خواتي قصتي طويلة مع ريلي,متزوجين على حب يمكن فوق 8 سنوات وصلنالدرجة انفصال بس صبرت و قدرت انجح ف امتحان رب العالمين و احين مرتاحة الحمدللهو يالسين نبني بيت العمر مع بنت وولد ثمرة زواجناواتصدقون ريلي وايد كان عنده سوالف بنات و دووووم كنت اعرف الى وصل درجة كان يقوللي اكرهج و احب وحدة ثانية و باخذها المهم قصة طويلة و هو وعدني بعد مايكرر الغلطة لان طول عمرة ظلمني و اخر شىء بغيت اطلع من حياته لان ما كنت قادرة اعيش مع واحد كذاب بس صارلنا سنة مستانسين مع بعض و سافرنا و استانسنا حتى ما كنت اشوفه يتصل و يكلم حد لين عقب ما ردينا من السفر شفت مسج ف تلفونه,هي وحدة:مااقدر اشوفك اليوم و هو راد:ليش فديتج و هي:لان بطلع مع الاهل.هو ريلي:اوكه فديتج كلميني اول مااتردين.اتصدقون انصعقت على فكرة هو عنده كذا تلفون و كان ناسي هالتلفون في البيت,حتى ما خبرته بس كان يبين متضايجة و اكلمه بدون نفس على فكرة هو عقبه بيومين سافر معسكر الشغل,لين اليوم ماقادرة اكلمه عدل لان احس هو كذاب و متعود على سوالفه مااعرف شو اسوي,ارجوووووكم خواتي ردوا علية شو اسوي ,ليش سعادتنا مااتدوم و هالبنات مايخلون نرتاح و نعيش حياتنا.ساعدونييييييييييييي ارجوووووووووووووكم…………
الله يهدي
حسبي الله ع بنات الحرام
عنبوه دارج ما تستحين ترمسين واحد معرس؟؟
وين يبون هالأشكال؟؟
حسبي الله ونعم الوكيل ع هالأشكال وعلى الرياييل اللي يخونون حريمهم
حسبي الله ونعم الوكيل
فديتج.. خذي رقم الأمين ودقي عليهم وعطيهم رقمها وقولي تخرب لج حياتج
جبدكم بتلوع
راسكم بيعوركم
نفسيتكن بتتعب
اعصابكم بتتلف
قلبكم بيرف
عيونج بتعورج من الصايح
مخج بيموت من كلمة ليش وليش وليش
بتترين شي ولابييج يعترف
بتكرهينه
بتنصدمين ……… ليش ..؟ كم مره قلنا لاتامنون علشان ماتنصدمون
بتتغصصين ومن كثر القهر بيطيحن اضروسج …. ليش …؟ من كثر ماترصين عليهن من القهر
بييج صداع نصفي…. ليش…؟ لانج بتحرمين نفسج النوم وبتقولين يومكن يوم اغفي يكتبلها شي
بتنبرين في مخابيه
بتروحين فنايله
بتشكين حتى في سبوحه يوم بيدخل البيت
يا اميه شلج بعوار الراس خليه عنج ولاتلوعين جبدج
انا لو منج بطرش المسج من تالفوني ومابخبره
لكن باليوم الثاني بطرشله المسجات الف مره على تالفونه بحرقه بهاي الحركه ويوم بيسالني بسكت عنه وبقوله
انا اقدر اسوي شراتها لكن انا عزيزه وبس لاتحرقين عمرج وياه
خليه بهاي الكلمه يدور في مكانه ……. وبيتلوم
واجنبي اسالتج له وعيشي حياتج ولاتدمرين مملكتج بيدج علشان ماتي بنت الحرام وتملكه لانه بيت عيالج