ماعرف وين أحط مكان الموضوع اذا صح مكانه وللا لا..
خواتي ألحين اللي ما تشتغل تظهر زكاة وزوجها ينفق الها ..؟؟
خبروني تجاربكم ..
حبيت اخبركن معلومة توني اتصلت فأحد المشايخ المعروفين فالدولة وقتله اني ما أشتغل وريلي يعطيني مصروف اصرف منه والباجي فالبنك ..جان يقوللي لازم زكاة أظهر من هالمبلغ زكاة ..
فحبيت أنبهكن يزاكن الله خير حبايبي ..
سبحان الله وبحمده سبحان الله العظيم
يعني مثلا وحده عندها 2000 درهم هاي ماعليها زكاه لانه ما يساوي النصاب
يزاج الله خير
وحبيت أذكّر خواتي التاجرات انه حتى بضاعتهن اذا حال عليها الحول لازم تدفع عنها زكاة
وجهة نظري دام المبلغ موجود زكي من المبلغ ! مب وايد لو تبغين الاجر و الثواب
و اسألي فيه مفتي افضل و استشيري بو عيالج و اكيد ما بيقصر وياج
النصاب
هو ان يكون عندج فلوس تساوي قيمة شراء
85
جرام من الذهب
يعني هالفلوس اللي عندج ترومين تشترين منها ذهب بوزن 85 جرام او اكثر
كيف بتعرفين هالشي عن طريق عملية حسابيه بسيطه
ادورين سعر الذهب من الجرايد ولا مواقع او دقي على اي محل ذهب واساليهم
كم سعر جرام الذهب اليوم لعيار 24
مثلا اليوم سعر الذهب خلينا نفترض 158 درهم
هاتي اله حاسبه
وكتبي
85*158
بيظهر لج الناتج
13472.5
يعني لو عندج قد هالمبلغ بتظهرين الزكاه
واذا عندج اقل من هالمبلغ ماعليج زكاه
هذا موقع الهيئه العامه للشؤون الاسلاميه والاوقاف في الامارات شارحين النصاب
https://www.awqaf.ae/Fatwa.aspx?SectionID=9&RefID=2240
دشي موقع صندوق الزكاه
عندهم خدمه يحسب لج زكاة المال او الذهب اللي تبينه اختاري
هذا الرابط لزكاة المال
https://zakatfund.gov.ae/ZFP//web/cal…oneyzakat.aspx
ادخلين المعلومات المطلوبه مثل الدوله والعمله ونوع الحول هل هو ميلادي ولا هجري
ولازم تكونين عارفه سعر الذهب في السوق باليوم اللي ناويه اتظهرين فيها الزكاه
بتعرفينه من الجرايد او مواقع الذهب اكتبي في جوجل اسعار الذهب في الامارات وبيظهر لج
اليوم النصاب في الامارات يساوي 13472.50 درهم