كيف الحال؟
اللي تعرف كيف تستخدم القدر الكهربائي اللي يسوون فيه الخمير الإماراتي ياليت تخبرني الطرييييييييييييقه…
القدر هذا عباره عن قدرين يبندن على بعض (فوق بعض) واحد أعمق من الثاني واللي فوق فيه الأسلاك الحاره واللي تحت مجوف وبينهن صحن ستيل مخبق… هههههه… عاد اللي تفهم وصفي….
ومشكووووورات مقدما…
عرفته الغالية
شو طلبج تبين منه بتحصلين في محلات اللي يبيعون أدوات المطبخ
شو طلبج تبين منه بتحصلين في محلات اللي يبيعون أدوات المطبخ
وله اسم ثاني الجدر الفلسطيني تقريبا قيمته 100 درهم
عندج سؤال معين عنه ؟؟؟
اشتريته من عند الإيرانيه على 60درهم ..
بس بعد ما فهمت إللي تبينه ختيه ممكن توضحين ….؟
حبيبتي هذا القدر تحطين القرص فوقه يعني من فوق وعقب يوم يحمر تجلبينه وتدخلينه داخل الجدر وان شاء الله قدرت اعلمج .
نفس ما قلت الاخت شموع الحب اولا اترقين الخبز ثم اتحطينها من فوق يوم بتحمر من تحت ادهني الوجه بالبيض والسمسم وحطيها من داخل القدر بس لا تجلبينها خليها نفس ما حطيتها فوق .
وان شاء الله قدرت اوصلج المعلومة .
مثل ماقالن الخوات شموع الحب00 وشموع 03 طريقتهم صح يعني اتحطين القرص فوق سطح الجدر وهو مسكر ولما يحمر من تحت تاخذينة وتدهنين ويهة بالبيض والجبن وتحطينة في الجدر من داخل مب عالسلك 00الناحية الثانية دقيقتين واطلعينة وبالعافية عليييج
مشكووووورات خواااااااااااتي عالمسااااااااااااعده… وللي ما فهمن قصدي… أنا هالقدر عندي لكني ما أعرف أستخدمه … ههههه… وشكرا عالمساااااااااااعده … بجربه اليوم انشاءالله