الغاليات
ممكن وحده اتسوي جدول زهاب عروس ويكون فيه كل شي..ابا جدول بادق التفاصيل
ولو وحده عندها موضوع او شافت موضوع عن الجدول اتحطلي الرابط الله يخليكن
بلييييز ضروووري والله
اول شي اتيبين اظرف و تقسمينهم و تكتبين ع كل ظرف المبلغ و حق شو بينصرف
ميزانيه خاصه حق ..
$ كشخة العرس :
فستان العرس ، المسكه ، المكياج و الشعر
و لا تنسين لبس الصباحيه ..
$ الصالون :
حمام مغربي
حف الجسم ، تشقير
بداكير و مناكير
حناء
………….
الكشخه الخارجيه :
العبي يبالج ع اقل (7)
1 ساده بو قصه ، 1 مليانه شغل ، 5 هاديات
ع الوان العبي شنط و نعول و سوع ( فضي اسود برونزي و ذهبي ) هذي الالوان الاساسيه للسوع
و اكسسوارات عليهن ( اطقم او متفرق ) .
………….
الكشخه الداخليه :
$ مخاوير (7)
تختلف القطع مابين القطن و الحرير و الشيفون
3 شيفون منهن وحده فخمه ، 3 حرير منهن وحده فخمه، 1 قطن و تكون هاديه
$ جلابيات تفصيل (7)
تاخذين قطع ناعمه و هاديه و عندج انواع قطن ، كريب ، شربت ، استرج ، شيفون و حرير .
تكون في الجلابيات قصات او حركات ، و الشغل اللي فيه يكون دانتيل و شرايط تحصلينهن في بيت الاحلام .
او انج تروحين المحلات وهم يسوون لج .
# طبعا هذا اذا ساكنه بيت عمتج ،اما اذا بيت بروحج تقدرين تستغنين عن هالنقطه او تقللين من العدد ، لانها تكلف وايد #
$ جلابيات بيت عاديات بس حلوات بو خمسين و اميه ، ..
$ بدل ( تنوره و قميص ) لا تكثرين عن (5)
و عليهن شيل بيت و شباصات ع الوان القطع .
$ بجايم (7) ما بين الطويل و البرمود و الشوت
$ قمصان نوم (15) و نوعي فيهن في الالوان و الاستايل و الطول
$ بناطلين (3) يكفي تختارين الالوان الاساسيه ( الجينز الازرق ، ابيض ، اسود او رصاصي ) و اخذي عليهن بديات
$ ملابس داخليه : شلح ، صراويل ، ستايين ، و اغراض الدوره
$ المكياج و اللوشن : اخذي الاشياء الاساسيه ، اساس مع باودر ، ماسكرا ، جحل ، ارواج ، شدوو ، بلشر ، فرش ، مزيل مكياج ، و كريماتج واقي شمس ، و لوشن واحد بس لليد ، لاتكثرين ابدا ، احتمال توصلج هدايا و ان ما حصلتي بتشترين بعدين
$ عطور (5) بس او اقل ، دخون (2) بس ، دهن عود (1)
$ نظاره شمسيه ، عدسات
و السموحه الغاليه ع القصور
وإن كآن فـي الأرض فأخرجهـ
وإن كآن بعيدا فقربهـ
وإن كآن قريبـا فيسرهـ
وإن كآن قليلا فكثرهـ
وإن كآن كثيرا فبـــــاركـ لي فيهـ