بنات كل ما بغيت أسوي كيك يخترب علي يعني ما تطلع مظبوطة مرة تطلع نية ومرة ما أعرف شو حتى أمي راغتني من المطبخ قالت ما نباج اتسوين كيك خخخخخخخخخ
المهم منو تعرف طريقة عمل الكيك واتكون سهلة ومظبوطة بليز بنات ساعدوني لانه باجر اربيعاتي بييون عندي البيت وابا اسويلهم كيك
بعطيييج وصفاااتي ..
المعيار المستخدم للكيك :" السر في نجاح حلوياتي "
https://www.uaewomen.net/showthread.php?t=88654
كيكة الكاكاو اللذيذة
https://www.uaewomen.net/showthread.php?t=82945
كيكة الكراميل :
https://www.uaewomen.net/showthread.php?t=80290
البسبوسة
https://www.uaewomen.net/showthread.php?t=57749
سويت سريع
https://www.uaewomen.net/showthread.php?t=78539
كيكة النسكافيه
https://www.uaewomen.net/showthread.php?t=53718
والبنات بعد ماقصرن …إدخلي قسم الحلويااات …
امممم في البداية بعطيج رابط كيكة انا منزلتنها .. والحمدلله دوم تضبط ويايه وسهله
https://www.uaewomen.net/showthread.php?t=85129
بس اعتقد المقادير عندج تكون صحيحه وفي شي تسوينه هو يخرب الكيكة..؟
وهاي بعض الامور اللي يمكن تسوينها وتخرب الكيكة
– ماتحطينها عالدرجة المناسبة…؟
– تفتحين الفرن قبل ثلث او نص ساعه من وضعج لها في الفرن..؟
– طريقة الخلط يمكن خطـــأ…؟
– اغلب طرق الكيك يباله تخلطين البيض والزيت او الزبدة اول وعقبها
اتحطين الحليب والطحين وانتي حاولي تخلطين اول شي البيض والسكر
لين يبدا يتاكثف وعقب زيدي الزيت وخليه شويه وعقب باقي المقادير..
– وبصراحه ومن عقب تجربة .. يفضل تخلطين بخلاطة الكيك او العجين ..
– صح نسيت اقول انه الطحين والبكنج بودر نخليهم ويا بعض قبل لا تستخدمينه
– وبما انه ربيعاتج بين عندج لا تجازفين وتسوين شي اول مره وانتي وتعرفين انها ماتضبط وياج..
– وكتجربة لضبط الكيكة .. جربي تسوين الكيك الجاهز ..
وعقبها سوي فوقه خلطة السنكرز او اي خلطه وبتبين
انه شي متعوب عليه .. وخليه سرج لول .. لين تضبطين الكيك
واتمنى اني قدرتج افيدج …
كوبين طحين رقم واحد
كوب زيت
كوب حليب
كوب سكر
4 بيضات ورشة فانيليا
2م ص باكنج بودر
(قياس الكوب واحد )وخبرينا عن النيجه نترياج
بس كيك وخبز و فطاير وهالسوالف كلها تفشل خصوصا إحباط رمضان والفوايل
يزاكن الله خير خواتي بنجرب الوصفات اللي من عندكن