الوسم: الفرق

خواتي اب اطلع بنتي صف اول من الآفاق الى مدرسة خاصة ولا اتحسون اني غلطانة بخرب عليها؟

مادري منو تدريسه احسن النموذجي او الخاص ؟

انا اللي سمعته ان مدرسه الافاق وايد اوكيه يعني نفس المدارس الخاصه .. يعني بنتج اذا كانت تعرف تتكلم انجليزي خليها نفس المدرسه اللي هيه متعوده عليها … لان مستوى مدرسه الافاق وايد عاليه …

ومن ناحيه المدارس الخاصه … تركيزهم اكثر شي في الانجليزي … وماقولج انهم يهملون مواد العربي والدين والتربيه الوطنيه لا بالعكس بعد حلو تدريسهم نفس المدارس الحكوميه … يعني يعطونهم الدرس ويحلون الاسئله وبعد كمن يوم ايطرشون ورقه عمل للدرس اللي ماخذينه ….

بس انا بناتي كانن في مدرسه الظبيانيه الخاصه اللي تابعه لمؤسسه التنميه الاسريه كانن في الكيجي 1و2
كانن ميح في الانجليزي يعني بنتي الكبيره اتدبر حالها بس بنتي اللي الكجي1 ماكانت تعرف اي شي … على طول نقلتها مدرسه الامارات الوطنيه … هذي ثاني سنه حقهن في المدرسه الحمدلله الانجليزي اوكيه والخط بالعربي بعد اوكيه .. … بس مصاريف الندرسه وايد غاليه … حتى يالسه اقول بنقلهن من المدرسه وبوديهن مدرسه الظبيانيه النموذجيه اللي في المشرف … بس ما اعرف كيف تدريسهم ….

مشكورة اختي مس دايت واتريا الباقيات

مرحبا اختي
مدرسة الافاق مدرسة مميزة جدا … بالعكس ..افضل عن المدارس الخاصه
اقلها ان اللي يعلمون بنتج في بعض المواد بنات بلاد ، واكيد ان قلوبها على عيالنا اكثر عن غيرهم
بالاضافة الى كونها تطبق المنهج الانجليزي في العلوم والرياضيات وطبعا .. بالاضافة الى وجود مشرفة بالباص والمدرسة مش مختلطة ..يعني فيها واااايد ميزات ..
بالرغم من ان زوجي في البترول يداوم ويعطونه لكل طفل 20.000 درهم بدل تعليم بس انا افضل الحكومي
والله يطول بعمر شيوخنا اللى خلوا المدراس النموذجية في بوظبي والعين مجانية لعيال البلاد

وسلامتج

و الله انا أفضل الحكومي بألف مره …
كل يوم نقرا عن بلوى وعن مشاكل الخاص ..
الحكومي منهجهم وااايد تغير وبالعكس ما شاء الله يركزون على الانجليزي وفي وااايد فعاليات يسوونها ما يسويها الخاص لانه الخاص همهم الفلوس وبس ومستحيل يخسرون على الطلاب بالهدايا والفعاليات وغيرها

أنا ولدي بروضه نموذجيه والله انه تركيز قوي على الانجليزي و يعجبني انهم يشجعون الطفل و كل كم يوم يرجع بهديه ومستانس ^^ و الاكل في المدرسه سرت وشفت كيف شي مرتب و أكل نظيف و مغذي و المكان واسع ويشرح الصدر ^^
الحكومه الحمدالله ما قصرت و الخاص أنا اشوفه بس للخجه و الفشخره لا أكثر ^^
أعرف وايد مدرسات في الحكومي ومكروفات على الآخر لانهم لازم ينتجون طلاب أذكياء ويركزون على الكل ^^
اسئلوا معارفكم من المدرسات عن نظامهم في التدريس وعن المنهج كيف وياهم واحكموا ..

وفي النهايه الامر راجع لج ^^

للرفع

مشكورات بس اختي عيل ليش فالخاص يطلع الطالب يقرا انجليزي احسن

بنات ترا هاي وجهة نظر علما ان بنتي في الحكومية بس انا قاعدة اقارن بين بنتي وبين بنات الخاص

سلام عليكم اخواتي الغاليات

ابا معلوماتكن خواتي شو يعني الفرق بين التوحد الخفيف والمتوسط والشديد يعني شو الي يفرق بين هذي الدرجات وهل في ناس تطلع من التوحد وتغدي ناس عاديه وشو الي ساعد ناس تنجى منه وناس لا ؟؟؟؟

اختكم ولدها قالو توحد الله يشفيه ابتلاء والله الشافي المعافي

ربي ايعافيه…

الله يعافيه يا رب ويشفيه .. اختي دوري فالنت في اكلات ما لازم تعطينها للي عندهم التوحد لانه تزيده

اعتقد اممم مب متاكده يمكن اللي يكون فيها كربوهيدرات او منتجات القمح

عاد الاكل كيف بسيطر عليه اذا انا سيطرت خواته بيوت الاهل شو بنسوي الشكوى لله

اختي دوري بـ جوجل واقري عن المرض واعرفي كل شي عنه..
خذي المعلومات من مواقع علمية وطبية تكون صحيحة ودقيقة..
هالشي وايد بيفيدج عشان تعرفين حالة ولدج وبيساعدج تهتمين فيه اكثر..
ربي يشفيه ان شاء الله.. والحمدالله ع كل حال..

جزاكن الله خير

الله يشافيه ويعافيه ..

اتصلي في مركز التوحد .. وسيري هناك وبيقولولج عن كل شي الاكل النوم العادات السيئة والاشياء اللي لازم تركزين عليها ..

يعني من كل النواحي بجذيه بتكونين تعرفين اكثر احسن عن النت ..

طبعا ما يمنع انج تقرين بس المراكز المتخصصه افضل ..

لانه حتى النوع الخفيف شي منه انواع .. وكذلك المتوسط والقوى ..

الحمدلله رب العالمين00وبه نستعين 00ان الحمد لله حمدا كثيرا طيبا مباركا فيه00
واشهد ان لا اله الا الله وحده لاشريك له 00واشهد ان محمدا عبده ورسوله
وخير خلقه وصفيه 00صل الله عليه وسلم وعلى آله وصحبه اجمعين00

ما الفرق بين الإستعانة و الإستعاذة و الإستغاثة؟

فإن هذه الألفاظ الثلاثة راجعة إلى الاعتصام بالله تعالى والاعتماد عليه،
وبينها فروق يسيرة بيَّنها العلماء:

أولاً: الاستعانة:

وهي طلب العون من الله تعالى في أمور الدنيا والآخرة،
والتبرؤ من الحول والقوة والتفويض إليه،

كما قال الله تعالى: فَاعْبُدْهُ وَتَوَكَّلْ عَلَيْهِ [هود:123].

وفي وصيته صلى الله عليه وسلم لابن عباس:
وإذا استعنت فاستعن بالله. رواه الترمذي.

قال في تحفة الأحوذي:
وإذا استعنت أي أردت الاستعانة في الطاعة وغيرها من أمور الدنيا والآخرة
فاستعن بالله، فإنه المستعان، وعليه التكلان.

ثانيا: الاستغاثة:

وهي طلب الغوث من الله تعالى في الشدائد والأزمات، كما في قوله تعالى: إِذْ تَسْتَغِيثُونَ رَبَّكُمْ فَاسْتَجَابَ لَكُمْ [الأنفال:9].

قال ابن كثير:
لما كان يوم بدر نظر النبي صلى الله عليه وسلم إلى قلة أصحابه وكثرة عدوهم،
فما زال يستغيث ربه حتى سقط رداؤه عن منكبيه، فأنزل الله تعالى: إِذْ تَسْتَغِيثُونَ رَبَّكُمْ فَاسْتَجَابَ لَكُمْ. الآية.

ثالثاً: الاستعاذة:

وهي طلب كف الشر، ومنه قوله تعالى:
فَإِذَا قَرَأْتَ الْقُرْآنَ فَاسْتَعِذْ بِاللَّهِ مِنَ الشَّيْطَانِ الرَّجِيمِ [النحل:98].

ومنه حديث:

من استعاذ بالله فأعيذوه، ومن سألكم فأعطوه، ومن دعاكم فأجيبوه.
رواه الإمام أحمد وأبو داود. قال في عون المعبود:
من استعاذ بكم..
أي طلب منكم دفع شركم أو شر غيركم قائلاً:
بالله عليك أن تدفع عني شَرَّك، فأجيبوه وادفعوا عنه الشر
تعظيماً لاسم الله تعالى
والله أعلم.
***************

المفتي: مركز الفتوى

الشبكة الاسلامية

جزاج الله خير

السلام عليكم اخواتى

اشوف كثير اخوات

مساكين يشترون زيت الصبار الاخضر اللى بالسوق

وكل ظنهم ان هالزيت اصلي او غير مخلوط ومايتعدى

سعر الزجاجة 25ملي 20 درهم

مايعرفون ان هالزيت من أردئ الانواع التجارية

ولا يوجد به فائدة الا قليل جدا ولا تكاد بان تذكر

حبيت اخبركم النوع الاصلى عالى الجودة

لونة ابيض شفاف ثقيل وسعر الزجاجة 200 جرام 120

ويصل الى 150 حسب بيع التاجر للمنتج

صورة توضيحية للنوع الاخضر الغير محبب استخدامة

صورة توضيحية للنوع الاصلى زيت الصبار الخام

ارجو عند نقل الموضوع ذكر اسم منتدانا الغالى

سيدات الامارات

مشكوره اختي على التوضيح

بس الصور ما ظهرن

اهااا

عيل طلعت انا من اللي انقص عليهم لوول

مشكوووووووره الغاليه عالتوضييح

وليتج بعد اتفيدينا عن الزيوت الثانيه لو عندج علم…

زيت اللوز و زيت جنين القمح ؟ انا حصلت غرشه صغيره ع 25 درهم

لازم ايكون اغلى عن جي … و بيكون من النوع الردي ؟

مشكووووره اختي على المعلومه
جزاك الله خير

مشكوووووووووووووره

شوفى اختى اكثر الموجود جاهز بالاسواق شبة عديم الفايدة
والموجود بالصيدليات فية مادة حافظة ومواد كميائية

انتى شو تبين تعرفين عن الزيوت وانا اعرفج هاى شغلتى ولا يهمج
اى سؤال عندج حاضرين لعيونج

والله بالنسبة للموجود بالسوق ماظنتى يتعدى هالمبلغ اللى قلتى عنة
لانة نوع سوقى مب طازج
ويستحسن انج تحصلين على الزيوت من معصرة

يزاكم الله خير عالمرور

السلام عليكم
حبيت اعرف اذا فرق بين طلق الولد والبنت لانه فيه حريم يقولن البنت طلقها خفيف هب مثل الولد طلقه حار,,اريد اعرف هل هالمعلومه صح ولا غلط …للمجربات طبعا

انا عندي بنتين فديتهم طلعوا عيوني يوم ربيتهم وعن الولد بعدني ما جربت
الله يسهل على كل حامل حملها ان شاء الله

كانت الولدة تقول نفس الشي

بس انا ما عندي الا ولد وربيت بعملية بسبت نزيف

يعني ما حسيت بالطلق اصلا

انا عندي بنت بغيت اموت من طلق الولادة و تاخرت و شويه كنت و بموت من الالم حتى اني قلت يا ليتني ما عرست

والله بصراحه احس هالكلام بالمجلوب !
انا بجري كانت بنت وماي الراس نزل من البدايه والطلق كان حامي ..

بس الحينه في ولادتي الثانيه في ولدي الماي ماانفج بروحه والطلق كان اخف عن بنتي !!

فماعرف .. احس كل ياهل وله طلقه الخاص فيه .. لا تسمعين هالخريط وايد لان كل وحده من العيايز بتتكلم عن نفسها واتعمم على الكل .. عادي يعني ^__^

صح كلام الاخت كل ولد وطلقه غير عن الثاني

خواتي بغيت اسالكم هل في فرق بين الوحام بالولد والوحام بالبنت ؟
يعني هل هناك اعراض خاصه تحدث اذا كان الجنين ذكرا تختلف عن الاعراض اللي تحدث بسبب جنين الانثى ؟؟
وما هي هاي الاعراض للي عندهم فكرة ؟؟

انا سمعت اذا الحرمة تتعب وايد بحملها يعني الجنين بنت واذا ما تتعب وايد يعني الجنين ولد والله تعالى اعلم

شكرا ريماني عالرد

انا بعد ابي اعرف

انا سمعت الحلويات بنت
الموالح ولد

شغالتنا اثيوبية تقول اذا وحدة حامل ومحلوة فترة الحمل يعني الجنين ولد واذا عادية مب حلوة يعني الجنين بنت

ماادري لو خرابيط حريم ولا صدق قالو لي الي فبطني ولد لاني كنت اتوحم ع العسل

السلام عليكم
خوااااتي مرت اخوي تبغي ادخل بنتها المدرسه بس محتاره بن الخاص والحكومي فشو الفرق برأيكم بين التعليم الخاص والحكومي إيجابيات سلبيات والمدارس الخاصه هل تكون مختلطه ???

المدارس الحكومية افضل

أنا ما أعرف الفرق بس الحكوميه أفضل

ررررفع

بجاوبج من وجهة نظري

شرات الفرق بين المستشفى الخاص والحكومي

بكتب الفروقات من نظرتي بالأول الحكومي

١- مسؤوليه
٢- غير ماديين
٣- رقابه
٤- لهم ميزانيه ويطورون بأحدث التكنولوجيا والاهتمام مركز لانه بناء العقول تبدأ من المدارس
٥- المنهج يحتوي على كل المواد تقريبا
٦- المدارس النموذجية الحكوميه روعه في النظام والتدريس
٧- اهتمام في التغذية والصحه من ناحيه التطعيمات والكشف الدوري والفحوصات
٨- الأنشطة مساحه المدرسه وعدد الفصول يساعد على التغير وحب المدرسه
٩- الصداقة والتعاون في الحكومي أكبر بالنسبة للمدرسين والطلبه والإدارة
١٠- الفهم

هذا اللي تذكرته اما الخاص

١- مستوى اللغه الانجليزيه
٢- نظام اجنبي
٣- مشاكل الأولاد أخف

بالتوفيق

والله انا لو مش وافده لسجلت اولادي بالحكومه فعلا روعه انا وخواتي وكل اقاربنا تاسسنا في المدارس الحكومه فعلا روعه الله يتمم عليكم الخير في بلادكم والله الامارات احلى بلاد العالم احبها من كل قلبي دام عزها ان شالله

أنا عيالي كلهم في مدرسه خاصه المدراس الخاصه
مبانيها كبيره وفيها كل أنواع الأنشطه
وطبعا متواصله مع مجلس أبوظبي للتعليم
وفي فحوصات وكشف دوري وتطعيم للأطفال واستبيانات
وفي اهتمام في الأغذية الخاصة بالمقاصف وزيارات تفتيشية مستمره من قبل جهاز أبوظبي للرقابة الغذائية هذه بالنسبة لأبوظبي
في مدارس مختلط وفي مدارس فاصلين البنات عن الأولاد
اهتمام كبير باللغة الانجليزية
واللغة العربي والتربية الاسلامية منهاج الحكومة يطبق كل مدرسه على حسب درجة الاهتمام
وفي متابعة مستمره واي شكوا من قبل اولياء الامور يتم حلها

هذه الكلام طبعا ما ينطبق على كل المدارس الخاصة في مدارس مب زينه ومادية ان ارمس عن خبرتي مع مدارس عيالي وفي النهاية كل ولي امر اهو الي يتابع ويختار الافضل لعياله

المدارس الحكومية ما أقدر اقول عنها شي لأني ما اعرف وما جربتها بس تطورت في الفترة الأخيره وبدا الإهتمام واضح فيها مب مثل قبل

حلوه الطريقه بس غلاي اي زيت نحط مثلن زيت الزيتون .. ولا …
واذا عندج اسم زيت الي تستخدمينه حطيه زين بعد …
وتسلمين على الموضووع غلااااااي …

تسلمين حبوب ع المعلومه………………………

حياكن الله خواي

والله صدقني ما في شرات هاي الطريقة

مرييييييييحة على الاخر

ولا تريين سنة ولا ترقدين بالخلطة وتلوع جبكج

ولا تخسين فيها كمن ساعة

والله اني استفدت وحبيت افيدكن وياي

سودوووه الغالية شيكي الخاص

وتقدرين تحطين اي خلطة

بس لا تحطين زيت زيتون خالي لأنه حار على الراس وهو خالي اخلطي وياه شيء وحطيه وتقدرين تحطين الناريل خالي لنه بارد

عن نفسي اخلط

زيت زيتون+خروع+اللوز الحلو+اللوز المر+اي زيت ذرة او دوار الشمس+السمسم (كمية متساوية من كل واحد)

يزاج الل خير

اذكر ربيعتي كانت تقولي انها جي تسوي

كانت تحط زيت الخروع

مشكوورة

يزاااااج الله خيرر غلاايه .. ^_^ تسلمييين ع النصييحه الحلووه والمفييده

انا اسووووووي جية من فتررررررررة
مشكورة حبوووبة

كثير من الناس يظن أن شكر النعمة هو أن يقول بلسانه
الحمد لله ، ولكن هذا ليس شكرا للنعمة ولكنه حمد الله
على النعمة

وما الفرق بين الــــحـــمـــــد و الــــشـــكــــر ؟

يجيب على هذا السؤال العلامة بن القيم في كتابه
مدارج السالكين – باب منزلة الشكر فـــيـقــــول :

الـحـــمــــد يقع بالقلب واللسان
أما الـــشـــكـــر فيقع بـالـجـوارح

على سبيل المثال : لو أن الله رزقـك سيارة
فشكر هذه النعمة هو أن تستخدمها في ما يرضي الله مثل
( الذهاب للمسجد … صلة الرحم … عيادة المريض … الخ ) .

أما كـفـر هذه النعمة فهو أن تستخدمها في معصية الله مثل
( الذهاب بها لما حرمه الله و ايذاء الناس بالأصوات المزعجة ,أو السفر بها الى أماكن ستعصي الله فيها ، فأنت قد استعملت نعمة الله في معصيته )

يزاج الله خير حبوبه ومشكوره على النقله الرائعه

جزاك الله خيرا أختي على التوضيح

مشكوورة الغاليه على الفايده ربي يجعله في ميزان حسناتج ..

مرحبا الشيوخ:

حبيباتي انا قريت في موضوع في النتدى وحدة تنصح عضوة تشتري طقم الشبكة ذهب ابيض دقةالماس؟
شو الفرق بينا وبين الطقم الماس؟ يعني طقم الماس ما يكون ذهب ابيض بعد؟؟؟ ساعدونا

حبيبتي طقم الألماس يعني الفصوص إللي فيه ألماس والديزاين يكون للألماسات بس

أما دقة ألماس يعني الديزاين نفس ديزاين عقود الألماس مثلاً والفصوص لمعتها تقريباً نفس لمعة الألماس بس يكون زاركون رااقي ..

أتمنى أكون وصلت لج المعلومة

روحي سالم الشعيبي … عنده الي ب 80 ألف ألماس … تشترينه دقت ألماس ب 20 ألف

مشكورةالغالية عل المعلومة

الفرق اولا واخيرا فالسعر لا اكثر
اتحصلين اطقم الماس تبهرج بلمعتها
بس الحين الاطقم اللي اتييج دقة الماس تتميز بلمعتها (طبعا مب شرات لمعة الالماس) بس ديزايناتها ديزاين الماس

واخر شي يوم بتيين اتبيعين الاثنين طقم الالماس اللي ماخذتنه ب 90000 بينباع ب 9000 في حين ان طقم الذهب ما ينزل من سعره وايد

والسموحه عالاطاله

مشكورة يا فساتين اعراس؟
بس بغيت اسال ؟يعني الطقم دقةالماس يكون مركب على ذهب ابيض والطقم الماس على شو مركب؟

مشكورررررررررررة ندى نخدمج في الافراح