اللي حاطين عيالهم في النموذجية في بوظبي عندي كم سؤال….
شو رايكم في النموذجية؟؟؟ ماتمنيتوا تغيرون المدرسة؟؟؟؟ شو عيوبها؟؟ شو مميزاتها عن المدارس الخاصة الثانية؟؟؟؟
اللي اعرفه ان دوامهم طويل لين الساعة 3:30؟؟؟ يعني يخلصون واجباتهم في المدرسة؟؟؟؟؟
والا لازم يسوون واجبات في البيت؟؟؟؟
ياخذون معاهم شنطهم المدرسة كل يوم؟؟؟ او يخلون كتبهم في المدرسة؟؟؟؟؟
اي معلومات ثانية اتمنى اعرفها.. ومشكورة مقدماً لكل وحدة بترد على اسئلتي
واكثر شي عاجبني اسلوب الاساتذه ويا اليهال انا كم مره سرت اشوفهم يوجهون الاولاد بطريقه واايد حلوه ويعاملونهم على انهم رجال مافي تهزيء وشتايم الله يهدي مدرسات بنتي مواطنات من يوووم ما ادخل المدرسه او الاجتماع هوووشه وصرااخ وتهزززيء
بالنسبه للواجبات مش يوميه مرهقه وغااالبا يحلون في الكلاس بس في اولاد ما يسمعون الكلام
والكتب والملفات ممكن يخلونها في الكلاس اذا يبون بس انا اخلي ولدي كل يوم اييبها عسب اتابعه وسلامتج
أسئل لأني أخاف من تربية الأولاد مايحبون الواجبات والدراسة،،، اتمنى لولدي انه يستفيد من المدرسة بدون ماينضغط عليه،،، هو بعده صغير لكن ادور له من الحين عشان اعرف في اي روضه اسجله السنة اليايه،، لاني سمعت ان النقل صعب،، والأولوية للأقدم…
لكن المدارس النموذجية لهم روضة خاصه فيهم؟؟؟؟؟؟ او بس ياخذون من الصف الأول؟؟؟؟؟ ويدرسونهم فرنسي ومن اي مرحلة اذا في؟؟؟؟ والانجليزي نفس منهاج وزارة التربية والا غير؟؟؟؟؟ (عز الله اذا منهاج التربية ماستفادوا من الانجليزي)
بس اذا بيشلوون الشراكه السنه اليايه ما دري بهم شو بايكون المستوا
لكن المدارس النموذجية لهم روضة خاصه فيهم؟؟؟؟؟؟ او بس ياخذون من الصف الأول؟؟؟؟؟
ج – مدرسة البطين من الصف الاول الى الصف الخامس يسوون للاطفال امتحان تحديد مستوا بالكمبيوتر يكون اختيارات مع حوار يجرونه مع كل طفل اول السنه وياخذون من اي روضه خاصه او حكومي المهم تسالين عن وقت التسجيل لان العدد احيانا يكون محدود في هالمدارس
ويدرسونهم فرنسي ومن اي مرحلة اذا في؟؟؟؟
ج – ما يدرسونهم فرنسي
والانجليزي نفس منهاج وزارة التربية والا غير؟؟؟؟؟
منهج اللغه الانجليزيه يكون سابق الحكومي بلليفل يعني صف اول يعطونهم ليفل توو ويدرسون العلوم والرياضيات بالانجليزي
(عز الله اذا منهاج التربية ماستفادوا من الانجليزي)
اتمنى اني رديت على تساؤلاتج واذا في شي ثاني انا حاااضره
فرّج همي ويسّر أمري……..وارحم ضعفي وقلة حيلتي
وارزقني من حيث………..لا أحتسب يا ربّ العالمين
