ليش فاضي بالعكس عندج اشياء كثيره وبيطلع لج صفحه وحده حلوه وكافيه
لوحده توها مبتدئه
في السيره الذاتيه عندج
#حطي قسم للغات بجانب الانجليزي اذكري درجة الايلتس
#حطي قسم للاعمال التطوعيه والمجتمعيه
اذكري كل شهاده باي سنه ومن وين
وممكن تذكرين المهام اللي قمتي بها بهذا التطوع بشكل مختصر
#ممكن تكتبين شو اللي تعلمتيه من الدراسه
مثلا امسكي مادة الكمبيوتر اللي خذتيها واكتبي شو تعلمتي منها
بتلقينها بوصف الماده يحطون لج شو بيتعلم الطالب من هالماده
امسكي كذا ماده وحطيهم ع شكل نقاط بدون ذكر اسم المواد
او مثل ماقالت العضوه السابقه
اذكري بعض المواد اللي خذتيها
وتحت كل ماده ثلاث نقاط شو تعلمتي بهذا الشكل
كمبيوتر:
1-
2-
اللغه الانجليزيه:
1-
2-
#اذكري مهاراتج الشخصيه
مثلا تحبين تشتغلين مع موظفين من مختلف الجنسيات
انسانه مرنه وتتأقلمين مع جميع التغيرات
تحبين العمل الجماعي الخ
#اذكري البرامج اللي تعرفين تستخدمينها
بخصوص الدورات
انصحج اذا حابه تشتغلين ومب مخلصه جامعه
طبعا بيوظفونج ع الثانويه بتكون الوظيفه سكرتيره او شي في خدمة العملاء ولا استقبال
شي جي فـ الاحسن خذي دورة سكرتاريه دورة خدمة العملاء تتعلمين فيها
مهارات الاتصال بالعملاء دورة ادارة الوقت والتخطيط
اما اذا كنتي حابه تشتغلين بعد التخرج من الجامعه
فـ خذي دورات تساعد وتناسب تخصصج
خلينا نقول تخصص مثلا كمبيوتر خذي دورة برمجه دورة صيانة الحاسب
دورة تصميم مواقع
اما اذا تخصصج مثلا ادارة ولا بزنس خذي دورة ادارة اعمال
دورة ادارة فريق دوره ادارة المكاتب وهكذا
بالتوفيق
المشاركة الأصلية كتبت بواسطة memowella 
