الامهات اللي سافروا ويا عيالهم خبرتكم 2024.

بنات بليز ساعدوني
بنسافر صلالة بالطيارة بودي ولدي وياي
بس خايفه من الضغط الجوي في الطيارة على اذن بيبي شو اللي يخفف
ربيعتي اتقول اونه عطيه منوم جريب بتركبون الطياره شو رايكم
شو اخذ معاي مب عارفه
متردده يمكن اكنسل السفر
ولدي عمره10 شهور
عطوني نصايحكم

هلا اختي…
انا أذكر ولدي كان عمره 3 شهور… وسافرت بالطيارة…
خليته يمص مصاصته… أكثر شي… لأنه يوم بيبلع ريجه بيخف الضغط على أذنه…
وانتي رتبي جدول ارقاده… انه يوم بيركب الطياره يكون هلكان من التعب.. وبينام ان شاء الله…
ورايي لا تعطينه منوم ولا شي… حرام مب زين .. بضره أكيد …. واايد ناس يسافرون مع عيالهم..
توكلي على الله… وربج بيسر أمورج ان شاء الله…

على حسب طبيعية الياهل اذا تحسين انه ولدج هادى ومب صياح سافري واذا ولدج من النوع اللي يتضايج ويصيح انصحج لا تسافرين والراي الاول والاخير لج عن تجربه انا سافرت صلاله يوم ولدي كان عمره 8 شهور وصدق تلعوزت معاه لانه مرض وتغير عليه الجو

اختي انا سافرت بالطياره وعمر ولدي ست شهور وعادي يرقد اشوي ويقوم وعطيته بس حليب ورقد

انا بالعكس وقت كان ابني صغير كان السفر سهل عليي كنت ارضعه او اعطيه ياكل وخلي موعد نومته مع موعد الطيران مرة نام معي كل السفرة من اولها لاخرها اكتشفت انو الطيارة مفعولها متل السيارة او ماتمشي بيروح نايم اذا كان تعبان واذا خايفة على ادنه متل ماقلتلك الاخت فاشن عطيه لهاية او ببرونة الحليب

عطيه مصاصه أو مرضعه عشان يخف الضغط على أذنه