خواتي بسألكم عن الدكتور الفاطمي في مستشفى برجيل في بوظبي
رحت اسوي استشاره عنده وماشاء الله العياده كانت زحمة الله يرزق الجميع الذريه السليمه المعافاه
المهم الدكتور طلب مني اسوي فحص كروموسومات اسم الفحص karyotype لي انا وريلي عشان يعرف سبب الاجهاضات
وهالفحص مايغطى بثقه وياخذ 3 اسابيع لين تطلع النتيجه لان يطرشون الدم لأمريكا للفحص ومايسونه اي مكان قالولي اسويه في خليفه
وهالفحص بس بيخبرنا اذا بنحتاج فحص جينات الاجنه قبل الترجيع في حاله اطفال الانابيب
مادري خواتي اتمنى احصل رايكم فالدكتور او تجربتكم فالعلاج معاه
الله يرحمنا برحمته ويلطف علينا بلطفه
اللهم ييسر امورنا وارزقنا الذريه الطيبه الصالحه قرة عين
هيه الدكتور الفاطمي طلب من ريلي هالفحص
وع اساس بمستشفى خليفه
اليوم سار ريلي عشان يسوؤ الغحص بمستشفى خليفه
بس مستشفى خليفه حولوه لمستشفى توام قالوله هناك يسوون الفحص
وباجر بيروح
وحده اعرفها ماشاء الله تابعت عنده وحملت وتمدح فيه
طبعا كله بارادة رب العالمين وهالدكتور سبب
بالنسبه للتحليل اتصلت بخليفه امبارحه الصبح وقالولي لازم نشوف دكتور طب اسره الاول يكتبلنا طلب التحليل وخذيت موعد عقب ساعه ورحت عالسريع الصبح في عياده الروضه التابعه لمستشفى خليفه شفنا الدكتور وحولني على دكتوره نسائيه وحول ريلي على دكتور مسالك بوليه
انا على طول دخلت على الدكتوره النسائيه فالمركز وخبرتها السالفه وطلعت متعوده على طلب التحليل خصوصا من برجيل المهم كتبتلي التحليل ومغطى على ثقه لأنه من مستشفى حكومي وسحبو الدم وقالولي بياخذ عشرة ايام لان بيطرشونه برا
وبالنسبه لريلي مواعيد المسالك مافي الا في مستشفى خليفه الرئيسي ومواعيدهم يمكن تطول لين شهر 6 او 7 وقالتلي قسم المواعيد روحيلهم بنفسج خبريهم انج تبين الموعد خلال هاليومين بشوف اليوم بجرب
في حال الموعد ريلي طول مافي حل غير ان يسويه في الخاص
سألت فالخاص قالولي على طول نروح المختبر ويخلصونا بس بخبركم الاسعار: الميديكال سنتر 1330 بس لازم ناخذ من عندهم فورم الدكتور فاطمي يعبيه قبل التحليل او مستشفى النور 1970 في برجيل قالولي فوق 2500 في مستشفى ستي هوسبيتال في دبي تقريبا 2700
وكلهم يطرشون التحليل برا وياخذ 3 اسابيع
حبيت اخبركم التفاصيل لأن يمكن وحد سبحان الله يستفيد منها
اللهم يسر امرنا وفرج كربنا قادر برحمتك ان ترزقنا الذريه الطيبه الصالحه قرة عين