انا وايد متروعه من الولاده خاصه انه بكررر ولاعرف شي
قولييلي عن تجاربكن في الولاده شو كلتن قبل الولاده منو شليتي عندج يوم تربين
كل وحده تقولي تجربتا
لاتقولين انا خاايفه ترى مب زين حقج!!
خلج عاادي وتووكلي على الله
حتى انا بجر بس احااول اني ما افكر في موضوع الولاده
ومووكله امري لرب العالمين
دااايما ادعي الله في اوقات الاستجاابه انه يهون عليج الطلق والولاده
ويرزقج ولاده طبيعيه 
اما عن الاشياء اللي تشربينها
انا اقرا عن حريم يشربون زعتر
وحد يشرب ماي ورد وزعفران<< ويقولون انه واايد يحمي ويسرع الطلق
واللي يشربون حليب ويا عسل
وطبعا لا ننسى التمر
وييبي ماي ولو عندج زمزم بعد زين
واقري فيه سورة مريم والزلزله وادعيه تسهيل الولاده
واشربي منه وقت الالم
وبخصووص منو بيسير وياج المستشفى
يكفي امج وريلج
مافي دااعي للحشره
ورسولنا عليه الصلاة والسلام قال بما معناه
اننا نقضي امورنا بالكتمان
ويااارب يسهل علينا ^^
التساهيل بيد رب العالمين .. كلنا ما كنا ندري شو يستوي وقتها بس انتي ادعي ربج انه يسهل عليج
.. ويوم بييج الويع ,, حطي ايدج على بطنج و قولي ( أعوذ بعزة الله و قدرتة من شر ما أجد و أحاذر) 7 مرات والله يسهل عليج يارب و يقومج بالسلامه ..
.. وعن نفسي .. الحمدلله رب العالمين ما شربت شي بس كنت اكل سح و كنت ادعي وقت الويع ..
هو لازم بتتعبين و بتتويعين بس الصراحه ما كنت اعرف اني بربي حزتها عبالي بعدني .. والله اني نست الويع كله من سمعت صياح البيبي ..
ربي يسهل عليييييج ولادتج و يقومج بالسلامه وتشوفين ضناج بين احضانج يارب..
https://forum.uaewomen.net/showthread.php?t=728978