يا بنات انا اتدرب في مكان كل الناس يتمنون يشتغلون فيه و المعاشات هاي هاي الهنود ياخذون 7 و 6 و 10 الاف
وين المواطنين ؟؟؟
20 30 40 60 70 80 وين الله يعطينا مثلهم ان شا الله
المهم انا موضوعي مع الي اتدرب عندهم في المكتب كرهت نفسي منهم
في واحد يشتغل و يكتب معاملات لكل الناس خاصة الموظفين يا بنات و لا جنه ما يشتغل احس انه عل فاضي
انا ما ابه اتكلم بسوء بس اعصاب الناس الي يتعاملان معاه يعني الكوستمر تخيلو يخلي الهنود و البتان يتريون الين ما يخلص معاملة اماراتي و مع انه هم قبله
حرام جذي شو الفايدة الناس يدعون عليه
اوكي مش هذي المشكلة
المشكلة الاساسية هي الاسلوب
اسلوبه مع المواطنيين رايق و حلو و ترحيبي
بس اسلوبه مع غيرهم بلا رفق و لا رحمة يقولهم بعد ساعة تعالو
او بعد ربع ساعة
و لا يخلص معاملاتهم
او
او الين ما يخلص كل المعاملات
تخيلو واحد يترياه ساعتين اخر شي قاله تعال باجر
واحد شيبه هندي قاله تعال باجر و لما ياه مواطن في نفس الوقت قاله فالك طيب
ليييش ليييش يا ناس اذا هذا مسلم هذاك مسلم بعد و انسان له احترامه
يا بنات شو رايكن في الموضووع .؟؟؟ردن علي
الناس سواسيه !!!!!!!! او على الاقل يسووون كاونتر غير المواطنين و كاونتر مواطنين شرات المطار
الله يهدي الجميع ياربي ^^
وأكيد لو يتي عنده وقلتيلي إنج لاحظتي عليه هالشي وسألتيه عن السبب
أكيد في خاطره شي على الوافدين عشان جذي يعاملهم بهاي الطريقه
بعدين فهميه ان الناس سواسيه وعلى الاقل ما ايأخرهم وايد
وهذا الشي زين انه ايبدي مصلحه عيال بلاده قبل غبرهم
لانه هاي بلادنا وإحنا لازم تتبدى مصلحتنا على الغير
انزين اختي ليش محد يكلمه ويفهمه ان ها الشي حرام خاصه اللي ياي قبل وينتظر بالساعات المفروض يجدمه ويخلصه بسرعه مب لانه هندي او باكستاني يعامله جيه ترا بعضهم مسلمين وخاصه لكبير في السن مايقدر يستحمل ويسير ويي وبالعكس اذا عاملهم بما يرضي الله . الله بيوفقه وبيحصل أجر من وراهم ولازم يشتغل بضمير.
المشاركة الأصلية كتبت بواسطة ELMooz 
وأكيد لو يتي عنده وقلتيلي إنج لاحظتي عليه هالشي وسألتيه عن السبب
أكيد في خاطره شي على الوافدين عشان جذي يعاملهم بهاي الطريقه
بعدين فهميه ان الناس سواسيه وعلى الاقل ما ايأخرهم وايد
وهذا الشي زين انه ايبدي مصلحه عيال بلاده قبل غبرهم
لانه هاي بلادنا وإحنا لازم تتبدى مصلحتنا على الغير
اوكي كيف يخدم بلدنا بس انخلص معاملاتنا و معاملاتهم تهمنا بعد لانها مقترنه بمواطنين بعد و الي نسيتي الكفلاء هم مواطنيين