بنات شو اخباركم عساكم ابخير بغيت اخبركم اني حامل في الشهر الثاني وبسافر باجر ماليزيا بس واللله انا خايفه على النونو الوسواس ذابحني في وحده سافرت وهي في الاشهر الاولى من الحمل وبغيت اعرف عن تجربتكم هل في خطوره ولا لا ارجوكم بنات ردوا عليه باسرع وقت
حبيبتي روحي دكتورتج واساليها وشوفي اذا وضعج تمام سافري واتكلي على الله
مرحباا اختيه
كل وحده ع حسب جسمها حبيبتي
سيري عند دكتورج واتخبريهاا
اانا عن نفسي سافرت وانا بشهر الثالث والحمدالله البيبي اوكيه وانا احين بالخامس
ف نصيحه لاتمين تسألين فلان وعلان مثل ماقتلج كل وحده وجسمهااا سيري عند دكتورج وتخبريها قوليلها بسافر اسأليها مافي اي خطر ع الجنين
والسموحه ع القصور
انا في حملي الأول سافرت وكنت شهر ونص وكان عادي
اذا ماعندج اي مشاكل عادي
نحن اهلنا والحريم الكبار ما يخلونا نسافر خاصه فالشهور الاولى
وبعد ع حسب المكان اللي بتسافرين فيه وكم يبعد وجي
بس انتي سألي الدكتوره واتأكدي احسن
انا الشهر اللي طاف سافرت بس البحرين يعني قريب
المني بطني بس الحمدلله ماستوى شي
انتي اهم شي ان ترفعين ريولج وكل ساعه تمشين
وارفعي عمرج عن الهبوط عسب ماترضخين بالقو
وتسيرين وتردين بالسلامه
اسئلي دكتورتج حبووبه 
وتوكلي على الله
وتوكلي على الله