السلام عليكم خواتي
حبيت استفيد من خبرتكن ورايكن
اذا عندج بنوته بدش الصف الاول تفضلين تسجلينها
في مدرسة عادية او مدرسة من مدارس الغد؟
اريد اعرف السلبيات والايجابيات لهذي المدارس
ويزاكن الله خير
حبيت استفيد من خبرتكن ورايكن
اذا عندج بنوته بدش الصف الاول تفضلين تسجلينها
في مدرسة عادية او مدرسة من مدارس الغد؟
اريد اعرف السلبيات والايجابيات لهذي المدارس
ويزاكن الله خير
أنا أشوف مدارس الغد احسن بوايد
والحمدلله ولدي قبوله في مدارس الغد
تعرفين انه الأولاد غير عن البنات فإذا كانت بنتي عادي عندي أدخلها مدرسة عادية اما الأولاد ما أقدر
والحمدلله ولدي قبوله في مدارس الغد
تعرفين انه الأولاد غير عن البنات فإذا كانت بنتي عادي عندي أدخلها مدرسة عادية اما الأولاد ما أقدر
ما ادري الغاليه عيالي فالمدارس الخاصه
انا ولدي درس اول ابتدائي في جمعيه النهضه بس انتقلنا راسالخيمه على اخر اسبوع او يومين وما حصلنا مدرسه خاصه فاضطرينا اندخله مدرسه حكوميه وهي من مدارس الغد بس المنهج فاااااااااااشل وسمعت انهم بيوقفون عنه السنه اليايه بس مب اكيد بسبب الخساير الي راح بتنحذف عليهم بسبب الغاء القرار المهم ولدي امشي معاهم لانه درس عدل في اول ابتدائي بس عقب ما درس في مدارس الغد احس انه مب هاك الزود في التدريس امخلينهم فيران تجارب والحمدلله في العربي والدين والتربيه الوطنيه ما عندي مانع عندهم كتب اقدر اشوفه شو اياخذ وشو ما ياخذ بس ما عندهم كتب انجليزي ولا علوم ولا رياضيات بس اوراق ايطرشونها لج الاملاء كمن كلمه حفظيه اسبوعيا و كلمات خله يحطها في جمل من عنده ويعطونج ويعطونج جُمل ثانيه بعد عاد انا انقهر كيف افهم الولد من غير صور من كتاب ولا الرياضيات يعلمونهم بالانجليزي تابع لحصة الانجليزي يعطونهم بس الجمع و مجموع الرقم 9 , 8 ,7 و6 وجي والاشكال الهندسيه والعلوم يعطونهم عن الحصا وانواعه يعني الصغير شو اسمه والاكبر والاكبر والاكبر بيطلعون عيالنا حفارين ولا مكتشفين للتراب والصخور وهذا من بدايه السنه الين الحين وعطوهم الله يسلمج اسماء الفصول الاربع و شو بعععععععد يعني ….
وسالت ولدي شو يعلمونكم في العلوم قال شو علوم ما يعطونا علوم شفتي ؟ وافكر انقله بس وين ما ادري
عل فكرة المدرسات حتى نقلو عيالهم من المدرسه الى مدارس ثانيه!!!!!!!!!!!!
وسالت ولدي شو يعلمونكم في العلوم قال شو علوم ما يعطونا علوم شفتي ؟ وافكر انقله بس وين ما ادري
عل فكرة المدرسات حتى نقلو عيالهم من المدرسه الى مدارس ثانيه!!!!!!!!!!!!
مرحبا ان صراحة ماجربة مدارس الغد
بس بنت اخوية في مدارس الغد
وحرمت اخوية مرات تشتكي منهم بسبت الامتحانات الوايدة وعندهم كتب رياضيات اربعة واااايد احنا كتاب وماكنا متحملينة اللة يعين لعيال صراحة
وماشاءاللة عليها من المتفوقات للانها من صف اول دارسة المنهج الحين هي رابع
واللة يوفج الجميع؟؟؟؟؟
ويلهمج طريج الصواب
حتى اربيعتى تشتكى من ماده العلوم تقول ما عندهم كتب وما تعرف ادرس ولدها
وكل الكلام الى قالت الاخت عيون زوجها صحيح
على فكره الصف الاول السنهالى طافت ما عندهم كتب عربي بس بعدين سولهم كتب للتجربة
ومدارس الغد بتفضل مدارس الغد
وما بيعممونها على كل الدولة
ها الى سمعته
مدارس الغد افضل احس احسن