مقاديرها سهله جدا
2 كوب طحين( ممكن تزيدي اذا احتاجت العجينة نص كوب )
1 كوب سمن
12 ( نص ) كوب سكر بودرة
شوية فانيليا للنكهة
والتزين
انصاف فستق او لولو السكر او حسب ما تحبي وممكن تستغني عنه
الطريقة
تخفقي السمن جيدا مع السكر لين ما تبيض وتصبح مثل الكريمة
تضيفي الطحين والفانيليا ( بعد نخله )
شوي شوي لحد ما تتشكل عجينة لينة نوعا ما
حطيها في كيس وخليها بالثلاجة ترتاح مده نص ساعة
شكليها كرات او حدوة حصان او حسب ما تحبي واغرسي فيها انصاف الفستق
اخبزيها في فرن متوسط الحرارة مع مراعاة ان تخرجيها من الفرن ولم يتغير لونها
كيف تعرفي انها استوت؟؟؟
حاولي تشلي حبة اذا حسيتها بتتفتت اعرفي انها لسه ما استوت
واذا حسيتي انها متماسكة نوعا ما تبقى استوت
طلعيها من الفرن وخليها تبرد تماما عشان لو شليتيها وهي حارة شكلها بيخترب وما بيكون حلو
صفيها في اوراق البليسيه وقديمها ( هنا وعافية )
هذي طريقتي المعتمده ان شالله تعجبك
