الوسم: النموذجية

مرحبااااااااااااااااا ب الغاليات

عندي سؤال عن المدرسة النموذجيه الى في هيلي

شو رايكن فيها

اريد اعرف عنها اكثر

السلام عليكم ورحمة الله

بنات منو يعرف شو نوع الأسئلة يوم يقابلون الطالب في مدرسة الآفاق للصف الأول وهل يمتحنونهم وكيف بيكون الامتحان ؟؟

وانا بعد سجلت بنتي في مدرسة الإبداع النموذجية وابا اعرف شو بيمتحنونهم وفي اي ماده

وينكم بنات ؟؟؟

اساله عاديه بيقولها شو حافضه من القران ونشيده حافظتنها واشياء على الكمبيوتر وبس

مشكوره اختي

+
::::

خبروني شو المدارس النموذجية الزينة في بوظبي للبنات المراحل الدنيا

اكتبولي (اسمها+في اي منطقة في بوظبي+شو مستوى التعليم عندهم+ ارقامهم اذا كان متوفر)

بدأ التسجيل وبغيت اسجل بنتي اتصلت على الأفاق وبيبدون الأسبوع الجاي لكن اخاف احط امالي على الأفاق وفي النهاية ما يقبلون بنتي مع اني عارفة انها باتكمل كل شروط الألتحاق لكن اللي عرفته ان الأولوية للبنات اللي عندهن خوات من قبل واللي على الويتنق من السنة اللي طافت….والواسطة طبعا تلعب دور

::::
+

الغاليه ما شيء غيرهم الافاق او الظبيانيه للمرحله الدنيا ( الحلقه الاولى) والظبيانيه في المشرف ورا شيشة البترول وبالتوفيق

+
::::

يزاج الله خير ما قصرتي غناتي

بس شو تعرفين عن الظبيانية

::::
+

اختي انا بنتي في الظبيانيه الصراحه مرتاحه معاهم وبنتي مستانسه وايد والحينه لحقي عالتسجيل

+
::::

انزين عزيزاتي ما عليكن كلافة بس خبرني شي عن هالمدرسة

::::
+

هلا والله بغيت أعرف الظبيانية نموذجية وإلا خاصة لأني سمعت ناس يمدحوها وايد بنتي الحين في الصف الثاني في النموذجية بس ما مرتاحة منهم أبد يوم ما كانت صف أول صح كان أساسهم روعة بس الحين في الصف الثاني والله تييني بنتي ما تفهم شئ من المعلمة كل دروس الرياضيات أرجع أشرحلها أنا وحتى العربي والدين تخيلوا زمان كنا نحفظ الدرس في المدرسة الحين اتيي بنتي كل شئ أحسه علي حتى ربيعتي تشكي منهم وبتنقل بنتها بعد والله كريم

صدق ام روضة ما كذبتي تاسيس الطلاب في الصف الاول ما شاء الله عليه لكن الصف الثاني ربي المستعان من طريقة تدريس المعلمات في الظبيانية وناهيج عن ذلك الاساس لازم يكون عندج مدرسة خاصة واول ما تسمع المدرسة الخاصة مدرسة ظبيانية تقول اسفة ما ادرس اي طالب من هاي المدرسة بس الله يستر

خواتي اب اطلع بنتي صف اول من الآفاق الى مدرسة خاصة ولا اتحسون اني غلطانة بخرب عليها؟

مادري منو تدريسه احسن النموذجي او الخاص ؟

انا اللي سمعته ان مدرسه الافاق وايد اوكيه يعني نفس المدارس الخاصه .. يعني بنتج اذا كانت تعرف تتكلم انجليزي خليها نفس المدرسه اللي هيه متعوده عليها … لان مستوى مدرسه الافاق وايد عاليه …

ومن ناحيه المدارس الخاصه … تركيزهم اكثر شي في الانجليزي … وماقولج انهم يهملون مواد العربي والدين والتربيه الوطنيه لا بالعكس بعد حلو تدريسهم نفس المدارس الحكوميه … يعني يعطونهم الدرس ويحلون الاسئله وبعد كمن يوم ايطرشون ورقه عمل للدرس اللي ماخذينه ….

بس انا بناتي كانن في مدرسه الظبيانيه الخاصه اللي تابعه لمؤسسه التنميه الاسريه كانن في الكيجي 1و2
كانن ميح في الانجليزي يعني بنتي الكبيره اتدبر حالها بس بنتي اللي الكجي1 ماكانت تعرف اي شي … على طول نقلتها مدرسه الامارات الوطنيه … هذي ثاني سنه حقهن في المدرسه الحمدلله الانجليزي اوكيه والخط بالعربي بعد اوكيه .. … بس مصاريف الندرسه وايد غاليه … حتى يالسه اقول بنقلهن من المدرسه وبوديهن مدرسه الظبيانيه النموذجيه اللي في المشرف … بس ما اعرف كيف تدريسهم ….

مشكورة اختي مس دايت واتريا الباقيات

مرحبا اختي
مدرسة الافاق مدرسة مميزة جدا … بالعكس ..افضل عن المدارس الخاصه
اقلها ان اللي يعلمون بنتج في بعض المواد بنات بلاد ، واكيد ان قلوبها على عيالنا اكثر عن غيرهم
بالاضافة الى كونها تطبق المنهج الانجليزي في العلوم والرياضيات وطبعا .. بالاضافة الى وجود مشرفة بالباص والمدرسة مش مختلطة ..يعني فيها واااايد ميزات ..
بالرغم من ان زوجي في البترول يداوم ويعطونه لكل طفل 20.000 درهم بدل تعليم بس انا افضل الحكومي
والله يطول بعمر شيوخنا اللى خلوا المدراس النموذجية في بوظبي والعين مجانية لعيال البلاد

وسلامتج

و الله انا أفضل الحكومي بألف مره …
كل يوم نقرا عن بلوى وعن مشاكل الخاص ..
الحكومي منهجهم وااايد تغير وبالعكس ما شاء الله يركزون على الانجليزي وفي وااايد فعاليات يسوونها ما يسويها الخاص لانه الخاص همهم الفلوس وبس ومستحيل يخسرون على الطلاب بالهدايا والفعاليات وغيرها

أنا ولدي بروضه نموذجيه والله انه تركيز قوي على الانجليزي و يعجبني انهم يشجعون الطفل و كل كم يوم يرجع بهديه ومستانس ^^ و الاكل في المدرسه سرت وشفت كيف شي مرتب و أكل نظيف و مغذي و المكان واسع ويشرح الصدر ^^
الحكومه الحمدالله ما قصرت و الخاص أنا اشوفه بس للخجه و الفشخره لا أكثر ^^
أعرف وايد مدرسات في الحكومي ومكروفات على الآخر لانهم لازم ينتجون طلاب أذكياء ويركزون على الكل ^^
اسئلوا معارفكم من المدرسات عن نظامهم في التدريس وعن المنهج كيف وياهم واحكموا ..

وفي النهايه الامر راجع لج ^^

للرفع

مشكورات بس اختي عيل ليش فالخاص يطلع الطالب يقرا انجليزي احسن

بنات ترا هاي وجهة نظر علما ان بنتي في الحكومية بس انا قاعدة اقارن بين بنتي وبين بنات الخاص

بنات منوه ولدها في صف خامس في العين النموذجية
عندهم امتحان العربي.. بس حبيت اعرف في كتاب
المهارات اللغوية من وين لين وين؟

: الى المدرسات وخاصة الي في المدارس النموذجية والامهات العيالهم في النموذجيات <صف اول> لوسمحتن ابي اعرف كيف اذاكر لولدي علشان المناهج كلها بالانجليزي واختكم مالين اهناك في الانجليزي ………؟؟؟؟؟

اختي انتي قصدج عن math و since

لانه نفس الحاله هني

انا ادرس بنت جيراننا

والصراحه في مواضيع بنات حاطينها وايد مفيده

واذا تبين اتفهمين معنى الكلمات انصحج بلمترجم اللي فيه نطق

عشان تفهمي معناها وكيف تنتقيها

ويتعلم الولد نطقها صح

وصدقيني راح اتزيد خبرتج انتي بعد

لانه الصراحه انا في وايد اشيا ما كنت اعرفها واتعلمتها من بنت في الصف الاول ههههههههههه

مشكورة يا نونا البته على المرور ……………..

حبيبتي اذا أنتي من أبوظبي روحي مكتبة قصر الهدايا بتلقين عندهم كتب الماث والساينس مترجمين باللغة عربية .. مثل الكتب اللي ياخذونهم بالضبط أنا نافعيني وايد من ناحية الترجمة وبعدين أشرح لبنتي بكل ثقة باللغة الانجليزية
واتمنى اني اكون أفدتج .. وأي استفسار أنا جاااهزة

السلام عليكم

ممكن تفيدونى بمعلومات عن مدرسة الصقور النموذجية

ووين مكانها فى ابوظبى

وشكرا

الغاليه يبتلج موقعهم فيه كل شي حتى مكانهم

https://www.edu4uae.com/go.php?id=78

والسموحه منج

الاخت ما قصرت ان شاء الله يكون المطلوب

مدرسة الصقور من المدارس المتميزة في الدولة

مدرسة الصقور النموذجية ورا منطقة الفلاح بلازا ولدي العود يدرس فيها .

الله ييسر امورك……………اللهم لا سهل الا ماسهلته و انت تجعل الحزن سهلا

اب حل كتاب الجتماعيات صف سابع صفحة32و33 و مشكورين

للـــــ^_^ــــــــــرفع