الخدامه وزيادة الراتب 2024.

مرحبه خواتي…بغيت أتخبركن متى تستحق الخدامة زيادة في الراتب؟

وهل من حقها عند كل تجديد لها طلب زيادة راتبها؟؟؟

انا عندي خدامة اثيوبيه كملت سنتين وراتبها في العقد 600 بس أنا زيدتها خلال هالسنتين 200 وصار معاشها 800

والحين سافرت بلادها ورجعت والمفروض اجدد لها هذا الشهر…بس حضرتها طلبت زيادة الراتب مع اني متفقه وياها قبل ماتسافر ان مافي اي زياده ووافقت….بس الحينه تطالب بالزياده!!!!!

علما بأنه عندي خدامة اثيوبيه ثانيه كملت 6 سنوات ماشاء الله ووصل معاشها 850 وكل ما ازيد وحده فيهن تنطر الثانيه وتطالب بالزياده…مع ان الشغل هو نفسه مازاد ولاتغير عليهن.

الحينه اللي عندها منكن شور تشور علي به بخصوص هالموضوع….ويزاكن الله خير.

والله الغاليه انا اللي اعرفه مع كل تجديد لها تزيدينها خمسين او ميه لان هالشي مب اجباري هذا من طيب خاطرج يعني هذا اللي انا اعرفه وانا عندي خدامتي الحين بجدد لها بس ماخبرتها اني بعطيها زياده ولاهي رمست في الموضوع وبعدين عطيهم نفس الراتب وخبريهم ان اكثر عن جي انج ماترومين بس

اختي هي يمكن مستغيره من خويتها عشااان شيه هي تريد زيااده

بس اذا هي زينه لا تفرطين فيها " خليك مع مينونك لايجيك الي اين منه"..

انا عن نفسي عندي خادمه اندونيسيه مسافره اجازه وطلبت 800 وقلتها اوكي لانها ولله الحمد زينه..

يزاج الله خير اختي على ردج

صحيح من طيب خاطري…بس مب اجباري وهذه البشكاره زنانه بشكل وبعدين البشكاره الثانيه مكمله مدة اطول عنها وخاطرها طيب.

مالها حق تغار من الثانيه…لأن الثانيه مكمله فترة اطول ومب زنانة مثلها وشغلها غير عنها.

وهي مب ضابطه الشغل عدل….وكم خربت ثيابنا وانا اتغاضى عن هالشئ

يزاج الله خير على رأيج اختي

الاثيوبيات جذا بتاكل جبدج الغالية لا تزيدينها قوليلها تبين 800 بدون ما ازيدج درهم ولا بييب غيرج واذا ما طاعت ييبي غيرها الحين 800 وكم بتزيدينها وكم بيوصل راتبها والله لوعت جبد يوم الخدامة جذا

الله المستعان

الغاليه انا متفقه وياها قبل لاتسافر ان ماشي زياده جان تبا ولا بنكنسل لها…بس هي وافقت على شروطي والحين تقولي سيري اسألي المكاتب كم معاش الاثيوبيه!!!

قمت انا اتصلت في المكتب اللي يايبينها منه وقالي الاثيوبيات اليداد معاشهن 600 فقط

ولو كنسلتي لها ورجعت الامارات بترد على معاشها الاولي 600 درهم