الوسم: الطلق

السلام عليكم ورحمة الله وبركاته

أخواتي انا حامل وعديت موعد ولادتي وللحين ما ياني الطلق

وعاطيني موعد طلق صناعي تاريخ 19

وتاريخ 15 و 18 عندي مواعيد تخطيط حق الياهل اذا كان قلبه سليم بسم الله عليه

وسرت الموعد الاول تاريخ 12 وسولي تخطيط وقالولي سليم ولله الحمد

وللحين بطني مرتفع ومافي شي ينزل علي نهائياً

يعني الحالة مستقرة وخايفه من موضوع الطلق الصناعي

ابغي شي يحفز الرحم على الولادة لأن ماباهم يلعوزوني بالطلق وغيره ويقولولي قلبه ضعيف

بليز بنات ساعدوني صارلي يومين وانا عديت موعد الولادة وما في اي اعراض نهائياً

لا تبخلون علي

بالنبسة للدعاء والقرآن انا امواضبه على قراءة سورة مريم وسورة الزلزلة لأنها وايد تفيد الحامل قالولي

انا ابغي شي اشربه او اعشاب مفيدة بلييييييييييييييييييييييز بنات ضرووووري

وينكم بناااااااااااااااات

اختي جربي الزعتر ، فوري دله وتمي اشربي منها طول اليوم ، انا وحميتي فادنا الزعتر وايد

سبحان الله نفس حالتي يوم كنت حامل بس انا كنت عديت 10 ايام وقالو لي بنسوي لج طلق صناعي ..بس سبحان الله روحه ياني الويع وربيت

ماشرب ولااااااااااااااااااااشي توكلي على الله يوم ربج بيرد بتولدين باذنه تعاله

تقومين بسلامه يارب

انا عديت موعد ولادتي باسبوع و ما خليت شي ما شربته بس كنت مقصرة فالمشي مع اني احس ما يخصه فالولادة (اعرف وايد ما كانو يمشون و ربو قبل مواعيدهم) و سويت تخطيط مرتين و كل ي كان سليم و الحمدلله قبل موعد الطلق الصناعي باربع ايام فتح علي الماي فالبيت و فرحت (مع اني المفروض اكون خايفه من الولادة بس واللهه فرحت لاني بربي و بخلص من تعب الحمال و بشول ولدي فديته) بس تميت امشي فالبيت و ما ياني اي ويع و سرت المستشفى و كشفو علي قالوا 2 سم و تميت لين اليوم الثاني و عطوني طلق صناعي تحاميل بس بعد ما ياني ويع اخر شي عطوني طلق عن طريق الوريد و بعد كان الطلق خفيف و الرحم ما فتح و تمو يزيدون الجرعه لين ما حسيت انه ظهري بينكسرو بطني خلاص بتنفجر و تم الرحم عندي 2 سم و تمو يزيدون الجرعه لين ما فتح الرحم و ربيت بس الحمدلله من طلعت الراس راح الويع و رقدت و تمو يرشوني بماي و يصفعوني عشان اطلع الباقي و قلتلهم ما قدر ماحس بويع و زفرت زفرة قويه و طلعته ورتحت والله

اهم شي توكلي على الله و اللي يقولونه الدكاترة سوييه و اثناء الزفر خذي نفس كبير و ازفري زفرات طويله لانه القصيرة تتعبج و ما بتفيد ابد و الله يسر امورج

اشربي 3 ملاعق زيت الخروع في كوب عصير كبير بعد الريوق بساعه

أنا مرتين ربيت طبيعي الحمدلله بعد ماشربت الخروع ياني الويع

ومره حطولي طلق صناعي بعد ما تأخرت عن موعدي لأني نسيت سالفة الخروع وما يا على بالي أشربه

وان شاءالله تتيسر ولاتج

الله يسهل عليج ويسرلج يا رب… انا ربيت مرتين الحمدالله طبيعي… بس في الحمل الثاني قالولي بيسولي طلق صناعي إذا ما ربيت في الموعد المحدد لأن الماي مال البيبي طلع مخلص لأن المشيمه كبيرة… بس الحمدالله قبل موعد الطلق الصناعي ب3 أيام ربيت طبيعي عقب ما فحصتني وأحس إنها يوم كشفت عليه فتحت شوي الرحم ..

السلام عليكم ورحمة الله وبركاته..
اشحاااااالكم ..

بغيتكم تساااااعدوني ..

أدور زييت الحلبة للجسم وبودرة الطلق المعطر ولوووشن رازاك

وعيزت وانا ادووور ..

ومشكوريييييييين

اااااااااااااااااااااااااااااااب

موووووووفقه عزيزتي

للرررررررررررررفع

لوووووول ذكرتينا بما مضى

اول بيبي ياني الويع الفير وقعدت ادور وادوور فالغرفه والريل راقد ولا داري بشي
عقب وعيته الساعه 6 وروحنا المستشفى بس نسييييييييت كيف شكله

اما فبنتي الثانيه كان الويع فيني من الساعه 12 يعني هو مب راقد ويشوفني تعباانه
المهم هو حاط راسه يبا يرقد وانا ادور وادوووور فالغرفه وعالساعه 3 شافني خلاص بمووت من الويع
يقولي قوومي نروح المستشفى وانا مب طايعه اقوله بعدني قام يتلبس قالي يلا يلا مب على كيفج
بس احلى شي وهو يتغتر ولا عشرييييين مره يعدلها يقولي الغتره مب طايعه تتعدل خخخخخخخخ ده وأتوا ^_^
فالسياره من اييني الويع اصييح ويوم يخوز اتم صاااخه وهو يقولي شفييج صخيتي خخخخخخخ
بس عقب الولاده قالي يوم فالسياره كنتي تستكتيين كنت اتحسبج متي هههههههههههههههه

بس لحظاات حلوه ومتعبه لووول

يابلي ساعه وورده ^_^

والله عادي كل ما يت الطلقه قعدت اذكر الله لغاية ماسهل علي رب العالمين يعني ما صرخت ولا خفت توكلت على رب العالمين سبحانه

فديتج لو تنقلينه بقسم امرااض النساء والولاده

امممممممم
عنيه انا كان ياينه من الليل ولاكنت اعرف انه ويع طلق واتجلب على بطنيه وظهريه من الويع ويوم نش الصبح ريلي جان يقولي شربي بندول وبيخوز العوار عنج واقوله هذا مب عوار عادي يمكن الطلق ويقولي لا وسرت اشرب بندولبس ماخاز الويع وداوم وانا الويع يزييييد فيه عالساعه 5 ماتحملت وقلت لعموه عاد لقتني خلاص تعباااااانه وماخبرت ريلي انيه فالمستشفى لين ماربيت اتصلت وبشرته

ادعيلي احمل اول …

اول مره كانت ذكريات مب زينه…كنت بربي في عياده…والدكتوره ماعرفت تتصرف…فنقلوني في الاسعاف لين مستشفى

الوصل…وريلي واخته وامي الله يرحمها لاحقيني في سيارتهم…حسيت اني بموت….والحمدلله….وصلت المستشفى وعقب ربيت

والولادات اللي عقب…اتادبت وقمت اسير المستشفى يوم اكون خلاص مستويه على الآخر.

واحلى هديه عندي…البيبي بحد ذاته يوم يكون بخير وعافيه….بغض النظر عن الهدايا الماديه.

السلام عليكم

بليز اللي جربت الطلق الطبيعي والصناعي تخبرني شو الفرق امبينهم

انا اول حمل لي عطوني طلق صناعي بالمغذي لاني طوفت موعدي تقريبا 10 ايام

وهذا الحمل الثاني وموعدي تاريخ 30 /6

وفيني الم شرات الدورة ايي ويروح من كم يوم وبعد احس بنغزات غريبه تحت بطني

ممكن اتخبروني عن الطلق الطبيعي اكثر

وتسلمون

allh ysahl 3leeech

انا اللي اعرفه ان الطلق الصناعي تقولين فلفل حااااار ورا بعض و اشد عن الطلق الطبيعي

اما اللي ييبج هذا بدايات مب طلق طبيعي ،، الطلق الطبيعي يكون منتظم كل ساعتين عقب كل ساعة عقب كل ربع ساعة

لين ما يشتد و يكون كل 3 دقايق تقريبا

و الله يسهل عليج وان شاء الله ما تحتاجين طلق صناعي لان وايد متعب

كلي رطب واايد و كثري مشي و اشربي زعتر

تسلمين اختي ع الرد

والله يتمم حملج على خير يارب^^

انا اللي اعرفه ان الطلق الصناعي الالام تكون قويه

هلا والله

تسلمين فديتج ماقصرتي

يعني هالشي بداية امممممم الله يسهل ان شاء الله

ثانكس مرة ثانية

هي فعلا قويه

بس اذا الطبيعي اهون يا سلاااااااام ^_______^

لاني بالصناعي كنت صابرة ومتحملة

يالله عسى ربي يسهل علي وعالكل

مشكورة حبيبتي

هالأيام موعد ولادتي مع انه ثاني ياهل لي الله يسهلي انشالله بس ماأعرف كيف عوار الولادة نهائيا لأني ولدت بالطلق الصناعي ,لأن ماي الياهل نزل لي بدون أي عوار فماأعرف كيف بيكون عوار الولادة وأدعولي اربي طبيعي لأني جربت الصناعي وكان عذاب بس الحمدلله فممكن تفيدوني خواتي ويزاكم الله خير

اكيد لا الطلق الطبيعي يروح ويرد يعني في فترة استراحه

اما الصناعي ورا بعض تهلكين ما في استراحه ولا شي

الله يسهل عليج الغالية

الله يسهل عليج الغالية
الطلق الطبيعي يروح ويرد أما الطلق الصناعي مع بعض

الطبيعي اسهل بوايد

الطبيعي ارحم بوااااااااااااااااااااااايد من الصناعي .
الله يسهل عليج ان شاء الله .

انا مجربه الطبيعي..بس وااااايد طولت..احس لو الصناعي صح تعب بس بسرعه بسرعه وتخلصين..
بس انا عشر ساعات فغرفة الولاده>< مع ان اليهال كاانو صغار بس هلكت..صح كنت بين فتره وفتره ارتاح وارقد لكن انش على الويع واتم اصرخ لين ينبح صووتي..
الله يسهل عليكن حملكن وولادتكن ويرزقنا يارب الذريه الصالحه..^_^