اللي جربت التلقيح الصناعي تدخل؟؟؟ 2024.

السلام عليكم ورحمه الله وبركاته

اشحالكم

اربيعتي احليلها ماحملت من اربع سنين ونص معرسه واحليلها تبا اتسوي تلقيح صناعي

بس هي خايفه من ها العمليه؟

يا ترى هي تبا تعرف

1! شو الادويه اللي لازم تاخذها يوم اتسوي عمليه

2! هل فيها الم
3! شو نسبه نجاحه

4! وهي سمعت ان الاجهاض تزيد فرصته

ممكن اتفيدونها

للرفع

ما عندي علم الغاليه .. بس حبيت ارفع لج الموضوع ..

والله يرزقها ويرزقنا ياااارب بالذرية الصالحه ^^

مشكوره على مرورج

اختي انا سويت ومن يومين حاات وطلع سالب مافي بس انشالله بعيدها لان اكثر البنات يقولون عادي ثاني او ثالث مرة بتنجح بس هي للامانة ماتعور ابد يوم السحب يعطوج بنج وماتحسين بشي ويوم ترجيع الاجنة ابدا ماتعور بسرعة تخلصين بس اهم شي تنام على ظهرها وماتشل شي ثقيل وتستغفر وايد وتتصدق بنية الحمل وتتوكل على الله واهم شي ماتفكر بالموضوع وايد تسوي نفسه ماسوت شي لان النفسية تلعب دور كبييييييير انا تميت احاتي متى بعرف النتيجة بس ماشي تعبت من التفكير وهذا غلط وخليها تتوكل ماتعور وانشالله تبشرينا باخبار حلوة ويرزقج الذرية الصالحة وادعيلي وياج

هلا الغاليه
حمدلله مافيها الم ،، مثل الابره الرفيعه يدخلونها و ماطول يمكن دقيقه او اقل
الادويه تاخذ ابر منشطه عددهم 6 او 7 وبعدين تاخذ ابره تفجيريه وبعدها يسوون العمليه
نسبة نجاحها قليلة جدا والافضل اطفال الانابيب لان نسبة النجاح اكبر
في منهم ما يحملون الا بعد اكثر من محاوله ومنهم سبحان الله على طول
انا سويتها مرتين وربي ماكتب لي الحمل
وربي يوفقها ويكتب لها الحمل
في فرق بين التلقيح الصناعي والانابيب

التلقيح الصناعي لو زوجها عنده عدد الحيوانات المنوية 20 مليون احتمال كبير تنجح المحاولة من اول مره
والايطاليه ما قصرت بالمعلومات اما ناديه تقصد عملية انابيب