طبعا زي عادتي
كوب و نص حليب – معلقتين كبار زبده – 4 ونص كوب دقيق – 2 بيضه – معلقتين كبار زبادي – فانيليا – ملح -نص كوب سكر – فانيليا – معلقه بيكنج بودر كبيره- معلقتين خميره بيره فوريه مضمونه
الطريقه
السوائل مع بعض ويتضربوا كويس والمواد الجافه فوقهم والزبده طبعا قطع صغيره ويكون الخليط كله دافي يعني مش اللبن يكون دافي عشان الخميره تشتغل ويتركوا ساعتين مثلا
وبعدين تفردوا العجينه علي دقيق وهي بتكون بتلزق مش مهم وبسمك 1 سم و علي شكل الدونات المعروف
وتترك علي الدقيق اللي مفروش تحتها عشان متلزقش لمده ساعه كمان ويتحمر بدرجه سخونه متوسطه وبسرعه يدوبك يكون دهبي
اهم حاجه باه اللي بيتحط فوقه وده طبعا حاجات كتيره بس انا حاقول الكلاسك
كوب سكر بودره م عاه فانيليا ورشه قرفه و ربع كوب حليب و معلقه زبده ويتضربوا كويس مش يكون ميه يكون تقيل شويه عشان يعمل طبقه علي الدونات وتغطسي كل دوناتايه فيه بعد تحميرها وتتركيها علي جنب من غير طبعا ما تحطي صوابعك علي وشها
بعد شويه حتلاقيه عمل طبقه شفافه بتلمع من السكر
وبيكون هش و طري ورائع
انا عامله ده النهارده والولاد بيموتوا فيه وده تقليد مطعم مشهور هنا اسمه كريسبي كريم
منقووووووووووووول