أدري زادت استفساراتي هاليومين ><" ..
بس شاسووي ماعندي حد يساعدني غيركم ..
أنا طالبة جامعة زايد فرع ( دبـي )
اليوم جايتكم أبا اسئلكم عن مجموعة من الدكاترة وتنصحوني بمنو .. وياحبذا لو تذكرون لي اسلوب الدكتور فالتدريس ..
وأنا أهم شي عندي واحد يفهم حتى لو يكرفني !!
وما احب واحد يعطي درجات ومايفهم !!
– أول شي انا جنرال 3 وباخذ مادة وحدة من كلية الـ IT لآني قررت ادرس اي تي ان شاء الله
*الجنرال*
1- Global Awareness III :
Sara Chehab < أفكر اخذ عندها .. رمسوني عنها !
Gergana Alzeer
Rafael Reyes-Ruiz
Annick Durand
2- English Composition III
Mingyan Hong
Senem Buyuk
Gary Thomas O’Neill
Sabitha Abdul Salim
3- Computing Foundations – CIT 215
Emad G. Bataineh
وبغيت استفسر من بنات الاي تي …
شنو اسهل ال
CIT 210
or
CIT 215
وتنصحوني اخذ اي مادة من هالثنتين ؟ لاني حاسة ان السمستر الياي بيكون دسم ومواد صعبة شرات قلوبل 3 وهيك .. .
أول شي بالبركة عليج رسيتي على تخصص .. أحيدج في موضوعج اللي طاف كنت محتاااااااااارة ..
فأقول لج يعني
Welcome to College of Information Technology
و أي سؤال فأي وقت أنا حاضرة للمساعدة بإذن الله ..
ألحين بالنسبة لأسئلتج فالأجوبة كالتالي :
قلوبال 3 ما أعرف عن سارة الصراحة ولا حتى رافاييل ..
أما بالنسبة حق قرقانا فهي أًصلاً مال أدفايزنغ و كانت تدرس قلوبال 1 و ألحين شكلهم خلوها تدرس قلوبال 3 بعد .. و أتوقع أتوقع تعرف تشرح بس مب متأكدة لأن هي ما درستني ..
أما بالنسبة حق أنيك فهاي درستني و هي بصراحة يعني ما تشرح عدل 100% بس تشرح بشكل جيد .. و وايد تحب تراويج فيديوز في الكلاسات .. و أهم أهم شي يخصها إنه الصراحة صوتها وايد واطي فلازم تيلسين جدام و في النص بعد عسب تسمعينها عدل .. أنا كنت جدام بس على الطرف و أحس ما كنت أسمعها عدل .. يعني أحس إنتي روحج لازم تقرين و تشدين حيلج و إذا عندج أي سؤال اسإليها.. و بعد على فكره سلاديتها نفس الكتاب تقريباً و تركز على سلايداتها في الامتحانات ..
أحيد البنات يمدحون واحد اسمه مهرداد و أكبر .. بس ما أعرف عنهم وايد ..
**
ألحين إنجلش 3
أول وحدة يمدحونها بس ما درستني ..
Senem درستني لفل 6 كانت توها يايه الجامعة كانت أوكي بس ما أعرف كيف أسلوبها في الجنرال ..
Gary بعد ما درسني بس مره سمعت عنه "إذا تبين تستفيدين عدل خذي عنده" و الله أعلم ..
و آخر وحدة ما أعرفها ..
بس عن نفسي أنصحج في مارييل باترونس درستني .. أحس كان شرحها أوكي و تساعد ..
وبالنسبة حق CTI215 فدكتور عماد أوكي ما شاء الله عليه .. و أصلاً ما في غيره يدرس هاي المادة إلا إذا يابوا حد يديد السمستر الياي ..
وإن شاء الله حد غيري يفيدج بخصوص الأساتذه بعد ..
نصيحتي تاخذين CIT210 قبل CIT215 .. هم مب وايد مرتبطين ببعض بس أحس CIT210 هي المادة الأساسية في الكولج و تفتح لج أقل شي ثلاث مواد ثانية ..
و أصلاً عسب تنقبلين في الكولج لازم ما تبين أقل عن (C-) في هاي المادة ..
صح إنها دسمة شوي ( مال شركة السيسكو ) وفيها عملي بس أحسن مما إن السمستر اللي عقب يمنعونج من أخذ مواد بسبة إنج ماخذتي هالمادة ..
خاصة إنه ألحين بعض المواد يطرحونها بس في الفصل الأول أو بس الفصل الثاني ..
يعني باختصار معاناة سمستر أهون من معاناة كذا سمستر عقب ..
و على فكره ترا امتحانات CIT210 أون لاين .. و يفضل تاخذين هاي المادة عند واحد اسمه نقراش شي جي مب الثاني اللي اسمه علي إذا حابه تفهمين عدل ..
و لحظه شو المواد الثانية اللي بتاخذينها في جنرال 3 بعد .. بس هالثلاث مواد ولا كيف؟!
و على فكره آخر همسه : إذا بعدج محتارة بين الإنترناشونال و الآي تي ممكن تاخذين مادة من الآي تي و مادة من الإنترناشونال و تجوفين الوضع كيف (رمسي القسمين ) .. بس إن شاء الله تكونين استقريتي على الآي تي و بس!!
و أي سؤال لا يردج إلا الكيبود .. و أهم شي تشدين حيلج في الآي تي ..
و بالتوفيق 
أنا طموحي من ايام الثانوية هالتخصص !! بس لما دشيت الجامعة واااايد عجبني تخصص العلاقات الدولية !!
بس حاولت اكتشف اللي اقرب لشخصيتي .. انا انسانة وايد بيتوتية و انطوائية وماحب احتك فالناس وايد ..
وفالعلاقات الدولية يمكن ما ارتاح لاني بضطر اني احتك فالناس بزيادة وانا ماحب هالشي .. ^_^
فعلى هالاساس اخترت التخصص اللي هو طموحي بالأساس .. ولو ان لي ميولات واهتمامات سياسية بس خلها خلف الستار لول ..
وانا باخذ 5 مواد السمستر الياي .. بس المواد الثانية ماحطين اسامي الدكاترة للحين !!
1- قلوبل 3
2- اسلامك 2
3- انقلش 3
4- انترودكسن تو اي تي 270
5- مادة من مواد التخصص ..
بس الصراحة فاجئتيني لما قلتي ان الـ CIT 210 متطلب اساسي ..!! لان لما رحت سئلتهم فكلية الاي تي ماقالو لي هالشي
وقالو لي ترومين تاخذين 215 لانه اسهل اذا تبين
وانا الصراحة اخترتة مب بس لانه اسهل .. بعد لانه يناسب جدولي ..
لو خذت 215 باخذ 3 مواد ف 3 ايام
بس لو خذت 210 باخذ 3 مواد فيومين
وانا مووول مب حابة هالشي لان جدولي هالسمستر جي و اكره يوم الاثنين والاربعا بسبة هالشي !
ومشكوورة وايد وايد اختي على هالمساعدة ^_^ اذا عادي عندج طرشي لي بن كودج على الخاص بما ان بنكون نفس التخصص ان شاء الله
وجدولي زفت من الخاطر + ماحصلت مادة تخصصخبروني عن اسلوبها بليز
ما اعرف عن اسلوبها وطريقة تدريسها في الجنرال