اليوم يبت لكم موضوع عسب الكل يتعلم كيف يحافظ على نفسه
وقت الدوره والنفاس
الممنوع والمرغوب اثناء الدوره والنفاس
اول شئ تحاولي تحافظي على نفسك انه ما يدخلك الهواء ولا البرد
يعني ما تقابلي المكيف مباشره ولا تطلعي اذا كان الجو برا هواء قوي
ولا تمشي على السيراميك ولا الرخام وهو بارد
واذا اظطريتي لازم تدهني اطراف اصابع رجولك بفازلين وتلبسين عليها جوارب
لان الهواء يدخل من بيت اصابع رجولك و لا يوقف الا بالرحم
ويعمل لك انسدادات وبكذا تصير الدوره تألمك ولا ينزل الدم
ثانيا تعملي مساج خفيف للمنطقة البطن كامله من اطراف الضلوع الى عظمة الحوض
والمساج بشكل دائري يكون وبدون ظغط وتستخدمي زيت سمسم
وزيت الزيتون مو زين لانه يحتوي على كمية ملح كبيره
وينشف الجسم واحنا نبغى شئ يرطب ويلين عضلات البطن والرحم
ثالث شئ انك ما تحاولي تجهدي نفسك لا بالرياضه ولا بحمل اشياء ثقيله
لانها تساعد على نزول الرحم
رابع شئ تداومي على لهوم وشاهي الدوره طوال ايام الدوره
لانها تنظف الرحم من البقايا سواء من دورات سابقه او من الدوره الحاليه
خامس شئ واهم شئ الفطور من اول ما تصحين من النوم
طبعا امي تقول اول ما تصحي وقبل تتحركي وتنقلبي من جنب لجنب ويمشي الدم في عروقك لازم تشربي كاس حليب دافي وتفطري عشان ما يجيك الخوى وتخربين
الله يشفيها ويخليها لنا كنت من اول ما اصحى من نومي الفجر ايام كنت نفاس
كنت احصل كاسة الحليب جنبي دافيه
وكنت اشربها على طول قبل اتحرك على قولتها
لاني لو تحركت بيتكسر راسي وبتزعل علي
وفعلا يابنات والله انها صادقه
وايضا لازم يكون اكلك فطورك وعشاك يحتوي على البر على قولة الوالده البر يبرك
مثلا خبز بر او عصيد طحين بر او قرص مفروك او حنيني …..الخ
واهم شئ ما تجوعين لان الجوع سبب رئيسي في الخراب والخوى
واخيرا البيبسي وجميع المشروبات الغازيه والماء البارد والايس كريم ممنوع ممنوع
وايضا الحار جدا ممنوع
يعني المشروب لازم يكون دافي لدرجة انك تشربيه ببساطه بدون ما يلسع لسانك
وايضا البارد لازم يكون بدرجة حرارة الغرفه عشان ما يجمد الدم في رحمك
وتجنبي جميع انواع الحوامض من عصائر وفواكه ليمون برتقال خل ….. الخ
واللبن ايضا يعتبر حامض لاحتوائه على حامض اللبنيك
نكتفي بالحليب فقط دون اللبن
وايضا الاكل اللي يسبب ترهل الرحم وارتخائه مثل الباذنجان الباميا الملوخيه الطماطم…. الخ
منقول
واللي عندها معلومات اضافيه تخبرنا عشان كلنا نستفيد …
دعواتكم لي
معقوله 18 زياره وماشي رد
بغيت اسال عن لهوم وشاهي الدوره