أهل ريلي سبب ضيجي في هالدنيا تعبت و الله ماعرف وين اسير ؟ 2024.

مشكلتي مشكلة ويا هل ريلي ماعرف كيف اسيطر عليها ,,, لا ليلي ليل و لا نهاري نهار ,,,, مضايجة وايد و ماعرف استشير منو ,,, المهم خواتي انا ساكنة وياهم و صارلي معرسة 3 سنين و نص و عندي ولدين ,,,, عندي غرفة و حمام في بيتهم ,,, ريلي عنده خوات متسلطات و ملسونات و يتدخلون في كل شي ,, و حتى امه تتدخل في امورنا الصغيرة و الكبيرة ,,, يعني مول مالي اي خصوصية مع ريلي ,,, حتى يا خواتي مانروم نظهر روحنا لازم حد ويانا في كل طلعاتنا لازم يطرشون حد ويانا حتى لو سرنا الجمعية نشتري غرضين ,,, وفي الدخلة و الطلعة سين جيم تحقييييييق كامل وشامل ,,,, و 24 ساعة ميلسات في غرفتي و يستخدمون اغراضي و كريمات و عطوري و مكياجي و كل شي حتى ملابسي مالي شي خاص ابدا ,,, و الله تعبت من هالشي ,,, ادعي ربي ليل و نهار يرزقنا بيت بروحنا لاني بالفعل تعبت ,,,, و المشكلة ريلي شخصيته ضعيفة وايد يعني ما يقول لهم شي اذا بغينا نطلع روحنا او شي مول ما يرمسهم ,,,, يعفدون ع السيارة ع كيفهم و لا يقول لهم شي و شو تبون ,,, تتخيلون يا بنات ما اقدر اعيش لحظة خاصة مع ريلي ,,, يالله صدق كارهة عيشتي و حياتي و ليتني ما عرست ,,, حتى عيالي يتدخلون في امورهم يعني انا ما املك شي
كيف اتصرف وياهم شو اسوي كيف احط حد لكل شي ؟ تعبت و الله ,,,, لا تقولون بيت روحج لان هالفترة وااااااايد صعبة واااااااايد ,,, لازم اكيف نفسي وياهم طحت فيها بس في نفس الوقت لازم احط حد لكل هالمهزلة شو اسوي خواتي ؟

الله اعيينج حبيبتي
بس لازم اتوقفيهم عن حدهم

الله يعينج الغالية

وربي يرزفق البيت اللي يمضمج انتي وعيالج وبو شباب

حبيبتي لازم تبدين بالتدريج واعتقد هم بيفهون عقب
يعني ممكن تخبين اغراضج بالكبت وسكرينها بالمفتاح….وبعد حاولي تخلين طلعاتكم مفاجئه ويوم هم يكونوا راقدين او مو موجودين

لازم اتحطين حد حق كل شخص فيهم و اتفهمين ريلج انها هذي حياتكم …. اذا ريلج ما يرمس انتي رمسي بس بصوره غير مباشرة بس مفهوووووومه ….. و انتي ليش ادخلينهم غرفتج …هذي مملكتج بروحج انتي و يا ريلج بس

الله يرزقهم بيت روووووووووووحكم و ترتاحووووووووووووووووووون

الله يعينج مالج غير الصبر والدعاء الله بفرجها