شخباركم امهات وبنات …..
امس شفت موقف ورفع ضغطي وحبيت اكتب عنه …
كنت رايحه الالعاب موديه عيالي ولا اشوف 3 اطفال البنت عمرها 6 سنين تقريبا والبنت الثانيه 4 سنين والولد 3 سنين … ومن معاهم الخدامه والدريول ؟؟؟
طبعا بدون الام والاب … يو حق اللعبه يلعبون وقفوا في الطابور البنت العوده مارضت الخدامه تركب معاهم وتمت ماسكه ايد الدريول وتقوله انت اركب معانا ….
وطبعا هو الي ركب والخدامه بعدين اختفت وتموا اليهال مع الدريول والعجيب انه البنت ملخذه راحتها وايد مع الدريول اتزخ ايده وتتغشمر معاه وايد …. والاخ مستانس وبعد كاشخ لابس قميص ومدخله داخل البنطلون ومحطي حزام تقولين مدير مب دريول ومحطي زيت ماادري جل المهم صلعته تلق …
بس رساله الى الام المهمله العميه … انت ماتقرين جرايد وماتشوفين تلفزيون …
خدامه مع اليهال ومشيناها مع اني افضل انه الام تكون مع الخدامه .. دريول معاهم والله عيب عليج وعلى هالاب الي ماعنده غيره وخوف على عياله من ناس غرب مانعرف ماضيهم وبلاويهم ؟؟؟؟؟
بنات شرايكم مب شي يقهر .. اليهال امانه عندنا ولا عند الخدامات والدريوليه ؟؟؟
والله راح يحاسبنا على كل شي نسويه لهم
المشاركة الأصلية كتبت بواسطة بنوتة العين 
امين يارب
المشاركة الأصلية كتبت بواسطة أم عمهي امين
المشاركة الأصلية كتبت بواسطة um_abduallah المشكله انهم ينشون من رقادهم عقب فوات الاوان .. ومنو الضحيه الام ولا الاب
طبعا لا البنت هي الي بتدفع الثمن طول عمرها لين ماتموت