اشحاالكن ؟؟ واشحال تجهيزات العيد ؟؟ إن شاء الله كل شي تمام؟
أنا عندي مشكلة وأبي مساعدتكم وتجاربكم ..
أنا شعرانية يعني شعري كثيف فويهي مب وااايد لكن فيه شعر وأنا غير عن خواتي مب واايد شعرانيات مثلي=(
أنا قبل حفيت يمكن مرتين وأستاانس وأحس بنظاافة لكن المشكلة كل ما أحف تظهر لي حبوب وتترك علامات الكل يلاحظها لأنها كبيرة وغامجة وتلوووع..حتى الوالد لاحظ يقول يقول انتي شمسوية بويهج لاعبه فيه؟؟؟
المشكلة الحين إني أبي أحف فالعيد لأنه شعري زاد والتشقير يزيده ومابي أشقر..
أبي أحف لكن أبي منكم تفاااعل وياي وتخبروني تجاربكم وشو سويتو عسب ما تظهر الحبوب ..
والي عندها طريقة تأخر نمو الشعر تخبرني بليييييز..
الله يخليكم الي تعرف أي معلومة ممكن تساعدني فيها لا تبخل علي بلييييز..
والسمووحة..
وأنا ابا احف يبهتي .. بس اخاف تحبب .. وخاصة وراي عرس ..
بس حسب ما خبروني اللي اعرفهم .. عقب الحف حطي فيسيودين .. مرهم طبي اللي عليه صورة الاسد ..
وحرمة عمي قالت انها عقب ما تحف ع طول تحط روب ع ويهها ..
ولا تظهر لج حبوب
وبالنسبة للليز حاليا ما أقدر لأنه يكللف..
وأبي أعرف شو هو كريم سودو؟؟؟
ومشكورات خواتي على المرور..=)
انا شراتج لو حفييت انترست حب طفره << خخخ