شو اخباركم
عساكم مرتاحين
طبعا العنوان باين
انا الصراحه كنت حاطه في بالي اربي اذا الله راد وسهل عليه في المستشفى الحكومي
بس الصراحه لظرووف والمستشفى فيه صيانه والدكتوره اللي اعالج عندها مسافره
قررت اربي بعون الله في دبي مستشفى خاص عن طريق دكتوره اراجع عندها الحين
بس انا استغربت كل ما حد يسالني وين بتربين اقولهم ان شاء الله في مستشفى خاص
يقولون لي شووو تبين بالمستشفى الخاص الحكومي احسن لج
والا المستشفيات الخاصه لا رعايه ولا شي كله يبون بيزات
ما اعرف حيرووني الصراحه
بس قالولي دامج بتوصلين دبي ليش ما تسيرين الحكومي
انا مشكلتي ما اروووم اسير الصبح واراجع والحين بدخل الثامن يعني اي مستشفى هذا اللي بيرضا غير الخاص طبعا ومحد بيوديني الصبح
شوو المشكله الحين
اللي مجربه وربت في مستشفى خاص تخبرني كيف معاملتهم للعلم انا ناويه اربي في الكندي
واللي مربي في الحكومي كيف بعد معاملتهم
ان شاء الله ما اكون طولت عليكم
ولا رد
الكل ياختي يقول الحكومي أفضل .. من جهة إن لا سمح الله احتجت اي شي هناك مختصين وعندهم كل الجهزة
أما الخاص إذا صار أي شي ـ لا سمح الله ـ يحولونج سيده على الحكومي ..
وبصرااحة انا مثلج محتارة ..
لأن الحريم من صوب ثاني يذمون معاملة الحكومي ..
أحسن شي .. أنج تستخيرين .. وتتوكلين على الله
والله يسهل عليج ويسر امورج
تسلموووون
اناا استخرت الحمدلله كمن مره
بس ما احس بشي
بس الغريبه ان امووور الخاص وايد تسهلت بالنسبه لي
ما اعرف هل هذا معناته ان الله سهل لي الخاص
دآمج استخرتـــي وأموورج اتيسرت في الخــآص .. خلآص اتوكلـــي ..
ترآ في كل مكآن شي الزين وشي الشـــين
والله يســخر لج دآآكآترة زيــنين .. ويسهل عليج ولآدتج ..
الخاص ما شي فايدة يعني لو صار شي الخاص بروح يحول ع الحكومي يقولون ما عندهم امكانيات