شحالكم خواتي؟ ان شاء الله بخير؟
الموضوع باين من عنوانه
انا بصراحة اسوي ريجيم و مابا اخبر احد ابدا ابدا ابدا إني أسوي ريجيم
طبعا اللي ويايه بالبيت اهلي و خواتي لازم يعرفون
لكن قصدي ربيعاتي اللي ويايه بالدوام
ماباهم يعرفن خير شر
و ذلك للأسباب التالية:
1. لو عرفوا اني اسوي ريجيم يمكن يتمون حاطات عينهم ع كل شي اكله .. و انا وحدة لو شي مرة مرة مرة ف خاطري باكله عادي .. و اخاف لو كلت مرة شي خارج نطاق الريجيم .. يسوون لي سالفة و يغثوني بالكلام عن الارادة و عن النظام الغذائي و جنهم يعايروني ع المتن .. عسب جذه مستحيلللل اخبرهن.
2. العين حق .. لأن اخاف لو خبرتهم و يشوفون ارادتي مثلا اني اييب ويايه اكل دايت يحسدوني ع ارادتي خخخخخخخ شدعوة عاد اللي يسمع يقول هذي هي الارادة و لا بلاش خخخخ.. المهم لأن فيه منهم اوزانهم زايدة بعد بس يمكن ما عدهم ارادتي !!! كل شي جايز صح و لا لأ؟
3. في حالة اني سويت ريجيم مثلا و ما نزل وزني .. راح الاقي احباط منهم بيقولون لي كيف ما نزل وزنج ويييييييييه عافانا الله مع انج ما تاكلين و وزنج بعد ما ينزل.
4. في حالة لا سمح الله و لا قدر الله يأست من سالفةا لريجيم و بطلناااااا نسوي ريجيم و ييت اكل وياهم .. بعد بيغثوني و بيقولون و ليش ما كملتي و انتي انسانة ما عندج عزيمة و انتي بلا إرادة و ما عندج صبر .. الخ الخ الخ
المهم نتيجة هالنقاط الأربعة اللي ذكرتها بالنسبة لي :
تحطيم
معاناة
تعب نفسية
و زيادة الاكل ^^ خخخخخ
فأنا الله يسلمكم الحينه ما اروم اخبر حد اني اسوي دايت
و بنفس الوقت ما اروم اودي ويايه من البيت توست اسمر و حركات ريجيم و دايت
فخبروني كيف تتصرفون في الدوام لما اتيي حزة الأكل ؟
يعني عطوني نصايح كيف اقدر اقضي اليوم في الدوام باكل قليل بالرغم من ان نحن 24 ساعة اكل
لووووووووووووول
^^ و بث ثلامتكم
اممم من راي قولي لهم انا ما اسوي رجيم بس احاسب على اكلي قدر الامكان
وخذي سناك معااج تفاحه ولا بسكوت دايجستف واذا سالوج قولي احاول اكل فواكه عسب بشرتي هههههه
ويوم بتردين البيت تغدي وبس