انا ببدأ فالموضوع على طول لأن تعبانه أحس اني بموت,,
خواتي انا تعبت من خيانات ريلي ومعاملته الخايسه يباني خدامه وبس,
وكل شي حق بنات الحرام خواتي قام يمد ايده عليه وكله يظربني على راسي.
واييب هن البيت عقب ما اطلع, كم مرة امحصلة قميص نوم ولا اسبري ولا توك, حسبي الله ونعم الوكيل.
عندي منه بنت و ولد والله شفت الويل وانا حامل ما رحمني يباني اخدم فالبيت ولا يابلي بشكارة وفوق كل هاذا مب عايبنه,
ولا يصرف عليه ولا يخليني اسير بيت اهلي مرة حرمني منهم 9 شهور والحين حرمني منهم 7 شهور شو اسوي,
كل حد يقولي صبري كل الرياييل جي وعشان عيال ومن هاذا الكلام لكن أحس اني بموت على ايده ليش ايتم عيالي
وهو اصلن ما يدري عنهم من يطلع الصبح ما يرد الا الفير ولا أطلع من البيت الا نادر حتى الجمعية ما يخليني اسير,
وكله يشك فيه ويوم انا فالاربعين يظربني ويسبني ويسب هلي ليش شو سوينا له هو الي كارهني, ويقولي انا مخلنج عشان
عيالج ولا مالج مكان فهاذا البيت و24 ساعة يطالع الرقصات على الانترنت والتلفزيون وانا يباني آكل تبن وأسكت
وييلس يتمدح فيهن.. وااايد اشياء بس ما اروم اكتباها الحين.. ثقتي فيه منعدمة ومب حاسه بالامان وكل كلمة
والثانية قالي بطلقج ولا بعرس عليج…
شو اسوي قولولي انا كم مرة سرت بيت أهلي, و روحي رديت له, ما ادري ليش يمكن لأن هناك البيت صغير
وعيالي مالهم مكان.
والله تعبت ابا أعرف شو حكم القانون على الي يسويه فيه هل لي حقوق انا مابا اعيش وياه خلاص.
يوم كنت حامل بولدي كان فالسجن وربيت وعقب 7 شهور طلع وما قدر التعب الي تعبته والهم الي كنت
انا فيه ومن ثاني يوم طلع من السجن زخيته يرمس و صور بنات وحاله ولا يخليهن يسبني يوم اتصل لهن
ويظربني. اونه بنات الشوراع أحس عنج. وحملت من عقب بنتي وعقيت من الكراف الي يكرفني اياه
بيت وياهل وحكره وظرايب ومن يدخل البيت بس يقولي همزي ريولي ويرقد عني ولا ارمس ولا اسولف وياه
ولا يعرف عني شي ولا انا اعرف عنه شي ومحاسبني عالاكل يقولي الاكل ما تعقينه تاكلينه لين ما يخلص
ولا يوم اطلب من برع يقولي ما ترومين تطبخين روحج كله تبينه جاهزمعني كنت اتوحم ابنتي على شيش طاووس
جان اسير الحمام وازوعه ولا اروم اقوله الي فخاطري.
والحين بعد يباني أحمل بس انا خايفه مابا والله ما رحمني يوم انا حامل يوم يوم اييني ثيابه خايسه روج وكريم احساس
واشم فيابه ريحت عطر نسائي.
والله تعبت هاذا الريال ما ينفع حتى عياله ما ايوديهم المستشفى ولا متحمل مسؤوليتهم ويقولي انتي مرظتيهم.
بالأخير شي أشياء وايد بس ما اذكرها الحين. يمكن الحين كل وحدة تقول يمكن خسفه ولا ما تتعدل
الحمدلله انا جميلة والكل يشهد على أخلاقي وبنت عرب وناس وهلي لهم سمعه طيبه وعروفين الحمدلله.
واتعدل بس ما يسويلي سالفه ولا جنه وحدة جدامه تعبت ويأست والحين خلاص مب عارفه شو اسوي.
دخيلكم شورو عليه المحاميات والي ألهن خبره فالقضاء لو لجأت للقانون بيكون لصالحي وانا عندي
اوراق أدل أنه صاحب سوابق وعنده سجل فالشرطة كمن قضية حسبي الله و نعم الوكيل..
ويظرب ولدي من كان عمره أربع اشهور لين الحين عمره سنتين كله يصطعه على ويهه والله خايفه يجتلنا
يوم من الايام.
وهاذا الدعاء الي فالتوقيع كنت حاطتنه يوم كان فالسجن بس ما يستاهل غربلني وشيبلي راسي وانا بعدني باول شبابي عمري 22 وهو 35 مب حرام..
وفي مواضيع كنت حاطتنها يوم كان فالسجن بس ما يستاهل حسبي الله ونعم الوكيل عليك وعلي غيرك.
ما قول غير حسبي الله ونعم الوكيل على اي وحدة ترمس ريال امعرس وتسببت في خراب بيت فيه عيال مالهم ذنب
ويعله يرد فيها يوم تعرس ويستوي فيها مثل ما يستوي فينا الحين. ترا مب بس البنات يرمسن هالزمن حتى المعرسات
شفت فتلفونه كم وحدة ويقولن كل شي ريلي قالي ولا انا طالعه ويا ريلي مب حرام شو ذنب الريال الي وياها وما يدري عن سواياها؟
وين مخافت ربج وين سمعت عيالج واهلج ولا بس اتفكرين بالطريقه الجنسية والحب والهيام وهم بلعنه!!
ما قول غير حسبي الله ونعم الوكيل على كل وحدة دخلت حياة انسان امعرس لا تقولون كله من الريال ترا حتى الحرمه تروم تحط
لالريال حد يوم بيحاول يتقرب منها لأنه ريال اكيييييييييد يبا..
حسبي الله ونعم الوكيل
قال تعالى(ولا تحسبن الله غافلا عما يعمل الظالمون)
لو انا بدالج ما بتم يوم على ذمته شو هالانسان
بس ضغطي ارتفع ووضربات قلبي سريعه من الي قريبته
ما ادري كيف تميتي هالمده عنده كيييييييييييف اتحملتي
كيف تميتي عن واحد بهالمستوى
في رياايل يخونون صح بس ما كانوا يؤذون حريمهم بهالطريقه
الصراحه انتي عايشه مع مجرم ليش اتحنين عليههل هو حن عليج او فكر فيج
ليش ادمري حياتج معاه
شو مستفيده من حياتج
اتخيلي عمرج لو مطلقه شو اتشوفين الافضل لج ولاولادج وصححتج
ما ادري شو اقول
اللهم فرج همها
اسمخيلي على الاسلوب بس من القهر
ثانيا لو أنـﺂ̷ بدالج بشل گـّ ̯͡ـڵ الأدله
ﭑلليَـﮱ عندي وعند أقرب مركز شرطه
وبشتكي عليہُ وغضبا عنه يحطلج بيت
روحج لج ولعيالج. لازم يتاذب
ماتخافين ينقل لج أمراض
لو أنـﺂ̷ عن نفسي مابعيش مع انسان جي