اشحالكم…
استوالي موقف اليارحة بليل مع ريلي تأخر ويا ربعه وانا تضايقت لاني كنت ابغي اسير السوق وقالي انا مشغول بخلص اوراق عامل عندي في الشركة قتله اووكي خلص وتعال قالي بشوف وعقبها سار ويا ربعه ( للعلم هو ما يروح وايد لهم يعني بيتوتي وما يظهر من البيت لا للشغل ) المهم انا تضايقت وايد من روحته لهم مع اني انا الاولى اول ما يحصل وقت وكنت ابغي اروح افصل وقتله رمضان جرب ومحد بياخذ الخياييط بتزدحم .. وطببعة البيتوتي وايد سبب مشاكلنا مول ما اظهر من البيت ابدا ما يطلعني الا للشوق اقضي حاجاتي ولا السنما يقول ما اعرف امشي وانا صابرة وبديت اقلم نفسي فالفترة الاخيرة اقول دامني مستقرة نفسيا برايها التمشية . وغيره اذا طلعله شغل تلاقونه كله وراه يطلع من شي ويدش في شي وغيؤ سفرات شغله وانا من كثر ما اكنت احتشر بديت اطنش واصبر بس روحته مع ربعه وايد ضيقتني يوم رمسته قالي انتي جاحدة ….؟؟؟؟؟؟؟؟ وايد انجرحت من الكلمة قتله اذا كل اللي اسويلك اياه واصبر لى ظروفك تقولي جاحدة عيل ما ابا منك شي غير تقضي اموري ويعل لساني القص اذا بغيت اتمشى .. ماريد حياة المذلة ( للعلم صارلي شهرين اقوله غديني برا) ..وهو مب اهني طبعا …
المهم اليوم وداني السوق رحت الخياط وحلصت سرت عقبها بوظبي مول وتشريت ملابس وغيره ودخلت باريس غاليري ( طبعا هذا كله نحن ما نرمس بعض واذا رمسني ارد عليه ع قد الكلمة) واهناك قلت عقب يومين عيد زواجنا اخذ الهدية ولا لا؟؟؟؟
وللعلم بنات والله العظيم كنت مب ناوية ارمسه ابدا حتى لو يا اليوم الزواج بس فالمحل اضطريت لاني بديت اسأل عن احسن الماركات للسوع المهم شريت ساعة جفنشي ب 6000 درهم اونها لابوي ةعادي بدينا نسولف وهو نفس الشي يجرب العطور ويروحني بس والله اني شالة فقلبي
افكر الحين ارجع الهدية او اعطيه عاد من غير ما احتفل واقوله اذا بغى يحتفل انت جرحتني ومن هاللحظة بسوي اللي انت تباه ما بذكرك الا اذا لي حايه واثبتلك اني مب جاحدة
ساعدوني بليز لاني ستويت عصبيه عولدي من القهر
والله يوفقكم لما يحب ويرضى
ريد
وانتي اشوي اشوي حاولي اتغيرين من طبعه ،،، يعني جوفي بعد ما تحتفلين وتهدينه ،،، اتفقي وياه انكم كل فتره تكسرون الروتين بطلعه لفندق او تمشيه ،،، وان شاء الله تتعدل الاوضاع امبينكم
وانا من رايي عطييه الهديه..ومشي الامور ع خير..
الله يعينج.
وداج بعد
وانتي زعلانة خذ لج الساعة مع انج قلتي لابوج
يستاهل بو الشباب
لا تقصرين معاه
وعطيه الهدية وفوقهم كلمتين حلوين
وأحلى شي إنه بيتوتي
ولا يكون راعي خرابيط