السلام عليكم خواتي
عندي استفساااااااااااااار للبنات اللي سافرن باريس وجربن السكن في الضواحي يعني بين العاصمة وبين ديزني لاند ، احيد في بنية حطت موضوع عن سفرتها لمثل هالمكان بــــس يالسة ادوره الحين وما لقيته …
بليييييييييييييز بنات بغيت مساعدتكن لاني سايره المانيا بـــس بغيت امر باريس قبل وادور على سكن يكون بين باريس وديزني لاند ويكون ضمن خطوط الميترو وسعره معقول.
يزاكن الله خيــــــــــــر 
يسعدلي يومج خيتوو
بصراحه ما انصح بالسكن الا فـ الشانزليزيه
والادفانس او ديزني لاند
فرنسا ما فيها امان ويا كثر السرقات
><
وين الادفانس ! يعني جريبه من ديزني لاند وباريس ؟ ممكن اسمها بالانجليزي عشان اشوف فنادقها في موقع بوكينج ؟
مشكووووووورة والله يوفقج في امتحاناتج
مشكووووووورة والله يوفقج في امتحاناتج
لاديفانس فوسط باريس يعني تقريبا ساعه الا ربع مشي من الشانز
اما عن الضواحي ما اعرف اختيه
الله ياخذ فرنسا مشكلتها السكن الوصخ و الضيق حتى لو دفعتي آلاف … اعع
يلسي في فنادق ديزني احسنلج و سيري السوق في باريس بالقطار و اليهال في الحديقه و فكي عمرج من السكن في باريس لأنج ماراح تلقين سكن نظيف و سعره معقول …
في خاطري اسير فرنسا لكن الاهل مايبون ولادوله اوربيه من عقب ماسمعوا على المرض
الله ياخذه كل سنه طلعو شي علهم الدحق
الله ياخذه كل سنه طلعو شي علهم الدحق
يزاكن الله خير خواتي واتمنى احصل ردود وآراء اكثر