صراحة كل ما ادش قسم الحياة الاجتماعية اشوف مشاكل الشغالات
فقلت اقترح عليكم هالاقتراح وبتريا أراءكم
ليش ما تشغلون الشغالة بكذا بيت ؟؟؟؟؟؟
كذا عائلة عندنا مسوين نفس الشي
يعني مستغلين الشغالة احسن استغلال
شو وظيفة الشغالة غير التنظيف والكوي وغسيل الثياب
لو تسوون لهم جدول زمني مرتب بيخف عددهم في البلاد
بينشغلون وما بيكون عندهم مجال يفكرون في سخافاتهم
حبيت أضيف ان لازم اهل البيت يمدون ايدهم شوي في شغل البيت يعني هب كله الشغالة وبس
اعرف بيوت صح الحريم ما يشتغلن بس ما شاء الله بناتهم كله قايمين بشغل البيت والله ان بيوتهم انظف وأرتب من بيوت وايده فيها شغالات
يعني علموا عيالكم بعد يساعدون في شغل البيت وبهالطريقة بيقل الاعتماد ع الشغالات
والأولاد بيتعلمون تحمل المسؤولية شوي شوي
اتريا أراااااااااااااااااااءكم
كيف يوم تصير بكذا بيت شو راح بتعمل
ربنا يكفينا شرهم
المشاركة الأصلية كتبت بواسطة أم رواضـي 
انا مع الاخت ترا الانسان طاقه مب حديد يتحمل والسمووووحه
المشاركة الأصلية كتبت بواسطة MISS ESCADA وانا معاكم،،،
لا يكلف الله نفسا الا وسعها
عاد نحن ني وانطلع عين الشغالات كأنهم مكاين،،،
انا ساعات يوم ارجع من الدوام مهدود حيلي وباقي اليوم ماعندي شي واشوف الشغاله من الصبح كراف اقول الله يعينهم ويساعدهم،،،
يعني هالفكره يمكن تنطبق على العوايل الصغيره بس،،
ودمتن بود
والسموحه
المشاركة الأصلية كتبت بواسطة أم رواضـي