اليوم حبيت اتكلم عن ماركة فورايفر52 مشهوووورة وايد هالماركة بالمنتدى وخارجها وبالذات المعارض ومافي مكان ما تنباع به واسعارها معروفة انها رووعة والكل تقريبا يقدر يشتريها لكثرة توافرها واسعارها المناسبة
الماركة منتج كووري
نبدأ باسم الله بالاشياء الي جربتها والريفيو عنها
اول شي الفاونديشين
نوعين من الفاونديشن السايل
الي بمعصار والي بزجاجه
المعصار
تغطيته : متوسطة
نوعة : مخملي
الفينيشنج: مخملية ناتشورال ( رووعه الفينيشن ماله واايد تعطيج لوك مخملي مب لماع ولا يلصق وايد حلو للاستخدام اليومي لانه تغطيته متوسطه وما يتعب بشرتج لا يسدد مسامها)
سهولة الدمج والاستخدام : سهل ججدا
تنوع الدرجات : متنوع جدا متوفر منه على حسب ما استذكر 8 درجات تناسب البشره البيضا جدا والغامجه
ثباته: ثابت
يتأكسد بالهوا ( يعني يتغير لونه ويجلب على رمادي او اسود ) : ابدااااااااا لو اتمين طول اليوم
برجع اشتريه مرة ثانية : نعم اكيد ورجعت اشتريت منه حبتين من الدرجة الي ناسبت ويهي
مشكلته: انه موجود بمعصار بالتالي اي حد بيفعصه او حد من اليهال بيلعب فيه انسي سالفته طبعا 
وصعب تودينه وياج لو بتسافرين او بتسيرين مكان بعيد لانه عادي يتفعص مع الاغراض ويزوع او ينقص المعصار وبيخيس لج الدنيا وشي اخير صعب بالتخزين لانه اذا حطيتيه بشكل افقي او شكل نايم على الطاولة راح يزوع وبيخيس لج الدنيا وبالتالي لازم تحفظينه بشكل واقف وراسه فوق عشان ما يزوع
هالشكل يعني
اما نوع الفاونديشن الي بزجاجة
نوعة: كريمي مخملي
تغطينه : متوسطه – قوية
سهولة الاستخدام والدمج : سهل جدا
بشتريه مرة ثانية : اكيد وهو حاليا اكثر فاونديشن استخدمه بالمناسبات نظرا لقوية تغطيتة الي تعتبر قوية نوعا ما وما يأثر على البشرة
متوفر بدرجات متعدده : نعععععععععععم 
واضحه تدرجاته بالصورة ^_^
ثباته : ثااابت لا يسيح ولا ينمسح لو حطيته صح ويظل على ويهي طول اليوم حتى لو اعرق
يتأكسد بالهوا ( يعني يتغير لونه ويجلب على رمادي او اسود ) : ابدا لو يتم على ويهج طول اليوم ما يتغير لونه ويجلب على رمادي والنقطه واايد مهمه في الحكم على الفاونديشنات وايد ماركات غاليه تتاكد بالهوا واكبر مثال لانكووم فظيييييييييع معدل تأكسدها بعد كم ساعه تجلب رمادي على ويهج ومترووووسة رصاص من تلمس الذهب يصير لون البودره او الفاونديشن اسووود واذكر مرة كنا في اريج واختي كانت تبا تاخذ فاونديشن وجربت لانكوم عيبها قلت لها مب زين ويتاكسد قالت لا حلو قلت لها زين تعالي فصخت خاتمي وحكيته على جبهتها مكان ما حاطه الفاونديشن وجلب اسود على طول كاني مشخطه ويهها بقلم كحل رمادي حتى البايعات استغربوا وجيه غدت ويوهن
وتمت تسالني عقب شو هاه وكيف وعيار كم وذهب اصفر وكيف تعرف يلست انا اعلمها قلت خوش بدل ما انتي تنصحينا وتعلمينا احنا نعلمج … احم سوري طلعت عن الموضوع بس كانت سالفه تستحق الذكر
النوع الثاني هو الفاونديشن المضغوط الكريمي
نوعة : كريمي
ـغطيته: قوية
الفينيشج : كرييمية مخملية
ثباته: ثاابت
تعدد الدرجات : للاسف قليل وما حصلت الدرجة الي تناسب البشرة البيضا اظن بس 4 درجات
سهولة استخدامه ودمجه : سهل نوعا ما ، بس السايل اسهل للي مبتدئ بالمكياج
يتاكسد بالهوا: ابدا
البودارات
شي نوعين البودرة على اليمين بودره عادية والي عاليسار المائية
ريفيو البودره العادية (الي عاليمين)
تغطيتها: قوية متوسطة
ثباتها: ثاابته
تعدد الدرجات : متعدده وتناسب البشرات من البيضا للسمرا
تأكسدها : ما تتااكسد موولية
الفينيشج: مااات ناتشورال
نعومتها: نااعمه (بس جربت بودرات انعم عنها)
اما البودرات المائية
ثباتها: ثابته نوعا ما الا اذا عرقتي تراها تسيح وهالشي بكل البودرات المائية وهذا عيبها اذا عرقتي خلاص تسيح لانها تذوب بالماي لانها مائية
قوة تغطيتها : قوية واحسن بوااايد عن بودرة كريولاين المائية الي ابدا ما تنفع
نعومتها نااعمه
سهولة استخدامها: متوسط
بشكل عام ما احب استخدام البودرات المائية لانها وايد تتكتل وتسيح بالعرق واحنا منو ما يعرق بهالجو وايد خطط مكان خطوط الويهه ( مثل مكان الخدود لما تضحكين او تحت العين وحوالين الخشم ) لكن لو خيروني بين كريولان وفورايفر 52 خذي فورايفر على طول ولو خيروج بين فورايفر وبن ناي خذي بن ناي لانها اثبت اكثر عن فورايفر وتغطيتها اقوى بس ما تنفع لكل يوم لانها تسدد لج مسمات بشرتج استخدميها جاف بالفرشاه وايد احسن
اما كاستخدامها كجاف فهي تشبه البودره العادية لكنها انعم واخف في تغطيتها لو استخدمت كجاف
تعدد الدرجات : متنوع جدا
مصحح الفاونديشن أو ملون الفاوندشين
وهو عبارة عن كريم ملون تغطيتها وكثافة اللون قوية تخلطينه مع الاساس مالج لين توصلين لدرجه معينه تكسرين بها لون بشرتج مثلا لو كنتي مصفره وتبين فاونديشن يعكس على وردي او بطيخي تخلطين الاساس مالح بنقطه من هالملون او المصحح للوصول للدرجه المطلوبة رووووووووعه لالاستخدام البروفيشينال
قوة اللون : قوي جدا
ثباته ثاااااابت وينفع بلاشر كريمي قبل الاساس
سهولة الاستخدام : للاستخدام البروفيشنال فقط لو كنتي مبتدئة ما انصح به
فعاليته : فعااال جدا وصدق حلو للمتفيجات للمكياج مثلي ^_^
نوعة : كريمي متوفر بعض الدرجات بلمعه شيمير (مب قلتر ) ووشي منه مات
اما الكونسيلر فشي منه نوعين النوع الي بعلبة معدنية مثل كونسيلر بن ناي وهاي صورته
الريفيو :
تغطيته: متوسطة
ثباته: ثاابت
تنوع الدرجات جدا متنوعه في علبه وحده
سهولة الاستخدام : سهل نوعا مال بس احسه شوي كيكي cakey مدري يعني انواع ثانية تعيبني اكثر عنه
الفينيشج : مخملي
بشتريه مرة ثانية : لا الصراحه ما عيبني وايد بس وجوده مهم للي تبا تاخذ كذا درجه تناسب جميع التدرجات
والنوع الثاني والرهيب الي بخمس الون في يبلته سودا مثل ميك اب فورايفر
وهاي صورته
ثباته : ثاابت
تغطيته: قوية متوسطه
نوعه : مخملي
الفينيشج : ناتشورال راااائع ينفع لكل يوم بتغطيته القوية الي ما تخطط ولا تكسر على البشره واايد اوك تقريبا هو اقرب كونسيلر مشابه لكونسيلر كوستال سينتس العجيب الي كل يوم استخدمه والي سويت عليه ريفيو في موضوع كوستال سينتس
تنوع الدرجات : متنوع في علبه وحده يناسب البيضا الى السمرا
بشتريه مرة ثانية : اكيد
سهولة الاستخدام والدمج : سهل اييج بفرشاه كواليتي مالها واايد اوك وصدق تستخدمينها لانه عاده اي منتج ايج بفرشاه على طول عقي الفرشاه لانها ما تنفع لكن هذي المنتجات صدق فراشيهم تستخدم لانها كواليتي وايد زين
الحين دور القلتر
الي جربتهم نوعين
االمدور والمربع
اثنينهم متشابهين وطبعا ما شي وايد كلام على القلتر غير انه بتراوح في نعومته بين الناااااعم جدا الا الناعم المتوسط وماله ثبات لانج بتثبتينه بصمغ القلتر
المدور فيه صبغه ويكاد يكون قريب من اللوز باودر في بعض الالوان
يتبع ….
وهاي صورته
قوة اللون : للاسف ضعيف
ثباته : متوسط
نوعة : كريمي ستيكي وايد يلصق
سهولة الاستخدام : صعب بالاستخدام ككحل خارج او داخل العين
ابدا ما ينفع كحكل لكنه ينفع تستخدمينه كبيس للعين ملون لانه وايد ستيكي ويلصق وبيلصق لج الاي شادو بس لازم ما تحطين وايد منه لانه بيسوي لج كريس بمنطقه الجفن هالشي ابدا ماحلو
بشتريه مرة ثانية : لا لا لا لا لا لا بس استخدمه كبيس حاليا يوم اتذكره 
الفرشاه الي داخل: حلوة وممكن استخدامها
اما الويل ميتاليك كريمي اي شادو
طبعا بقارنه مع الميتاليك ويل كريمي اي شادو من بن ناي ^_^
وهاي صورهم
فهذا حبييييييييييييته
نبدا بالريفيو
قوة اللون : قوي جدا
كثافته : كثيف جدا مسحه وحده بتشوفين كيف تعطي لون قوي
نوعه : كريمي مخملي بلمعه ميتالك وشي منه لون مات كريمي مثل البنفسجي والفوشي
ثبات اللون : ثااابت جدا
سهوولة الاستخدام : سهل نوعا ما بس ما انصح به للمبتدئ بالمكياج لانه عادي يلعوزج لانه الوانه واايد قوية ويباله يد متمكنه
ملاحظة اعتقد انه فقط للاستخدام خارج العين ماجربت استخدمه داخل العين
بشتريه مرة ثانية : يس ولو متوفر درجات ثانية باخذها
وهني مقارنة بينه وبين بن ناي )سواتش )
من غير فلاش
بفلاش
الحين بنتكلم عن الكحل الكريمي بعلبه منفصله كل لون
الحلو والمميز بالعلبه انه لها غطاء بلاستيكي مهم جدا في حفظ اللون من التلف والجفاف
مقارنة بمنتجات ثانية الي اييج اللون مغلف بغطاء قصديري تخوزينه وبيتم اللون عرضه للجفاف وبيخترب بعد فتره
مثل جيه
وهني صورة للون الاسود الفاحم من هالماركه
طبعا انا مشترتنه من تقريبا 3 سنين الحين وللحين ماشاءالله ما يبس ولا اخترب وواضح بالصورة والسبب الغطاء البلاستيكي الي يحافظ عليه واكتشفت انه عندي لون ذهبي مضيعه الغطاء البلاستيكي الابيض عنه وشوفوا شو صار فيه
خلاص عقيته مول ما ينفع فلازم تحافظون على الغطا البلاستيكي الابيض الي داخل
الريفيو:
قوة اللون : قوي جدا
ثباته : ثااابت جدا وتر برووف استخدمه لداخل العين ومول ما يسيح ويتم لكم يوم داخل العين الا اذا مسحتيه بمزب المكياج
كثافته اللون : كثيف
نوعة : كريمي
نعومته: نااعم جدا
سهولة الاستخدام : سهل ولكني افضل الكحل السايل من الكريمي
ينفع لداخل وبرا العين
بشتريه مرة ثانية : مدري انا ما استخدم وايد الكحل الكريمي وافضل السايل عليه (راي شخصي )
هني سواتش الجل اي لاينر
استخدمت الفرشاه العريضه من جيه الخط عريض هالفرشاه بعد من فورايفر 52
الحين دور الارواج
الارواج الاستيك
قوة اللون : قوي جدا
ثباته : ثااابت جدا
نوعه : مااااات
نعومته : ثجيل مب كريمي وايد وانا افضل واحب واعشششق هالانواع مب يابس ويتقطع ويتكسر وما ينحط ولا كريمي بحث انه يزلق ولا يلون لج شي تركبيته اكثر روج ارتحت له ومشى علي وكل وحده ورايها افضل تجربين التستر وتشوفين لانه في الي يحبون الكريمي وايد
ينفع وايد للمناسبات ولو شفايف جافة تحظين فوقه قلوس من نفس اللون وبيتم الروج لين باجر ^_^
باخذه مرة ثانية : اكيد واشتريته الكوليكشن اليديد يوم طاح تقريبا عندي كل الكوليكشن من هالنوع ^_^
تعدد الالوان : متعدده جدا وتقريبا كل الدرجات والالوان الي بتخطر على بالج موجوده والحلو انه الالوان النادرة والصارخه بتحصلينها موجوده
اما الارواج في البلتات
ثباتها : ثاابته
نوعها: كريمية مات مب كريمية وايد بس انعم عن الاستيك يعني ينفع حق كل يوم لو تبين
الفينيشنج ناتشورال مخملية نوعا ما
قوة اللون : على حسب الدرجه تتراوح بين القوي جدا لين المتوسط
نعومته: نااعمه انعم عن الاستيك
تعدد الالوان : متعدده جدا
الفرشاه كوالتي ممتاز استخدمها مع البلته
باخذها مرة ثانية : اكيد لاني استخدمها للمناسبات ولكل يوم
القلوسات
تتوفر 3 انواع اانا الي جربتهم
المعصار ماحبيته مول
قوة اللون : خفيف
النوع : لزج ستيكي
الفينيشنج : مات
ثباته : متوسط
الريحه : فيكس على بلاستيك مول ما طقتها ولا اتحملها ومول ما استخدمته من قوة الريحه
باخذ غيره : لا لا لا
القلوس المربع
النوع : شي منه مااات وايد يابس وما يخوز وشي منه الي فيه لمعه قلتر
المات: القلتر :
ثباته : ثااااابت لو تمسحينه بمزل ما بيخوز ثابت بمعدل طبيعي يعني يخوز لما تمسحينه
الفينيشنج : مااات قليتري
نوعه : يابس وناشف مول ماكريمي كريمي ستيكي
سهولة الاستخدام : صعب لانه لازم ترسمين شفايفج
عدل بمحدد وعقب تحطينه والا ما بيطلع متساوي وحلو سهل تحطينه على طول عادي
افضل اي نوع : الاثنين عادي عندي لانه المات حلو للمناسبات والحلو انه الشعر ما يلصق عليه وما يخيس لما تاكلين او تسلمين على حد ما يطبع اما الكريمي فسهل وينفع لكل يوم ويرطب الشفايف ولا ايبسها ويجففها مثل المات لكل واحد وطريقة استخدامه
اما النوع المدور فيشبه القلوس المربع بقلتر
يتبع ….
شي نوعين هالفراشي والي انصح اي وحده بشراءها
اتيج رول ب 24 قطعه على ما اعتقد
كواليتي رااااااااااااااااااائع صدق يا بنات
من خذتهم للحين صار لي يمكن 3 سنوات ولا شعره طاحت منهم اغسلهم بمعدل مرة كل شهر او اكثر على حسب الاستخدام ما اختربوا ولا تغير لا شكلهم ولا نعومتهم بالغسيل او الاستخدام
نوع الشعر : صناعي
جودتها : عاااليه
ثبات الشعر : ثاابت ولا شعره طاحت
نعومة الشعر : نااااعم جدا من انعم الفراشي الي عندي (عندي فراشي بوبي براون وماك وسقما وبن ناي وفورايفر و كوستال سينتس وايلف )
تحملها للاستخدام المتكرر والغسيل : رررااائع وتتحمل وتكرف بعد
والسعر يا بلاش ل 24 قطعه
تنوع الفراشي بالرول : متنوع تقريبا كل شي تبينه بتحصلينه بس وايد محطين الكونسيلر والفوانديشن بروش يعني يمكن 3 حبات من هالنوع وشي ثاني وايد مركزين على فراشي العين والكحل الكريمي وانا افضل اكثر شي فرشاه دمج اللون blending واضحه بالصورة الفرشاه الي بالعرض على الرول ماشي غير حبة وحده بالرول كامل
بشتريه مرة ثانية : نعم وشريت منه 3 حبات زياده لي ولاختي
النوع الثاني من الفراشي الفراشي السوده الي اتيج 18 قطعه اظن برول جلد اسود شي نوعين القديم
هذولي الي شعر الفرشاه كامل اسود
واليديد هذول الي شعر الفرشاه ابيض ونصه اسود
اثنينهم مثل الكواليتي والملمس
الريفيو
نعومة الشعر : ناعمين قليل شي فراشي انعم عنهم بس مب خشنين يعني ما يعورونج يوم تستخدمينهم
الكواليتي : عاااالي جدا
نوع الشعر : صناعي
جودتها : عاااليه
ثبات الشعر : ثاابت ولا شعره طاحت
تحملها للاستخدام المتكرر والغسيل : رررااائع وتتحمل وتكرف بعد
مثل الفراشي الحمرا وايد مركزين على فراشي الكونسيلر وفراشي الكحل الكريمي
باخذهم مرة ثانية خذتهم وخذت لاختي بعد منهم
رايي لاي وحده تبدي مكياج باستخدام صح لازم يكون عندها كوليكشن كامل من الفراشي وكبدايه وايد زين انها تاخذ لها رول من هالرولات وافضل الرول الفضي لانه انعم من الاسود واستخدامها يعطي المكياج لوك نااعم وممزوج بطريقه حلوة مع البشره
وهني الاي شادوات من هالماركة ما عندي وايد لانه الصراحه ما عيبوني وايد
الي خذته الدايموند اي شادو
وهني صورته في البلته مالته الريفيل انا شليت القطعه البلاستيكية الي تفصلهم وبدل ما تشيل 10 حبات حطيت 12 من كل الاي شادوات من فورايفر 52 شي من اوفيس وفورلايف
من غير فلاش
بفلاش عشان تظهر اللمعه
وهني سواتش من بعض الاي شادوات
من غير فلاش
لفلاش
قوة اللون : قوي جدا – قوي متوسط
ثباته : ثاابت
نوعه : قلتر وشي مات وشي شيمر
نعومته : ناعم
سهولة الاستخدام والدمج : سهل
وهني بلتة الاي شادو المائي ستخدم بالماي ومن غير ماي
حلوة وقوية الوانها
سواتش للون جاف من غير ماي
قوة اللون : قوي
ثثباته : ثاابت ويكون ثابت اكثر لو استخدمتيه مائي
سهولة الاستخدام والدمج: سهل لو جاف ولو استخدمتيه مائي بيصعب شوي استخدامه بس بيزيد قوته وثباته
نوعه : مات مائي شي انواع تكون مائية بس نوعها كريمي مثل كريولاين واري جو ويكون ثباتهم ونعومتهم احسن عن المات الي ايج بودري طبشوري لكن دمج المات الطبشوري اسهل عن الكريمي
وهني بلتة البلاشر
وهاه سواتش للالوان
قوة الالون : قوية بالنسبه لبلاشر
ثباتها : ثابته
تنوع الالون : متنوع
سهولة الاستخدام والدمج : متوسط نظرا لقوة اللون لو كنتي مبتدئة دايما خذي الالوان الي ما تصبغ من اول مسحه عشان ما تحطين زياده وتخربين ويهج
خلاص انهد حيلي من هالموضوع
دعواتكم لي بظهر الغيب تكفيني ^_^
مشكووره علويه ع الموضوع . .وبصرآآآحه اعشششششق هالماركه فوق ما تتصورين . . .
وأحب : الفونديشن + الآرواج + البرشز + الآيشدوو بس بعص الآلوان ما تثبت
بس بشكل عاام الفونديشن والبودر و الآرواج = عاال العاال وفرووووووعهـ . . .
بجررب الكريمي مالهم وبردلج خبر >> تقولون سألتها 
ما تقصرررين وتقبلي تواجدي و ردي