أبوي الله يحفظه موظف وعنده راتب وأنا بعد موظفة وعندي راتب،،،
قبل فترة أبوي كان متقاعد وكنت ما أقصر معاه أعطيه وكنت قبل لا أعرس أساعد فالبيت وتأثيثه …
لكن حاليا أبوي موظف وما قمت أعطيه لأني مب عارفة جم أعطيه ؟؟؟؟
وبعد قلت دوامه موظف مب محتاج مني ولو احتاج بيطلبني وما برده…
الفترة الأخيرة لاحظت انه متغير علي،، ما كنت عارفة السبب!!!
بس البارحة أختي قالت أبوي متشره عليج ما تعطينه فلوس!!!
أنزين مب نهيه السالفة ،، احين حزت بخاطري بسبب الفلوس تتغير النفوس،، سبحان الله ، ما توقعتها من أبوي
بس خواتي الفلوس ما تهمني بعطيه ،، لكن مب عارفة جم ؟؟؟ قلت ألف درهم لكن هو موظف يستلم بالآلاف ،،، مب عارفة جم،،
وفي خاطري أقول ،، عشان الفلوس أبوي متغير علي يعني لو عطيته بيكون زين نفس اول بس عشان الفلوس !!!
وفلوسك صارت بس لج وعائلتك وهو خلاص
يمكن هو معتبر هذا الشي اهتمام منك
وهو اختي اب مب ام يعني يفكر بالماديات اكيد حتى الامهات الحين يطلبن من بناتهن يشتغلن عشان بنتهن تكون قويه وتساعدهن عند الحاجه
فيمكن هو عنده شي ومستحي عشان انتي بطلتي عنه
ساليه يمكن هو في شي ثاني غير
الصراحة ما قد اخذ عني و لا ريال من قبل و لا قد طلب مني الا هي مرة وحدة و بس
غريبة ؟! اختي ما اعتقد ان أبوج تغير عسب الفلوس يمكن حس انج قللتي من اهتمامج فيهن
يعني شوفي مجرد رأي اشتري يوم اتروحين راشن البيت ما اقصد كل الراشن يعني أشيا
انتي كنتي تساعدين في شراءهم قبل ؟ او اشتري له هدية ساعة تسوى مب مال ٢٠٠ و ٥٠٠ و الف
لا يعني شى يسوى
والله يهدي و يصفي النفوس و يبعد عنا مشاكل الماديات
حالي تتقربين منه وكلميه قوليله اذا احتجت اي مبلغ فلوسي لك الاهل محتاجين كلاااام حلو وكلمة طيبة
صدقيني نحن بنضرنا ان الفلس بتريحهم لا الغالية الكلمة الطيبة واعطيه فلوس مب حام ولا عيب لو مبلغ بسيط
من غير ما تعطيه قدام حد …يعني بينج وبينه
بصراحه معرف شو علاقتج بالضبط مع ابوج بس عادي عطيه اللي يطلع من خاطرج مب لازم تحطين مبلغ معين وبعدين انت ومالك لابيك كل شهر عطيه الف وخلاص و تقربي منه وايد ولا تفسرين الامور ها مب ربيعتج ها ابوج
الغالية عندج عطيه حتى لو يستلم مليون …في اباء يستانسون ان في حد ذكرهم وخاصة من فلذه كبده بنته
حالي تتقربين منه وكلميه قوليله اذا احتجت اي مبلغ فلوسي لك الاهل محتاجين كلاااام حلو وكلمة طيبة
اذا تقدرين تعطينه الف و الوالدة ٥٠٠ بيكون شي طيب و الله يبارك لج في رزقج