بصراحه ماعرفت وين احط الموضوع 
الغاليات انا اشتغل من 12 سنه وما وفرت ولا شي لان راتبي ضعيف جدا والحمدلله
بستلم في شهر 8 جمعيه ب 10,000 درهم وما بغي العب فيها …
عندي حسابين :
دبي الاسلامي : جاري
مصرف بوظبي الاسلامي : توفير
وماعرف سوالف التوفير اللي عندهم كيف .. كل اللي اعرفه حاليا ان شي نفس طريقة الجمعيه .. يسحبون من الراتب المبلغ اللي انا احدده .. مثلا 500 كل شهر يوفرونها لي .. وجيه
بس هل شي طريقه ثانيه بعد ؟ ياريت تساعدوني بنات
بس لاتقولون لي اسهم .. ما ابا أسهم
والسموحه بنات
او اتسوين ستانتدنج اوردر يعني طلب بحيث ان البنك اللي في حساب التوفير يستقطع مبلغ شهري بالقيمة اللي تطلبينها ،،،،
المشاركة الأصلية كتبت بواسطة *أم شهد* 
او اتسوين ستانتدنج اوردر يعني طلب بحيث ان البنك اللي في حساب التوفير يستقطع مبلغ شهري بالقيمة اللي تطلبينها ،،،،
بس الغالية على حسب النسبة اللي عندهم
مثلا لو تبغي الوديعة ثلاثة شهور تطلع النسبة بسيطة جدا
لأن الوديعة كل شهر وثلاث شهور وستة شهور وسنة فكل ما كانت المدة طويلة كل ما كانت النسبة اكبر لأن في من البنوك نسبة وديعة السنة بس 5 % مهما كان المبلغ
و انا اشتغل في بنك بس و لا في عمري افكر افتح وديعه ويا البنك، حطيتلي البيزات اللي يمعتهم في الصكوك الوطنية ، نسبة ارباحهم السنة اللي طافت كانت 7 % و يعطونج ارباح على المده اللي خليتي فيها البيزات ، بس البنوك نظام ودايعهم غير، يعني لو حطيتي وديعه لمدة سنة و بعدين قررتي تكسرينها و تسحبين الفلوس ما تحصلين النسبة..
و اتوقع بنك دبي الاسلامي عندهم اتفاقيه ويا الصكوك الوطنية ، يقدرون يحولون شهريا مبلغ في حساب الصكوك مالتج، بس مش متأكده دشي على موقع الصكوك و جيكي