البرود العاطفي والحل 2024.

مرحبا خواتي الصراحه هذي او مشاركه لي معاكم فالمنتدى كنت دايما اقرا واستفيد بس هالمرة انا محتاجه مشورتكم ماعرف اذا هالموضوع بينحذف اول لا بس انا جد محتاجه لأرشاد وتوجيه وياريت اللي مب عاجبها موضوعي ياتقول كلمة خير او دعاء ولا ماتعلق لأن بجد الكلام يجرح …
بصراحه انا امر بفتره من البرود العاطفي انا متزوجه من سبع سنوات والحمدالله مرتاحه مع زوجي وعيالي وعمري ما حسيت بهالشي بس من فترة قريب الشر ونص صرت احس ببرود كأني صخر يعني ما اتعدل والبس مثل قبل ماصرت اسولف واضحك ويا ريلي مثل قبل حتى زعل ما قمت ازعل واستانس اذا هو زعل مني وما رمسني احس اني حرة هاليوم ومب مكلفه فيه و بواجباته الزوجيه اللي صرت اشمئز منها ….يا بنات انا محتاجتكم حد منكم مر بمثل حالتي
شو السبب وكيف اقدر اطلع من هالحاله …انا احس اني بديت اتمادى وااايد و زوجي صبر علي وااايد …بس اكيد مابييصبر على طول..

خليه يبعد عنج شوي

لازم بتشتاقين له

شو رايج تباتين بيت أهلج 3 ايام وشوفي مشاعرج تغيرت ولا لاء^^؟

هلا اختي..

في السبع السنوات هاذي فكرتي تغيرين ستايل حياتج مع ريلج؟

التغيير مطلوب عزيزتي ولازم تتفننين في هالشي وباستمرار لان الروتين يسبب الملل حتى في الحياة الزوجية..

والتغيير من جهتج وجهة ريلج ضرووووووري عشان حياتكم تجدد دائماً وأبداً

من وجهة نظري هذا هو الحل الامثل للبرود في الحياة الزوجية..

وعيالنا حبايبنا وعيوننا.. بس لازم الاستفراد بالزوج وإعادة شهر العسل من فترة لاخرى..

والله يوفقج حبيبتي..

الله ييسر امورج اختي

الله المستعاان 00حبيبتي في الحيااة الزوجيه احياناا تمر علينااا

فترة فتور وهذاا شي طبيعي ^^

تدرين الروتين اليومي مع البيت والزوج والعياال مع عدم التغير بعد ^_^

عزيزتي يباالج اجاازة قصيرة 00تغير من الدااخل قبل ماا يكون بالشكل الخاارجي حبوبة

ولو تشتركين بناادي صحي تراا الريااضه واايد تسااعد بتغير النفسيه

ولا تنسين الاستغفاار والتقرب من رب العاالمين 00صدقيني بتتغير حيااتج ^^

الله يسر امورج ويسعدج دنياا وأخرة ياارب

صح جربي كلام الخوات ابعدي عنه فتره وشوفي مردج بتشتاقين