الوسم: المنزلي

الاخت العزيزه لاليك طلبت طريقة عمل الدهن الخنين وانا خذت الطريقه من الوالده
لانها الله يحفظها كل فتره تسوي لي واطرشه قلت لها هالمره اا بسويه
صح خبصت شوي وأذيتها بالاتصالات بس في النهايه سويته

بسم الله الرحمن الرحيم

اول شي نغسل لبهارات اللي بنستخدمها في الدهن ونخليها في مشخله كلن بروحه
عشان تنشف لين ثاني يوم انا حطيتهن في الثلاجه

استخدمت نص جيلة عيش وشويه من السنوت وشويه من اليليلان
فيه ناس يحطون طحين بدل العيش ( الهدف انه يمتص الماي من الزبده )

الخطوات بالصور

البهارات قبل لا اقلاهن

عقب ما قليتهن

عقب ما طحنيتهن

نجهز الزبده انا استخدمت اربع من لكبار ( 400 جرام )

اول شي نخلي الزبده تفور لين تسيح

عقب ما تذوب زين نضيف العيش ونخفض على الضو على الآخر عشان ما اطيش الزبده
وتظهر برع واي رغوه نشلها

ونضيف عقب دقايق السنوت واليليلان ( اللي يحب الدهن يكون غامج يكثر منه
واللي ما يحبه غامج بس عشان الريحه الطيبه تكفي خاشوقه ونص من لبهارات )
انا احبه غامج حطيت من السنوت خاشوقتين ونص واليليلان خاشوقتين

نخفف على الضو وايد لو ما خفيتو بيطفح تراها برع عقب راقبو الدهن لو شفتوه صافي يعني
خلاص بندو الضو عنه ( الصوره ما ادري اذا واضحه لكم لانه الدهن هنه صافي
يعني اللي تحت يبين يعني نشف الماي )

وهنيه لخلاصه عقب ما صليت الدهن ( حد ياكلها ويا العيش حد ويا التمر )

عاد قلت بجربه كنت مسويه خلطة صالونه هنديه جان اضيفه وياها

وكل عام وانتو بخير

دعواتكم

ملاحظه /// ياريت المشرفه تصلح لي العنوان وتكتب الخنين لاني كتبيتها غلط //

حبيت أسألكن يا خواتي… في حد مجرب جهاز الليزر المنزلي…؟؟؟

وشو رايكن فيه.. سهل الاستخدام.؟؟؟ نتايجه مضمونه؟؟؟….

^_^

شو رايج نجربه انا وانتي خخخخخ

المشاركة الأصلية كتبت بواسطة Amore

انا ناويه اشتري واحد واجربه

شو رايج نجربه انا وانتي خخخخخ

استويت حقل تجارب من كثر ما أجرب.. هههههههههههههه

طيب .. تعرفين من وين أقدر أشتريه..

لقيت جهاز في صيدلية ابن سينا في امارات مول بـ200 درهم

وفي وحده من الخوات تبيعه في هالمنتدى بـ 1000 درهم…

مب عارفه شو الفرق

مواضيعي

https://forum.uaewomen.net/showthread…ht=%DA%D1%D6%E

https://forum.uaewomen.net/showthread…=1#post8862466

https://forum.uaewomen.net/showthread…06#post8671806

https://forum.uaewomen.net/showthread.php?t=323819

اشحالكم حبوبات ..؟

بغيت استفسر منكم عن جهاز الليزر المنزلي لإزالة الشعر نهائيا من الجسم و المناطق الحساسة

انا اعرف انه في انواع و حابة اعرف شنو افضلها

سبق و لقيت تاجرة في المنتدى تبيع شرات هـ الجهاز بس ما اذكر اسم التاجرة

اذا في احد جرب الجهاز يا ليت يخبرني بالنتايج اذا كانت ايجابية او سلبية

و حابة اعرف بعد كيفية استخدام الجهاز لانه التاجرة ما كانت حاطة طريقة الاستخدام

و بعد حابة اعرف سعر الجهاز و اذا في مكان معين اقدر اشتريه منه برع المنتدى

و حتى لو داخل المنتدى اذا التاجرة شافت موضوعي تكتب لي تجربتها ورايها في الجهاز و تحط لي رابط موضوعها

و حياكم الله

هلااا بنات…والله انكن استويتن خواتي اسأل عن أي شي في خاطري و ادري انكن ماتقصرن..

بنات انا بعدي عروس يديدة يعني بعدي ما كملت شهرين..الدورة باقيلها 6 ايام واتييني…بس انا احس بويع في بطني و ظهري وي و احس بطني منتفخة…خخخخ خواتي يقولون اكيد غازات في بطنج…لوووول…بس انا مادري اذا حامل ولا لااااا…

شو نوع الختبار المنزلي الزين اللي ممكن انه يبين من قبل مااتييني الدورة..وهل حق استخدام واحد ولا كم استخدام….وتسلمون

وبشرييييييينا^_^

في بو 8101540100 و فوق .. لكن كلها نفس النتيجهـ

و صبري بعد الدورة بيوم حللي و اذا انتي مستعيلهـ سوي فحص دم لانه فالبوم ما راح يبي

عشان اتأكد من سلامة الجنين ..

وبعد عشان الدكتوره تعطيني الفيتامينــات والنصايح اللازمه

والله يسهل عليهــآ

:

و ان شاء الله خير الله يثبت حملها يا رب

المشاركة الأصلية كتبت بواسطة عين الإمارات

انا سرت ثاني يوم من بعد الفحص

عشان اتأكد من سلامة الجنين ..

وبعد عشان الدكتوره تعطيني الفيتامينــات والنصايح اللازمه

والله يسهل عليهــآ

:

شكرا على الافاده عزيزتي

بحمل سليم معافى يا رب .. ويرزق كل وحدة خاطرها تحمل اللهم آمين

للرفــــــــــــــــع

اتريااكم حبيبات ألبي <<< خلوني أدهن السير شوي خخ

انا اليوم حصلت قناه مالت الاعلانات واكتشفت انهم يبيعوون الليزر المنزلي

فاللي تعرف شي عنه واي وحده خذت منه تخبرنا بالنتيجه

واللي ما خذتنه ما بتفيدنا بيكون هذا يزاها

اولاً: طريقه صنع النستله /
1 بياله مـــاء
3 فناجيل سكر
3 بيالات حليب بودره
الطريقه/
تخلطينهم مع بعض في القدر وحطيهم على النار شوي بس الين يتجانس ويثقل شوي .
بعد فيه طريقه ثانيه للنستله /
كوب سكر كوب حليب بودره
كوب ماء ورشه فانيليا مع بعض نخلطهم ونتركهم على نار هاديه حتى يثقل ثم نستعمله

ثانياً: طريقة صنع الدريم ويب /
6 بياض بيض – 2 كاس سكر خشن – نصف كاس ماء – فانيليا – ملعقه صغيره خل ابيض -كاس شاي ماء ورد .
الطريقه/
ضعي السكر مع الماء على نار هادئه حتى يذوب السكر وينضج ويثقل ولكن بدون تغيير لون السكر ثم يضاف الفانيليا وماء الورد
يخفق بياض البيض قليلاً ثم يضاف له الشيره وهي ساخنه مع الاستمرار بالخفق بالمضرب الكهربائي ويضاف الخل حتى تنشف وتصبح مثل الكريمه وتبرد الشيره مع الخفق ثم تبرد وتستعمل في اي وقت ..

ثالثاً: القشطه المنزليه /
1 كوب حليب بودره – 1 كوب ماء – 1 ملعقه طعام سميد على النار ويحرك حتى يجمد ويبدأ يغلي نرفعه ونضيف له قليل من الزبده ..

ان شاء الله استفدتم . . دمتم بصحه وسلام

وعلى فكره انا مجربه بس طريقه النستله …
وإذا عندكم اي استفسار او سؤال انا جاهزه وبالخدمه ..
وانا اشكر اللي طرحت الموضوع لأني كثيــــــر استفدت ..

ْ~ للأمـــــــــــــــــــــــــا نه منـــقــــــــــــــــــــــول ~ْ