الكل يدخل بليييييييييييييز عشان تعرفون السبب 2024.

مرحبا بنات , ادري ان في بنات يتريوني عسب يعرفون شو صار معاي , اللي ما تعرف تتدخل وتقرا الجزء الاول
https://forum.uaewomen.net/showthread.php?t=574892

و الحين بخبركن شو صار الاسبوع الماضي داومت الاثنين لان الاحد ما عندي كلاس , سرت عند الرجستريشن وقلت انا انسرقت وين اسير وابلغ قالولي اروح لمكتب معين هب متذكر الاسم

سرت المكتب وحصلت موظف وخبرته كل شي وتم يسالني اسئله شرات ويهه واخر شي قال:اختي اذا عنج فلا ش ضايع او اي شي ضايع راح تحصلين عندنا بس بالنسبه للسرقات ما عندنا قانون في الجامعه او بولسي يختص بامور السرقه ونحن هب مسوولين عنه , قلت : اوكي ما شي كاميرات, قال: بس في الممرات, قلت: اوكي و المجلس المكان الي انسرقت فيه؟ , قال هاي غرفه استراحت الطالبات ممنوع . قلت والابات والكلاسات قال: لا , قلت: توك تقول فلاشات ما فلاشات وحد علمي في بنات تنسرق فلاشاتهم وفيها صورهم , قال : اممم الصراحه الابات في بنات تضييع فلاشاتهم وما يحصلونه لان بالاخير هذا يرجع لضمير الشخص *, قلت وليش ما تحطون كاميرات مراقبه في الكلاسات او على الاقل الابات وبعلم الجميع , قال هاي لازم موافقه من ابوظبي ,وقالي شي بعد بس انا نسيت بس عطيتهم الايدي والاسم عسب يكون كاقتراح يسوونه , مع ان عندي احساس انهم ما بسوون شي و تميت اقول حسبي الله ونعم الوكيل , بس انا بعد السالفه اللي صارت قمت ما اخذ معاي غير 50 درهم لا وبعد قمت استعمل شنطه صغيره احط فيها كل شي و الله اني صدق قمت اتحذر بس والله كل ما اتذكر السالفه احس بغصه في داخلي, وحده ربيعتي قالتلي بلغي الشرطه و راح ياخذو البصمه من البوك لان محد لمس البوك غيري فشو رايكن في هالاقتراح؟ , بنات ادعولي ان الله ييسر اموري تراني صدق محتاجه لدعاويكن وسامحوني لاني تاخرت في الكتابه كان عندي امتحانات وتميت ادرس ….. والله يوفقكن خواتي

حاسبي المرة الياية لا تودين وياج هالسوالف

جزاك الله خيرا على التنبيه — فعلا الوحده يوم تروح مكان دراستها او عملها المفروض تشل مبلغ صغير لوجبه تاكلها مثلا او لبطاقه لو خلص رصيدها اما الي تشل مبالغ كبيره فأنا أشوف انه ماله داعي و ترى شيء محافظ صغيره لمبلغ بسيط من المال — ما عليه يا اختي — الواحد يتعظ و يعتبر و يفيد غيره بارك الله فيج

انشاء الله

جزاك الله خيرا على التنبيه ^^

لا تروحين لشرطه ولاغيره الغاليه والله بيرده حقج من

اللي سرقت فلوسج وشنطتج لا تحطينها في اي مكان خليها

وياج وين ماتروحين ..*