هلا فديتكن قلت محد بيساعدني غيركن
مفكرين انا وختيه نصبغ غرفتنـــــــــا من زمان
بس ما نعرف الطريقة الصحيحه للصبغ علشاااااااااااااان يكون كل شي نظيف ومرتب
ونبى الوان فرحه شوووو تقترحن علينا الغرفه طوووووويله وعرضها مناااسب
يعني يايه مطاوله
ونبى كذا لووووووووووون
..
امايه فديتها اتقووول خل عنكن اللعب هههههههههههههه اشدراكن انتن بالصبغ اونه
… فهمتكن علشان يطلع الشغل يسكت مب يفشل ههههههه وتعايرنا عقبها ههههه
….
الحين ابى اعرف بعد
من وين اشتري الصبغ من العين ابى اسم محل ومكانه ؟
وشوووو نوع الصبغ الزين؟
والطريقة فديتكن؟
الأرضيه سيراميك أبيض تقريبا مايل للبيج
الصبغه الحين هيه بيج ماسيه
ونباها نغيرها لازم قبل اظني نسويها بالصبغ الابيض العادي عقب نبدأ نصبغ مب صح؟
ل ووو ل
بانتظاركن
يعلني ما خلى منكن
سبحان الله
تحتاجين
دري
رول للصبغ
فرشاه عرضها عرض اصابعج الاربع
ورق شفاف رول بتحصلينه فمحل الاصباغ
وسطل للخلط
اولا في صبغ مائي اللي هو تخلطينه بشويه ماي
وفي الصبغ النص زيتي
وفي صبغ يديد من اصباغ جوتن تقدرين تنضفين الجدار وتغسلينه بعد ما يستويله شي
هالنوع غالي
ني للصبغ تخلطين الصبغ فالسطل
وتفرشين الورق الشفاف عالارض عشان ما توصخين الارض
وتبدأين صبغ اطراف الجدار من فوق بفرشاه
وبعدين تصبغين باجي الجدار بالرول وهكذا
نسيت اقولج لا تنسين تلزقين اطراف الباب والكهربا باللزق الابيض مال البراقع
وبالتوفيق
انا كنت حاطه لأخت افكار للصبغ بدورلج الصور وراجعه
اترييني
https://www.uaewomen.net/showthread.php?t=270909
حلووو انكم تصبغون بروحكم اهم شي تنبهون ان ما شي بيبيات عندكم اقل عن سنة اعمارهم لان الصبغ ممكن يأثر فيهم بطريقة مب اوكي يعني ممكن يصابون بمرض التوحد حتى لو بشكل خفيف وهاي الحالة شفتها قدام عيوني للاسف ,,, وفي نفس الوقت الناس اللي عندهم تحسس في صدورهم او ازمات الربو لازم يطلعون من البيت وقت الصبغ وعقب الصبغ لين ما تخوز الريحة يعني يوم صبغت غرفتنا في بيت الوالدة الله يحفظها بنات اختي الصغار لان عندهم حساسية في الصدر مرضن ذيك الايام ونحن ما كنا منتبهين انه يأثر بهاي الطريقة بس اعمارهم كانت فوق السنتين ..
شوفي نحن حجرتي انا وعيالي في بيت امي كانت مربعة بس سويت لها لونين ليش عسب الوردي حق بناتي والتركواز حق ولدي يعني كان التركواز طالع مكشخ الدينا ما شاء الله خصوصا انا سوينا حركة بالباب ,, اللي كان لونه اصلا ابيض بس لونها من برا لون البني العادي حق البيبان الغامج ( عودي يعني ) ومن داخل الايطار بس كان بني اما الباب نفسه فكان نفس لون اليدار تركزاز صراحة طلع فلتة بس للاسف ما صورته
عموما ها صورة الغرفة شوفي التناغم اللي فيها وبالعكس عقب ما صبغناها بينت انها واسعة وطلعت صدق حجرة اطفال وناوية بعد اخذ من الاشكال اللي تتلزق على اليدار مال اليهال بس ما كان في فرصة خلصان صبغ وردينا بيتنا 
اللون الوردي فاتح بس طالع مظلم مع التصوير بس ,,
فشوفي طريقتي انا :
اولا الصبغ كان مائي ابيض وبنت اختي ما شاء الله كانت مبدعة ومسوية معرض رسوماتها عندنا عسب جي قلت بصبغ الغرفة اولا نخبي اثار الجرايم اللي سووها فيها وثانيا علشا يكون منظرها احسن ويفتح النفس شوي
المهم سرنا محل يبيع اصباغ اي محل برايه بس لو تقدرين تسيريين ناشونالز او جوتن احسن يكون في خيارات لان كنت ادور على لون وردي ثاني بس ما لقيت في المحل العادي بس مو مشكلة عديناها
المهم اشتريت التركواز + الوردي + التونيك + الفراشي
رديت البيت وخلطت شوي من التونيك ويا الصبغ اللي اباه وصبغت عادي,, والسموحة عاد انا اهتماماتي في يالصبغ كلها زيتية مااحب المائي لان ما يتنظف بسهولة ,,
والسموحة ان شاء الله البنات يفيدونج اكثر عني والله يوفقج وييسر لج الخير ان شاء الله دنيا واخره
@ اختكم في الله @
ام ناصر