ممكن اعرف رايكم ؟وخبرتكم عن الاماكن الي في ماليزيا
لنه اخويه يبا ماليزيا لشهر العسل وقالي رتبيلي الرحله …… عشاااان جذيه ابا رايكم
المده تقريبا 10 تيااام …….. ابا مثلا اسامي منتجعاات وجزر والاكتفتيز الي فيهن
عني انا سرت شهر العسل مالديف وماليزيا سرت سن وي لقوون 3 تييام وجنتنق 3 تياام وكولالبور 2
وصرااحه مليييييييييييت ملل في جنتنق لنه بس الالعاب فيها وازعاااااج والواحد يسيرلها يوم ويرجع مش من بعدها
وسن وي لقوون سكنا في الفلل ومت من التلدييغ
المهم انا بعرض عليكم الاماكن الي اخترتها حقهم واسم الفنادق وابا رايكم
انا بعد سرت تقريبا 13 ايام
اول ما وصلنا كوالالمبور تمينا بس ليلة في ماريوت
واليوم الثاني سرنا لنكاوي حلوة لنكاوي وبتنا ففندق شي لاغوون
الصراحة حلوو اذا هو اللي تقصدينه بس ما بت فالفندق لا فالحجر العادية بس اللي بعيدة عن اللوبي
تمينا 3 ايام في لنكاوي
سرنا تلفريك،، الاكواريوم،،سرنا رحلة بحرية لجزيرة اظن اسمها جزيرة الحوامل
وييييين بعد ما اذكر الصراحة
عقب سرنا كوالالمبور وبالسايرة كم ساعة ونوصل جنتنغ سكنا في فندق فيرست وورلد
تمينا بس يومين مع انه كان خاطري اتم اكثر وركبنا بعد تلفريك وضعنا بعد لووول
عاد انا تخبلت ع جنتنغ عيبتني مع اني ما احب الشوبينغ ولا الالعاب
بس وااايج عيبتني ما تحوطنا غير فالحديقة والمركز اللي فيه الفندق
عقب سرنا بيننج
تمينا 3 ايام،، سكنا في فندق غولدن ساند جنه جييه هع
تحوطنا سرنا حديقة الفراشات،، حديقة الفواكة الاستوائية شي الصراحة
جزيرة القروود 
ممم وسرنا مكان ما احيد شو بس جييه مرتفع وبرااد
عقب ردينا كوالالمبور وسكنا في ماريوت
يمكن تمينا يوم ونص او يومين
سرنا التوين تورز وتمينا نتمشى فشارع العرب
وبثثثثث واي سؤال حاظرييييين
انا بقوولج شو الأماكن الي اباهم يسيرونها 1_عيبتني جزيرة بانكور لاوت واسم الفندق بانكور لاوت ريسورت
نوع الغرفه الي عيبتني البنقلو الي هيه فيلا فوق البحر سعرها برنقت 1550 وفي الموسم 1660 رنجت___ يكفيهم 3 تياام يعني المحطه الاولى في السفره
2_لنكاوي والفندق محتاره بين 2 الاول لنكاوي بلانجر بيتش ريسورت الديلوكس علي البحر 750 رنجت أو
والفندق الثاني كاسا دلمار casa demar ديلوكس علي البحر 610 رينجت
بس ابا اعرف شو اكتفتيز الواحد يقدر يسويها في هذي الجزيره
3_منتجع افاموزات الي اعرفه فيها سفاري اسمه افاموسى
4_وكوالالمبور فندق مندرين اورينتال ديلوكس على الحديقه 850 رينجت
الاكتفيتز وايد وهي مجمع حدائق بردانه وهيه حديقة الطيور الفراشات والورد
وعدالهن في البحيره eye on M العجله الدواريه
وبعد عدال الفندق عالم البحار klcc aquaria داخل مركز المعارض
و times square theme park في الطابق الخامس من المركز التجاري تايم سكوير تفتح في الايام العاديه من 12 الظهر لين 10 المساء
5_وجنتنق يسيرون ويردون في نفس اليوم
6_ سيلانقور selangor والفندق سيلانجور فيلا 1500 رينجت وطبعن فيها السوق والحديقه المائيه
شو رايج شو اخلي وشوه الغي المده تقريبا 10 تياام
سيلانجور –> صن واي لاجون ( نحن سكنا في الفندق يومين و الفيله يوم واحد بس)
بينانغ –> شنغريلا (سكنا يومين)
لنكـاوي –> ويستن (خذنا فله .. روووووووووووووووعه أحلى فندق مر عليه وو تمينا فيها 5 أيام لأنها رومانسيه و فيها وايد أماكن حلوه وو طبيعية)
لنكاوي –> بعد فندق ويستن ( خذنا أبارتمينت .. روعه و قريب من شارع العرب وو حذاله مركز تسوق يديد و يجنن و قريب من مركز سوري بس بالتاكسي 5 دقايق أو أقل )
جنتنغ –> ما سكنــا فيها .. بس الصبح سرنا و ردينا قبل المغرب .. (لعب + لعب + لعب )
طبعا في كل منطقة سرنا وايد أماكن سياحية و كان الدريول اللي يستقبلنا هو اللي امرتب لناا بروجرام حلوو .. و نحن نختار اللي نبااه ..
و السموحه
بينغ
وكوالالمبور
مشكووووووراااااااااااااااااات ماقصرتن 