسكر تضااايج وااايد وتيلس اتصييح صيااح لين ماتصلي وتستغفر ربها وتقرا قران لين الصبح .. انزين قلتها يوم انج انتي موب مقتنعه ف هالعلاقه ليش تسوين هالشي تقولي انا مابا بس والله احس يوم اكلمه يعوضني شي هي تحس انها فاقدته تقول السعاده تكون وياه محدوده من تسكر تضايق قلتلها ودريه تقول اوكي وخلاص ومن يظلم الوقت ما تحس فعمرها الا هي يالسه تكلمه والحين كل يوم نفس السالفه تكلمه وبعدين تصيح وبعدين تصلي وتستغفر وترقد وتم طول الوقت ضايجه دخيلكم انصحوها او ادعولها ان الله يبعدها عنه او عطوها ادعيه تريحها وتبعدها عنه وايد غامضتني هي انسانه وايد زينه بس ها الي خرب عليها …

السموحه طولت عليكم ..