اخواتي العزيزات ممكن تحطولي طريقة السنافر سواء بالبسكوت او بالكيك
والله يوفقكن
طريقتي:
علبه او علبه و نص بسكويت اولكر
قشطه
كريم كراميل
دريم ويب
علبه فواكة (اختياري)
تغمسين البسكويت في عصير الفواكه او حليب (( على حسب ماتبين)) وترصينه في قاع البايركس
حطي الفواكه المشكله
وبعدين في الخلاط حطي 1 دريم ويب +1 كريم كراميل + 1 قشطه
و صبيه فوق البسكوت
و إذا تبين اتزيدين طبقات كرري العمليه ^_^
و للتزيين حطي مكسرات مثل لوز او جوز او إلي تينه
و بالسكر المحروق مال الكريم كراميل زيني الطبق
و بس
و صحتين
هاي طرقتي بصراحة انا أسويها بعدت طرق بس أنا بخبرج وانتي أختاري
المهم هاي المقادير 2قشطة<الأففضل أتكون باردة > و2دريم ويب
شوي فانيليا سايلة وشوي فانيليا بودرة ع حسب رغبتج
حطي معاها شو كليب بوقوس والسكر ع حسب الرغبة
يعني أذوقي ها وشوفي
تخلطينه كله بالخلاط وكل ماخليتيه بالخلاط أكثر كل مازادت الكريمه وصارت أحلى
المهم هاي الطريقة
طبعا البسكوت بسكوت أوكر
تغمسين البسكوت ف احليب بوقوس من اليانبين يعني تجلبينه
وصفيه داخل الصينيه طبقة بسكوت طبقة كريمه لين اتخلصين
وزينيها باللي تبيه ممكن فيمتو وممكن فواكة مشكلة وممكن شوكلاه
وهاي السنافر العادية
وبالعافية عليج
الكريمة العادية إللي كتبتها لج ومرة ثانية طبقة بسكوت والطبقة إللي عقبها التوفي
وتكولين بسكوت <كريما <بسكوت توفي
وهاي طريقت التوفي
2قشطة و2سكر وشوي حليب وممكن شوي زبدة
طبعا اتحمرين السكر أول مع الزبدة شوي
لين يتحمر وحطي القشطة فوقة وشوي حليب
وبالعافية
إنشاء الله تقدرين أضبطيها
وع فكرة كلهم ياخذون طريقة
<<لازم كل عيد أسويها لأهليه
وبالعافية
مشكورات الغاليات والله يوفقكن