يسعد لي صباحكن / مساكن صبايا
اوكي ياامورات الموضوع ناقلته لأهميته
رآح اتكلــم لكم بالتفصــيل..
أول شيء: الكل يعرف أهمية الإهتمام بالمنطقة الحساسة ونظافتها, وبنفس الوقت فيه كثير مهـملين هالنقطة!
بعضهم بنآت و بعضهم متزوجات..
راح نتكـلم عن عدة مواضيع..
1/ كيفية العنـاية الشخصية للمنطقة من غسولات إلى نظافتها ..(فوط يومية, مناديل, طريقة للنظافه , ولشد البشرة)
حطي ببالك ان المنطقه مكتمه ماتتعرض للهواء .. لذلك تلاحظينها لونها غير عن باقي جسمك..
عشـآن كذا اتبعي التالي..
عشان تحصلين ع منطقة ناعمه ونظيفه ولونها حلـو..
1/ اهتـمي دايماً تمسحين المنطقة بالمنديل بعد إنتهائك.. و انصحك كمآن بعدها مسحي المنطقه بالمناديل حقت الـ Baby .. انا استخدم تشبز.. مرا تجنن وتعطي ريحة طفوليه نظيفه وماتسبب لك اي حساسيه او اي إلتهابات .. ولا فيها مواد عطره.. انا عني افضلها اكثركـ منتجات مناديل..من منتجاتنا _(برايفت , ستيافل, كير فري) او استخدمي اي نوع تفضلينه..
يعطي المنطقة رطوبه و انتعاش حلو وريحة مرا حلوة
2/ إهتمي بإستخدام الفوط الصحية اليوميـة.. وانا عني افضل _(برايفت)..
مرا ناعمه وحلوة كإستخدام يومي.. بكذا .. تحصلين ع منطقة نظيفه حتى الكيلوت مايتوسخ عليك ..وكل مرا تغيرينها..
بكذا تحافظين ع نظافة المكان وكمان مايكون فيه بكتيريا.. متجمعه او كل شوي تغيرين الكلوت..
3/ طبعاً ماننسى اهم نقطة وهي الغسولات..(للتـخلص من الريحه الكريهه بالمنطقه)
في نقااط مرا مهمه احب اذكركم فيها عند إستخدام هذي الغـسولاات..
1/ يتم تنظيفها من منطقه العانه الى الخلــف وذلك لمنع نقل البكتيريا وانتشــارها بالمنـطقه الحساسة >> دوم احرصوا ع تنظيف المنطقة من الأمام إلى الخلف..مررا مهمه يابنات هالمنطقة..
2/ حــطي ببالك إستخدام الغسول يكون فقـط مرا وحده باليوم .. وثلاث مرات بالاســبوع..
لان كثرتـها تضرك.. تقتل البكتيريا النافعه بالمنطقه..
لذلك كوني حريصه ع عدم الاكثار ..منها
وبين فترة وفتره استخدمي..
ملح خشن + المـّر مع موية دافيه وغسلي المنطقه
تحسين بإنتعااش فضييع..
او استخدمي واحد منهم..
بشكل عام الملح الخشن جداً ممتاز
3/ عدم استخدام الشامبو او الصابون العادي لانه يسبب جفاف + تسلخات و إلتهابــآت
4/ اذا جتك إلتهابات او روائح بشكل مستمر عالجي نفسك اول بأول ولاتهملين المنطقه ابداً..
دوم إحرصي ع إستخدام غسولات صحية وإبعدي كل البعد عن التجارية منها..
أنصحكم ببعض افـضل الغسولات..
1- لانا بالبابونج جداً حلو للمنطقه ويعطيها رائحه حلوه
2- كير فــري -care free
3- غســول الفيمين من أفوون..(يمدحونه مرا)
4-غسول سيتيال
5- غسول ليدي فرش
6- البيبي فوم من جونسون
7- سيباميد _(ماركة ألمانيه وناعمه ع المنطقه وحلوة و ريحتها تجنن ع المنطقه )
8-غسول ديو-سيبت ممتاز سعره اعتقد 60او70
لكن ممتاز واقتصادي وشعور بالنظافه غير طبيعي
9–غسول Leocrema جداً رائع و ريحته تهبلتلاقينه بصيدلية النهدي بـ 40 ريال..
هـديتي لكم لهالنقطة_(للعرايس بس)
1/ عند نكتارغسول اسمه(مجموعة العروسه) خاص رووعــه.. بالفانيلا و التوفي
2/ وعند لاسنزا روائح تسطل بعد فروانه و شوكولاا..
3/ عند نكتار بعد غسول بريحة التوت روووعه ومع الاستعمال المتكرر يبض المنطقه..
بس حبايب قلبي حاولوا ما تكثرون إستخدامها.. لانها عطريه ..بس اذا تبونها ليله خاصه وهيك شي
نصيحه للعروسه ع الطآير
إستخدمي ماركة فاجيسال الغسول والبودره والسبراي مره نظافه و انتعاش.ولاتنسين مسك العروسه من القرشي خيال لايووووصف بس..خـففيه بشوية مويه فديتك.
و ممكن تحطين دهن عوود شويه بس من فوق .. وبين فخوذك.. >> ع حرارة المنطقة
او حطي شوي من دهن العود او مسك العروس من القرشي ع الكلوت >> ما بأعلـق بأترك التعليق لكم
وبعد اباا اعطيكم نصائح تخلي ريحة إقرزات المنطقه
حلوة نظافه
1/ دوم اشربي زنجبيـل يخلي ريحة جسمك تجنن ويحافظ ع جمال بشرتك وجمال المنطقه
2/ انتبهي لنفسك وقت الدورة الشهرية جداً مهم.. لان عليها يكون اهتمام المنطقة عندك..
3/ سوي دوم نعناع مع موية ورد واشربيه >> عن تجربه يخلي ريحـة المنطقة تجنــنن
يعني بإختصار..
دوم خلي مع مشروباتك الساخنه موية مورد ملعقه صغيرة ونعناع
اترك لك التعليق بعد التجربه
4/ مثل ما ذكرت لكم المنطقه مكتمه يجب لذلك لبس ملابس داخليه قطنيه بيضاء وتغير الملابس الداخليه مرتين يومياً على الاقل.. او اذا اذا لقيتي فرصه اجلسي بدون الكيلوت..
منها تتهوى المنطقه .. وغير كذا مع الوقت تلاحظين المنطقه ماتكون غامقه او فيها إلتهابات..
لانها لقت متنفس..
5/ استخدمي الفوط الصحيه المناسبه لك وقت الدورة الشهريه.. اذا كانت بشرتك حساسه ابعدي عن ألويز لانها تسبب حساسيه .. انا افضل برايـفت جداً ناعمه وحلوه ..وخفيفه..
اهم نقطه نوعا ما.. وهي كيفية الحفاظ ع نعومــة وبيآآض المنطقه وشدهـآ
1/ اذا حرصتي ع الخطوآت السابقـة بشكل مستمر .. راح يبقى لك طريقه وحده وهي الحفاظ ع كل إلي سوتيه ..
وانا بأعــطيك عدة طـرق وتجآرب
وهو كالتالي:
1/ بإستمرار خذي قطنة و إسكينول بالليـمون ونظفي المنطقة من فوق و خط البيكيني..
بتنظف لك المنطقة و مع الوقت بتشوفين المنطقة فتحت
2/ هذي خلـطة ممتازه استخدميها يومياً تبيض المنطقة وتنعمها .. وتشدها
زيت لوز+ نص كوب ليمون _(طازج اعصريه) + موية ورد
حطيهم بقارورة وقبل ماتنامين مسحي المنطقه مع خط البكيني..
خلال اسبوع الى اسبوعين بتشوفين كيف البياض والنعومه خـيآل
3/ ينصـحون بكريم مبيض للمنـطقة الحساسة وهو Feed
4/ بشكل عام افضل زيوت ممكن تستخدمينها للمنطقة تبيض و تشدها هي زيت اللوز او زيت الورد او زيت جنين القمح.. حاولي تدهنين المنطقه بإستمرار لاتهمليها..
5/ فيه خلطة انا استخدمها .. سمعت انها مع الاستمرار تفتح المنطقه ولااتنسي خط البيكيني جداً مهم بنات وهي حبه كريم بيتنوفيت +كريم دوف الوردي..
كريم بيتنوفيت = هو لاثار الحروق او حبوب او إلتهابات..
بس الخلطه نوعا ما حلوه..
6/ الحمام المغربي .. عند عملك الحمام المغربي الخاص بكِ ضعي كميه منه على المنطقه الحساسه من الخارج فقط ثم اغسليه وابتعدي عن دعك المنطقه بالليفه
افضل حمام مغربي للجسم والمنطقه الحساسه ( ملعقتين حنا + 3 ملاعق صابون مغربي اسود + مويه دافئه ) ضعيه على جسمك وخاصه المنطقه الحساسه لمدة ربع ساعه ثم قومي بغسله..
هذي طريقه اذا بتستخدمين الحمام المغربي..
جيبي اول شي.._(موية ورد + مقشر بالمشمش او زيت زيتون مع ملح او سكر اي مقشر تفضلينه+ كريم دوف الوردي..)
بعد ما تنتهين من الحمام المغربي للمنطقــة.. بتكون المسام مفتوحه قشري المنطقه برفـق.. وبعدها مرري عليها موية ورد بقطـنه.. وبعدها حطي كريم دوف الوردي
شوف النعـومه والبياض
التقشير بالحمام المغربي يكون تقريباً مرا بالاسبوع..
7/ ملح اليوكو يـجنن .. مع الاستمرار عليه بتشوفين البياض و النعومه
الطريقه :
ملح يوكو+ عصرة ليمون مرا قليل عشان مايربي عليك الخلطه + شوي زيت لوز او اي زيت عندك.. وفركي المنطقه و لاتنسون يا بنات المـؤخره..
8/ طبعاً ما ننسى افضل مقشــر طبيعي إلي هو زيت زيتون مع ملح وسكر.. او بس ملح.. بس سكر..
بإختـصآر: حافظي ع المنطقة بالتقشير والكريم المرطـب..
افضل كريمات الترطيب: هي إلي تستخدميها ليدك استخدميها للمنطقه
منها جلوسليد مع ليمون و زيت لوز.. مع الاستمرار بتشوفي المنطقه خــــيال..
وكمآن .. حابه انصحــكم بطريقه حلوة…
فيه مقشرات طبيه ممكن تستخدمينها للمنطقه..
استخدمي:
1/ مقشر رتن اي+ افالـون + الكوم
مقشر رتن اي= صحيح مقشر قوي بس يشيل لك الجلد الميت كله والطبقه السوداء كلها
افالون= كله فيتامينات ومبيض
الكوم= منـعم للمنطقه
هذي الخلطه لازم تستمري عليها اقل شي شــهر الى شهرين وبعدها لاتزيـدين..
ملاحظه: في ناس ما يناسبهم رتن آي كل وحده وادرى ببشرتها ممكن تستبدله بالمقشر إلي يناسبها
وفيه إلي اخف منها: آكرتين او ديفرين..
وبــكذآ..
ياليـت اكون وفقـت في إختياري للموضوع ونال ع إستحسانـكم
والحين..
صبـــايا..
نبـي تجاربــكم ؟ و طرقكم بالعــنآية بالمنطقة؟ ونصايحكم
عني انا استخدم الاسكينول ,, وخلطه الجليسرين مع الليمون توني استخدمها
مشكورة على النصايح الذهب !
اما للريحه الحلو استخدم المسك مخلوط بماي الورد والماي العادي